يابخت الغرور..
السلام عليكم ورحمة الله وبركاته
جديدي المتواضع والذي اتمنى أن ترتقي لذائقتكم وللمعلومية فقد حذفت منها أبيات ثلاثة وتحيتي للجميع..
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يادفا الاحضان ضمي شاعر بصدق الشعور=واهبك قلبه عطيه وفدوتك حسه وشعوره
تحت أمرك ياغلاتي رهن في أحزان وسرور=هاتي احزانك جبيها واخذي من فرحي سروره
بس ودي اكتب اللي ماخفا بين السطور=وأرسمك تصوير خالي ماعليه ايات صوره
واعذريني ليا بدا مني غلط وألا قصور=لأني والله ماابي اكشف من الحيا لو شبر عوره
اشهد ان الله عطاك من الحلا زينة بكور=كامله والكامل اللي على النعم واجب شكوره
فمن يلومك لو تصيبك حاله تسمى غرور=ألا يابخت الغرور اليا تبخترتي بغروره
لبى والله ماتخفا من الحلا تحت الخمور=ولبى والله ماتبدا من المفاتن في ظهوره
لابدت طلتك في العالم يزود النور النور=لين ماتعمى عيون الناس من نورك يانوره
عيونك الناعس هدبها سحرها عجلن يثور=والسهم من تحت طرحة برقعك عامل خطوره
أنت مسك وأنت عنبر وأنت مخلط عطور=منتقته من الزهور الزاكية يااشذى عطوره
وأنت عود يفوح طيبه مثل مايفوح البخور=يعني مالك في اقتناء الاطياب لافود وضروره
بمثل مالي فايدة بما خفا بين السطور=كان مابين غلاك ولا ارتسم من الوصف صوره
اوعديني مايجيني منك تقصير وقصور=حتى لو انك نويت على الفراق ابدي المشوره
وزبدة القول امتلكتي بصدق احاسيسك شعور=شاعر بتعمى عيونه ياضياء الكون وسفوره
لو تأخرتي دقايق عن وعد وقت الحضور=كيف لو انك حجبتي بغيبتك نورك يانوره
[/poem]
