اقدم لكم هذه القصيدة القديمة والتي كتبتها قبل حوالي خمسة سنوات (أحس أني تندمت حرام الدعوة بس يالله سبق السيف العذل)
يالله عسى دورب الشقى ماتخليك
وتخــمك أحـزانه بكـل اتجـاهـي
اتصـبحك نـوبن ونوبن تمسـيك
ونـوبن لـيا خمـتك خمتك ساهي
حتى تذكر لهفتي يوم انا ادعيك
محتاج لك وأنته مع الغير لاهي
لاهــي مـع هـذا وهـذا وهـاذيـك
والعذر يامن تدعـي العـذر واهـي
مابين كذب وزيف ضاعت مباديك
والخافـي اللي بالسواهـي دواهـي
يكفيـني اني باسم زايـف أناديـك
وهو خيال القصد فيه التضاهي
بخداعك بزيفك مع من يماشيك
أهل القلوب اللي بها الكذب زاهي
مير اعلمي هالدرب لك به وله فيك
وأنــا تـرى لانيب آمـر وناهــي
ثم أعلمي أن عشرتك مرت بضيك
وياهي جروح وغدر يابنت ياهي
ياهي مرارن مابها شي يحميك
من دعــــوتـــي لله ربـي إلاهــي
فيالله عسى دروب الشقى ماتخليك
وتخـــمك أحــزانـــه بكل اتجاهــي
وتشوف في نفسك مساوي خطاويك
أقــل مافــيها تصيبك ابعـــاهـــي
