ان كان تغريدك تهاريج وازعاج
ردي السوالف ياغلى وزعجيني
وان كان نبض القلب للقلب لجاج
لجي علي تكفين لاترحميني
لا مااملك لا ولا واجه احراج
انا الي خايف تعتذر ما تبيني
همسك جمع صوت السواقي والامواج
وضحكتك تجلي معظلات السنيني
لاماخبرت اني معا الهرج سجاج
الا معاك ادوي دواة السجيني
انا العليل الي لقى بصوتك اعلاج
صبي زلال الطب لاتحرميني
محتاجلك والقلب لامنه احتاج
يالله على مقبل حياتي تعيني
لاجلك سرجت الفكر ولبستك التاج
تاج القصيد الي تخطه يديني
والحين عقب العشق ماصار وهاج
اشب زولك واتقهوى حنيني
تقوللي اسف عسى مابه ازعاج
واقول سولف يالغلى وازعجيني
