[poem=font=",6,black,normal,normal" bkcolor="white" bkimage="" border="none,4," type=2 line=0 align=center use=ex num="0,black""]
عجزت لا اصبر ليلة السبت دونه=وشلون ابا اصبر والوعد سادس ابريل
العاشق المشتاق لا تعذلونه=ياما جراله في حياته غرابيل
صبره على ما فات زود طعونه=يالله عسى باقي حياته تساهيل
الوقت قاسي مالقابه مرونه=ودربه طويل ومعترضله عراقيل
يا ناموا الخلان باتت عيونه =ترقب طلوع الصبح وتسامر الليل
كنه يعاتب بالليالي شجونه=ونجم الجدي يشهد على ذاك وسهيل
يجيب من ضيقات صدره الحونه=ويعزف على جرح الموده مواويل
اقرابه الادنين ما يسمعونه=وشلون يرسل للمقفي مراسيل؟!!!
ينبيك شكله عن غرامه ولونه=وملامحه تعطي ادق التفاصيل[/poem]
