[frame="13 98"]
صباحكم رضا وسعاده
مشاعر بدون ترتيب ولاتنقيح ولا صور جماليه اظهرتها لكم ذكرى اليمه في مثل هذا اليوم
تقبلوها كما هي
YouTube - ‫ظˆط§ظ„ظ„ظ‡ ظ…ط§ ظٹط³ظˆظ‰ ط§ط¹ظٹط´ ط§ظ„ط¯ظ†ظٹط§ ط¯ظˆظ†ظƒ‬‎
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ثلاث سنين مرت ياحبيبي والحياة اقدار=ثلاث سنين مرت من غيابك جرحنا دامي
ثلاث سنين ياسرع الليالي والفلك دوار=ثلاث سنين واتخيل اشوفك يوم قدامي
ثلاث سنين واحزاني تعانق اصدق الاشعار=ثلاث سنين واحساسي يصارع موجه الطامي
رحلت ومابقى غير الهموم ورحلة التذكار=وصورة داخل الجوال ورقم بوسط ارقامي
عجزت اكنسل ارقامك ولو بتعذّب الانظار=بوسط القائمه لاجيت ابمسح ( ياقف ابهامي)
عسى الله يجبر قليبي وقلب الشايب اللي صار=يدور اخر اشعارك تبلل شوقه الضامي
وعسى الله يجبرك (يمّـه) يقوي قلبك المحتار=ويمسح دمعة بعينك لخدك سيلها حامي
ثلاث سنين تتردد ( ياعمّـه طالت الاسفار)=ولا ادري ويش ارد لها سوى ( يالغاليه نامي)
وذاك اللي ورث زولك يطرّي للسما مشوار=يقول (اشتقت له بابا) ابي جنحان باقدامي
ثلاث سنين مرت من وفاتك ياحلاة الدار=ثلاث سنين 00! ماصدق 00 ياليته بس باحلامي
عسى الله بس يجمعنا بجناته مع الاخيار=بظل الله معك نبقى ( نعيم وعز ) مترامي
[/poem]
ارق تحيه لكل من يمر من هنا
[/frame]
