الى متى بدون بدون بدون

الى متى بدون وظيفة نعم ملينا أنتظار الديوان الي الظاهر مل من سالفة الملف العلاق الأخضر وبداء بسالفة الموقع الالكتروني الي ما منه الا سد الفراغ ويعني اني شئ جدديد والله ما عندهم ماعند جدتي الله يرحمها خلوها عنكم لويبون يوظفنا ما ازعجونا كل سنة قدموا قدموا وبعدين اكثر البنات ما قدموا السنة وجوابهم اصل لوبيوظفنا كان من زمان يعني والتالى :11eatdrop:redface::mad::mad::mad: على الاقل يدفعون رواتب لنا الي في المدارس الأهلية موبس كلام
وحتى حنا ملينا تخرجنا من الجامعة والي درسونا بنفس الطرق البدائيه حقتهم موجودة يدرسون بنات عيالهم بالمدرسة تصدقون عجز من سنة جدي الأول ما تقاعدو مدري متى بيقاعدونهم ويوظفنا خلاص حتى رواتبهم التقاعدية تكفيهم فعلاً ما يملى فم ادم الا التراب سنين وسنوات من التدريس خلاص شكراً الله يجزاكم خير بس حنا نبي نتوظف ما صارت والله اذا مو قصدهم الراتب ويبون يملون وقت الفراغ يرحون للمدارس الأهلية تكفي وتوفي بشغل وقت الفراغ بتكرفهم الى ان يقلون آمين الديوان يقول مافيه وظايف طيب قاعدوا كل العجزالقدماء والي لهم 20 سنة بالتدريس يعنى أعمارهم حول 45 وظفونا حنا طالت علينا يا ديوان الخدمة المدنية ونتعب نفسنا كل سنةونقدم بالموقع الألكتروني على الفاضي

"

الشوق الحزين

شاكر لك هذا الطرح و المشكله مو أنتم الي تعانون منها بس

حتى الشباب برضو ، القصيبي هذا مشكلته مشكله

أبي أعرف كلمته أول ما تسلم المنصب وي

راحة .. كان يقول : (( يآ أنا يا البطاله با المملكه ))

لكن للأسف البطاله موجوده و التعقيد موجود

الله يعين بس الشباب و الشابات الي شهاداتهم ماليه بيوتهم

عمومً ..

لا أنتهة البطاله في المملكه و لا غازي راح من المنصب

/

تقدير لك

"

[ والله انك صادق اخوي منصور يمكن البنات اهون شوي تمشيها بالأهلية لكن الشباب وين يصرفونها اهل وبيت وزواج وزوجة مصروف واذا مو مع اهله ايجار الله يعين مع اني اعرف بنات يصرفون على اهلهم من الاهلية على الله اهم شئ الحمدلله انني بوظيفة بس ابي ادرس تخصصي وحكومة مو اهلية كل شوي سابحينا رحلة الى مكان وتعالوا حافظوا على اروواح الى معكم ولا يصير شئ كنا كمبيوتر واذا صار شئ تروح المدرسة فيها بين التوجيه والمدرسة والأم مع ان الرحلات ممنوعة ويطلعونا رحلات وش رايكم بالضحك على التوجيه على اصوله

الشوق اختي

وضعك مثل وضع غيرك وكلهم يشكون الملل والملف الاخضر العلاقي صديقهم

لكن

تذكري لعلها خيرة لك اولا

ثانيا

لاتنسي ان لله سهام ليل لاتخطئ

صلي واطلبي من الكريم حاجتك ولا تياسي لعل الله يبدل الحال لك ولأخواننا الشباب فحالهم والله محزن

وقد اسمعتُ لو نآديتُ حيآ لكـــن لآحيآة لمن تُنآدي


’،

عآرفه اغلب نساء السعوديه لمآ اعيتهم الحيله وضاقت فيهم السبل لوين اتجهوا !!

العمل الحر دخلوا مجال البيع والشراء عن طريق النت واللي حبت تكون تجارتهآ خآرج نطآق النت

وحققوا مكاسب خياليه بالتجاره

،’

الغرض من هالكلآم

لاتنتظري احد يدق عليكِ الباب ويقولك في وظيفه بانتظآرك الحين اغلب الوظايف صارت للي عندهم وآسطه

وحدهـ من قريباتي راحت لفرع من فروع البنك النسائي من يوم مادخلت سألوهآ من طرف مين جآيه

يالله بكل شيي لآزم يدخلوا الواسطه طيب البنت درست وتعبت وفووق الدراسه اخذت عدة دورات

ليه ماتكون الوظيفه ثمــرة مابذلته من مجهود

,’

غآزي القصيبي يآمآ قال واعطى آمآل واحلآم لآغلب خريجي الجامعآت

وطبعآ كل كلآمه وتصريحاته لم ترى النووور وشباب السعوديه كل سنه تزيد نسبة البطاله

والقرار اللي قدر يآمـــر بتنفيذهــ فعلآ تدريب خادمآت سعوديات للخدمه في المنآزل والله كفوو ماقصر خخخخ

وآخرتهآ اهوو مرقد في مستشفى بإنتظآر سفرهـ للخارج لاكمال علآجه

مانقوول إلا الله يشفيه ويشفي كل مسلم

..
،’

الي ان يكتب الله لك


الله يكتب لكم كل خير


ينقل المكان المناسب

مشكوره خيتوو للطرح

الكل مابيده حيله

ولو كل واحد وظيفته بيده كان كل الشباب متوظفين

لكن مالكم الا الدعاء والصبر الى ان تفرج بحوله وقوته

تقبلي ودي قبل ردي

والله مشكلتكم ما يحلها موضوع في نت

بل يحلها مظاهرة في شارع العليا في الرياض ^_^


وصدقوني راح تضبط أموركم

<<< أنتبه ترا فيه كلبوش ^_^

الشوق الحزين

كتبتي عن موضوع يهم شريحه كبيره من المجتمع سواء ذكور او اناث

وهذه مشكلة العديد من الدول اللتي فيها النمو السكاني يتزايد

ولكن اسأل الله ان يوفقك ويرزق كل عاطل بوظيفه تناسب طموحه ومؤهله

وان لايضيع تعب التاعبين

ولكن من حصلة له اية فرصه لايفوتها فبداية الغيث قطره

وسوف تزين اموره ان اثبت نفسه في سوق العمل


وفقك الله اختي

ودي وتقديري

صالح الروقي روان وبندر النايف شكـــــــــراً لكم من القلب لكم الود والتقدير خلونا نسوي حملة عبر النت على غرار حملة خلوها تصدي هههههههه يمكن تفيد والله ما تدرون حملة المليون رسالة يمكن 10 ملايين العاطلين عن العمل

صورة مع التحية لكل من خالفني الرأي في موضوعي
http://www.g111g.com/vb/t160099.html

[align=center]
4 ملايين عامل أجنبي بالسعوديه

وتبون وظائف ؟؟؟

هههههههههههههههههه

ايه هين

تحياتي
[/align]

بدون تعليق

ودي ادري ما احد منقهر من الموضوع

اقتباس:

---

المشاركة الأصلية كتبت بواسطة عدنان الثاني

[align=center]
4 ملايين عامل أجنبي بالسعوديه

وتبون وظائف ؟؟؟

هههههههههههههههههه

ايه هين

تحياتي
[/align]

---

اللهم أنا نفوض أمرنا أليك
أللهم أرنا في من لايريد لأبناء المسلمين عزاً ولاوقاراً عجائب قدرتك
اللهم أخز أعدائك أعداء أوليائك ياعظيم الجاه والسلطان اللهم مزقهم كل ممزق اللهم وذرهم فرادى وأنت خير مفرّد ووحد صفوف المسلمين وأنت خير موّحد اللهم ان عباد الوثن لايعجزونك وليس لهم علينا سلطاناً إلا ماجعلته لهم اللهما فأسلبهم ما أعطيتهم ولاتزد الكافرين إلا خزيناً وعارا وشناراً وقلة حيله ربنا أنه لايذل من واليت ولايعز من عاديت ربنا أحينا حياة من تحب وأمتنا ميتة من تحب أنت وليّنا ومولانا فالدنيا والآخره توفنا مسلمين والحقنا بالصالحين وصلي اللهما وسلم وزد وبارك عل نبيك وعلى ازواجه وآله وصحبه ومن والاهم إلى يوم الدين والحمد لله رب العالمين في الأولى وفي الأخره


ركبنا السياره بنطلع نتمشى أنا وخالي رحمه الله واسكنه فسيح جناته وووقفنا عند بنده بناخذ اغراض والحقبقه بلا خجل ( انه وقتها ماكان معنا فلوس بس كان معنا بطاقة صراف فيها حوالي أربعين ريال ) المهم انا اول ماوقفنا رحت أدور البطاقه وأثناء ذلك قالي خالي رحمه الله لاتلتفت والله مادري وش كان قصده بس قلت سمعاً وطاعه ورحت أدور الصرافه في جيوب المحفظه ولمحت ولد واقف قريب من الباب حق المحل نزل خالي القزازه وقال بيجي بيجي وفعلاً جلست أنتظر شوي إلا تقدم نحونا ذلك الشاب وبخطوات متردده كان ولد شخصيه شكله وملابسه ماتوحي أنه ............ ولاحول ولاقوة إلا بالله المهم ان الشاب أقترب من خالي وقال بعد ماسلم وسكت شوي : أنا جاي من بعيد ووالله العظيم مامعي حق عشا وأني من البارح ماكلت شي ........آنا بهذه اللحظه دورني ماتلقاني وأخر شي سمعته كلمة خالي رحمه الله يوم قال :ياويلي عنك ويلاه والله العظيم مانسيت هذه العباره لأني حسيت انها خرجت من قلبه رحمه الله وغفر له وأسكنه فسيح جناته...وقال أبشر أبشر وهو يطلع نظارته ويرجعها كعادته أذا حس باالأحراج....... المهم هذا واحد من ملايين زي الورد ظيعوا عباد الوثن مستقبلهم

خلاص أنا طفشت لي أربع شهور جالسه بالبيت أبي وظيفه


بس تبون الصدق مادورت وظيفه

ولاعرف وين يدورن الوظيفه و موقع الخدمه مقفلينه ومدرسه أهليه ودي وماودي خخخخخخ

بقدم ع ماجستير هالحين واذا ماانقبلت فيه هالترم

بقدم وظيفه ع موقع الخدمه وع السنه الجايه ان شاء الله بتزوج واذا ماوظفوني باانطق في بيت رجلي

شوفو الطموح نهايته وين بس

والله يرزق الجميع يارب ويعم علينا الرخاء يارب