الشعراء المتواجدين بهذه الأوقات

بسم الله الرحمن الرحيم
الحمدلله والصلاة والسلام على رسول الله وعلى آله وصحبه أجمعين
السلام عليكم ورحمة الله وبركاته :

من العايدين:redface:

العلم سلامتكم.. عندنا هالموضوع ونتمنى أنه يؤخذ بعين الأعتبار والهدف منه زيادة الحركه وأضفاء جو المتعه والحماس على المحاورات + تهيئة الفرصه لمن يريد تنمية موهبته عن طريق الأحتكاك والممارسه الفعليه لهذا الفن ولاشك انكم تعلمون أن المحاوره المباشره هي المحك الحقيقي للشاعر ..ماودي أطيل عليكم

وباختصار شديد من أراد أن يلعب محاوره مباشره يدخل هنا ويكتب اليوم أنا موجود من الساعه كذا إلى الساعه كذا ومن يبي يلعب معي حياه الله ..وأن أراد ان يحدد شخص معين للعب معه يحدد وينسق مع خويه ماعندهم مشكله ..وأيظاً من أراد أن ينسق لمحاوره رباعيه فالمجال مفتوح المهم أني أرى أن هناك طواريق رائعه ومن شعار متميزين يقتلها تأخر الرد أو عدم وجود الشاعر الجاهز لمواصلة اللعب وبالتأكيد أن الحماس هو الدافع المشترك بين الشاعرين للأبداع ..ومعلوم ان خف الحماس خف الحماس <<!!!!



عسى الفكره تكون أتظحت لكم وياليت مايدخل هنا غير شخص جاد ومستعد فعلاً للألتزام بكلمته..

يسلم راسك ياقيس
كلامك عين العقل
وانا اول واحد
ولي طاروق بدعته من امس وطلبت فيه الشاعرة نايفة شمر
وابي العب معها مباشرة الليلة الساعة 9 اذا كانت ضروفها تسمح
تحياتي لك

حياك الله يابومسواك ..وهذا هو الهدف من الموضوع

نسقوا بينكم وشوفوا متى الوقت اللي يناسبكم ثم سمو بالرحمن ههههههه

اخوي قيس شكرا على اهتمامك

بس انا عندي راى قريب من رايك
ياليت يحدد ثلاث ساعات من كل اسبوع للمحاورة المباشرة ويكون فرسان المحاورة من الشعراء الحاضرين

[align=center]
فكرة راااائعه واكثر مااعجبني .. انه تدخل وتقول انا موجود من كذا الى الساعه كذا

واللي يطلبني حياه انا متفرغ في هذه المده .. اعجبتني هذه الفكة كثير ..

وبالنسبه لي بما اني لا ارى في نفسي الشعر لكن ( مقابلتكم تكفي ) وانا حاظر معكم قلبا وقالبا ..
ومن يريدني يبشر بعزة في اي وقت اكون متواجد ..

دمتم بود ..
[/align]

عين العقل ياقيس

سلمت ودمت

والف شكر لك

فكره طيبه بارك الله فيكم


أنا مالي بالمحاوره بس أذا حصل و لعبت معي الشاعره نايفة شمر أكون ممنونه لأن صاحب الــdsL موصيني عليها

بس أنشاء الله النايفه توافق وماتفشلني وعلشان جارنا (ابو العيال مسقبلاً) مايقطع عني الأتصال خخخخخخخخ قولوا الله يأمرها و تدخل هنا وتحدد الوقت الي تبي وتكون محاوره مباشره بيني وبينها يارب يارب يارب

مساء الخير لكل الاعضاء المتواجدين وانا عضو جديد واحب العب مع اي واحد من الساعه 1باللليل الى 3

السلام عليكم ورحمة الله وبركاته
اتا عضو جديد والفكره رائعه جداً وعلمكم على متمه . والشكر موصول لكل من ناصر الفكره

من عبن الشمريه بقليها على نار هاديه خخخخخخخخ


الشمنصريه من شافها

أنا موجوده ساعة زمان اللي يبي يلعب حياه الله

أنا موجود وجاهز والي وده يلعب حياه الله ..

سلام والليله يبا يشتال حملته البعير

موجود منهنا ساعه ساعتين يامتصبحين بالخير

السلام عليكم ورحمة الله وبركاته
اتا عضو جديد والفكره رائعه جداً وعلمكم على متمه . والشكر موصول لكل من ناصر الفكره

تحياتى

صبحكم الله با الخير والله اني مبطي وتوني داخل

لاكن ياخوي قيس الموضوع هاااذى مهوب بسيط لها الدرجه اطلب ارقام الشباب اللي يبون اللعب

وخلهم يدزونها رسايل عشان تنسق وذى غاب احد منهم اتكلم البديل


على العموم هااااااذي وجهة نظري لان الظروف تعسر الناس

ونا حاضر في اي وقت وتلفوني الاداره كلهم يعرفونه انعين ونعاون


تحياتي
لانه مايصير تنسيق الا با التلفون

اقتباس:

---

المشاركة الأصلية كتبت بواسطة محمد سالم الهاجري

صبحكم الله با الخير والله اني مبطي وتوني داخل

لاكن ياخوي قيس الموضوع هاااذى مهوب بسيط لها الدرجه اطلب ارقام الشباب اللي يبون اللعب

وخلهم يدزونها رسايل عشان تنسق وذى غاب احد منهم اتكلم البديل


على العموم هااااااذي وجهة نظري لان الظروف تعسر الناس

ونا حاضر في اي وقت وتلفوني الاداره كلهم يعرفونه انعين ونعاون


تحياتي
لانه مايصير تنسيق الا با التلفون

---

أخوي محمد أول شي مرحبا فيك وهلا أفتقدناك عسى المانع خير أن شاء الله

كلامك عين الصواب وأنا أضم صوتي لصوتك فكره طيبه بارك الله فيك ...........بالنسبه لي حاظر وممنون ماعندي مانع بالعكس يشرفني والله أقوم بالتنسيق بينكم......بس خلنا نشوف كيف تقبل الأخوان هنا للفكره وأكيد ماراح يمانع منهم أحد وعشان كذا من الآن اللي بيرسل رقمه لي أو يبي رقمي يراسلني على الخاص ........والتوفيق من عند الله

سلمت ودمت طال عمرك

السلام عليكم ورحمة الله وبركاته

وش هالموضوع ؟!!
قديم على جديد
وفيه أكثر من قيس موجود << قياسات متعددة :)

الموضوع يبي له تركيز شوي

وبالتوفيق

8
8
يمكن معك حق ياسليمان بس نبي تنسيق وشيء من الأهتمام

على طاري ((قيسات كثير)) وأنت وش اللي حارق رزك هههه