جريمة حصلت مع الرئيسة(والسبب) الـــــ
تحية طيبة وبعد :
القصة ياخنشليلة حصلت قبل ساعة أو أقل بشوي ..........
العلم الله يسلمكم أنى أنا محادثتكم الرهيبة سبنسر جالسة وحاطة كراع على كراع وأناظر في السماء وافكر بالدنيا فااااضية ماعندي شغلة توني منتهية من صلاة الوتر يعنى تقريبن الساعة ثلاث ونص ليلن بتوقيت مكة المكرمة لغير السعودين :wink:
الحاصل تذكرت الناس ألى أحبهم قلت يابنت هذى آخر ساعة باللليل ويالله ارسلى للي يحبهم قلبك في هالساعة الزوينة :frown:
فالموهم فتحت على البريد أدور رسالة تستاهل تنرسل بتالي الليول فلقيت رسالة وسويت نسخ متعدددة وبدأت أرسل لنا لي عنهم سنين مب يوم أو يومين أو حتى لنقل شهرن أو شهرين!!! :مدري:
يوم قضيت من الرسائل رحت يم البريد الإكتروني قلت خل أسوي لي خير بأحد من خلق الله!!
وهذا طبعي للمعلومية أحب أسوى مقالب فى الناس ( الله من يزن الطبايع بس أنطمي) :confused:
فالموهم كتبت رسالة عنونها البريد الأكتروني طبعن من راسى ( من زين الراس بس )
والعنوان كالتالي [email protected]
المهم لاحد ينقله تراه وهمي لاحد يتلقف ويظن أنه لي تراني أعرفكم مجنن ايميلات وفيه ناس تموت وتاخذ ايميلي علشان نحل حن وياها مشاكل المنتدى ( :هاها: )
ماعلينا نجي لمربط القرد في الشالفة (س)
المهم كتبت موضوع للرسالة التى سوف يتم توجيهها لأحدى ضحاياي المعتمدين فى الدول الغربية وكان العنوان : يامجرمة النت بنقتلك :
مضمون الرسالة :
ياأخت الرئيسة كفشانكٍ وبنذبحك ياتبيعة الرهيبة ( :قلب: )
وقررررررررررررررربع وارسلها
ميزة الرسالة أنه لايمكن تعرف مين ألى مرسلها لك بتاتن لوه تمووووووووووت
ووصلت الرسالة إلى الرئيسة
وأنا حاطة جوالي على السايلنت = صامت لغير العرب
وبعد نص ساعة جوالى يرقص ويرن
بس شفت الرقم عرفت أنها هي وربي ياقماعة بغيت أزلبها على الخط
بس قلت يابت ردي وسوي نفسك ماتدرين وشوفي أثر الماسج عليها!!!
وأرد عليها وصوتي هادىء , لي كم ساعة منطمة فى غرفتي!!!
قالت رهيبة
قلت هاه
قالت كيفك أنت وينك!!
أنا لو قلت لكم أنقطع نفسي يمكن قليلة
ماقدرت أرد عليها مدرى وش اسوي!!!
هي تناديني تكلمني وأنا ميته ضحك وهى ماتدري !!!
سألتنى : أنتِ توك مرسلة لي رسالة!!!
تعرفون لو قلت لكم أنفجرت!!!
غديت أرفس كني قارية رد لهنية أو موضوع لابوجاسم!!!
أحس أذوني طارت!!!
حسيت أنى شوى واقلع من البيت بس مادري وين أهبط!!!
يمكن في مطار شيكاغو!!!
الرئيسة لعنت آآآآآآآآآآآآآآخر جدف لي
وتجيكم وتعلمكم هي وش هو حالها يوم وصلت لها الماسج
لاتستعجلون بقية القصة خذوها من ألى صار لها المقلب
أنا على بالى بقول لها : معتس برنامق صادوه وهوه مايعرفش
بس وين
أنفكت علي كنها صنبور ماء له سنتين مافتحوه أهله
ريوسة كملى الله لايهينك!!!!!!!!!!
