رن التليفون غلطان ................ورديت !
يرن تلفون ساره..
ألو..
هلا.. هذا رقم ساره (صوت ذكوري ماتعرفه)
لا غلطان...
أنزين نوره....
:: طوط :: تقطع الخط بوجهه
((جاب اسمي مجرد صدفه!! ،، او لان التلفون باسمي!! ،، يمكن يعرفني ،،
اذا أتصل مره ثانيه بتصرف معاه!! )):
دانه قاعده بالصاله مع اهلها..
يرن تلفونها برقم غريب..
خذ يا أحمد << أخوها الاكبر_
رد على تلفوني رقم غريب ماعرفه،،
الو.....
هلا....
فيه أحد متصل على تلفوني!!
يغطي أحمد السماعه بيده،، دانه انتي متصلة عليه!!!!
لا والله ماأتصلت!! ولا بالغلط حتى
((تلفون دانه استقبال!!!!!!))
يعود للمكالمه
هلا متى اتصلنا على رقمك
ـــــــــــــــــــــــــ ـــــ ـــــــــــــــ
ما شالله والساعه ست ونص!!
ـــــــــــــــــــــــــ ـــــ ــــــــــــــ
لا محد أتصل يالنصاب ياللي فيك ومافيك
يا............ تلعب على بنات الناس
فيك خير تعال قابلني
الله ياخذ....الله.......
ويسكر أحمد ودمه يغلي ويبدى يرغي ويزبد
جم مره أتصل!؟
قط اتصل عليج أحد غيره!!
((دانه تهوجس،، ليتني ماعطيته،،
ضيقت صدره على شي مايستاهل!!! ونكدت قعدتنا ع الفاضي!!)):
......................
سديم في السنه الثانيه الجامعيه دق تلفونها برقم غريب
تطالعه بريبه أرد والا ما ارد،،
سديم::هلا..
....:هلا قلبي..
قلبك من ياقليل الادب يالي ماتستحي يالي.. يالي.. الخ،،
...:أموت عـ المعصبين أنا
كل تراب،، أنت وش تبي أنت!!من عطاك رقمي!!وليش .. ومن قال... الخ،،
بعد ان كثر الكلام
::: طوط :: تقطع الخط بوجهه
رجع دق عليها بوقت متأخر من الليل
أهلين
انت ماتقول لي وش تبي!! ياخي قلت لك ماني راعيه هالحركات،، ماعندك خوات انت!! ماتخاف من ربك!!
<< يدخل ابوها بعد ماسمع صراخها>>
( اقفلت الخط بسرعة )
من تكلمين ؟!
سديم:وحده من صديقاتي!!
نامي يابنيتي ولا تكلمين باخر الليل
يقطع كلامه صوت تلفونهايرن
اخذ ابوها الجوال:
هلا ياعمري انتي..
. . . . . . . . . . . . .
الو..
. . . . . . . . . . . . .
ياعسل ردي..
. . . . . . . .
((تنهار اعصاب الاب،، تنهار ثقه الاهل،،
يدخل الاب المستشفى من التعب،، وتحرم سديم من الدراسه ومن كل شي لين يجيها عريس الغفله!!!))::
................
تلفون سميه دايم سبيل!!
مره بالصاله يلعبون فيه اخوانها،، ومره تاخذه اختها تصور،، ومره،، ومره ،،
نادرا ما يرن ويكون معها!!
دايم تلقى 5 مكالمات لم يرد عليها!!
رن.. رقم ماتعرفه.. بكل بساطه ردت
.............................. ............
الو.. الو.. ( صوت ذكوري لم تألفه )
.............................. ..
هيه ردو.. أكلم صنم انا !!
.............................. ...........
وترمي التلفون على الكنبه،، وتخلي السماعه مرفوعه وتكمل حياتها عادي...
واخونا في الله ينتظر احد يرد عليه،
، بعدين عجبته السالفه يسمع سوالف العائله !!
ساعه وسكّر ... ايه ساعه!!
يدق..في وقت ثاني..
وكالعاده،، ترفع التلفون احد ماتعرفه تخليه وتروح!!
((سميه بنظرها انها مريحه بالها من القرقه وكثره اللغي،، وليش اقول لابوي، اخوي،اخسّر الي يدق وابرد حرتي فيه!!
يرسل لها بعد مدّه اسماء اخوانها،، حتى اسم شغالتهم!!! ))::
.....................
ساره / دانه / سديم / سميه / منيره .. وكل البنات!!
يومياً تصير لنا مثل هالمواقف!!
عزيزتي الفتاهـ / اخي الشاب ،،،
في مثل هالمواقف..
* برأيكـ /ي وش التصرف السليم؟!
ترد! تحقر ! تعطي ابوها او اخوها!
*ماهو ردّ فعل ( الاخ / الاب ) في مثل هالمواقف؟!
*دق أحد يعرفج بالاسم وش بتسويـ /ـن؟!
*برايكـ لو كنت مغازلجي لا سمح الله وش الاسلوب الامثل
اللي يفكنا منك عشان ماعاد تدق!!
أنتظر تفاعلكم .. http://www.haayde.com/vb/images/smilies/smil34.gif
