للبـــيع بســـعر مغري لظــــروف السـفر

http://www.600kb.com/upgif/E6M13056.gif



السلام عليكم
كيفكم عساكم تزقحون ومستانسين ومبروك عليك العشر ومن العايدين والله الله في الضحايا الطيبه ياللي تبي تضحون :)
بالصراحه انا عندي موضوع احترت وين احطه فيه لكن سويت قرعه ومناقصه ورست المناقصه على هالقسم .....

بعض الناس انهبلت ولا هي منهبله خلقه السالفه ومافيها يالربع والنصوص والكاملين :)

وانا اتصفح في احد المواقع التجاريه الخاصه بالبيع والشراء في العقار لو اخاف اني اسوي لهم دعايه كان قلت لكم اسمه لكن مايهمكم اسمه يهمكم موضوعي :)

الا اشوف هاك الاعلان

اللي واصله الردود فيه حوالي 200 رد بيت للبيع وقريه كامله للبيع

لظروف السفر والابتعاث ؟!!!
وبسعر مغري بترا فيان
وحاط رقم جواله
المهم وانا ادق عليه قلت قام حظك يابو صلوح وتبي تشتري لك بيت شمال الرياض :)

حلم اي مواطن سعودي وربما اصبح مستحيل :) في هذا الوقت ...

ولعله يبيع ومحتاج ونستفيد كم قرش بعد ترميم البيت

وجلست افكر وين هالحي فيه الي اسمه ترافيان

مايهم يمكن من الاحياء الجديده وطقتها
وانا الي ادق
حاط صدى اغنية طلال مداح كنغمة رن (مقادير ياقلب العناء )
قلت شكله عنده ظروف قاهره والرجال غرقان لراسه ويبي يبيع باسرع وقت
وارجع ريوس للاعلان قلت ابي اشوف السوم كم ان كان هو حول فلوسي ابي اتفاوض معه واناضر الى السوم بحدود 2500 قلت حلو شكلهم يقولون ب250000
لكن الربع مخطين في الكتابه

المهم

رد مرحبا

قلت السلام عليكم
قال وعليكم السلام
كيف حالك اخوي ان شاء الله تمام
قال الحمدلله
قلت شفت اعلانك لبيع البيت
البيت جديد ولا قديم ؟
قال جديد من بدايات 2007
قلت كم سيم وحدك يالغالي
قال منيب طماع
وتراي سمح
وانا الي اقول بقلبي عساه دور وفوق شقتين ابي اسكن واستثمر وفيه مسبح وبايكه وبيت شعر
ومكيفات اسبيلت والبويه بروفايل والواجهه حجر والجيران زينين والمساحه مناسبه
المهم قلت وش المواصفات
وهو الي يقول
اخوي من جد فرصه لاتفوتك قال اسم الولد الله يسلمك قلت منير الله يجيبه ان شاء الله :)
قال هذي الموصفات يابو منيرقريتي في ترافيان
وانا الي اهوجس واقول شكله مطنوخ راعي قرى وشاليهات ومنتزهات
قلت الله يزيدك من نعيمه
شوي ويقول
عدد السكان 4077
لها 6 قرى فرعية
قلت ماشاء الله تبارك الله
اشتراك قوي 20 على السيرفر
ترتيب القرية 1250
فيها320 ذهب (قلت شكل البير الارتوازي يسمونه ذهب من زود غلاه )
والمطلوب 2500ريال يالشيخ
قلت وش الي ب2500
قلت بقلبي شكله مكثر اللبن او ان البيت فيه مشكله او عليه من قروض الصندوق العقاري دبل وثري او فيه جن :) وش هالسعر
اكيد انه مهوب صاحي لا بالله 2500اكيد مهبول ولا يحسبني باستاجر يومي
وانا الي اسئله
بكم
قال 2500
وانا الي اصرخ واقول انت صادق ولا تمزح
قال جاد يابو منير ولولا الظروف قسم بالله ما ابيعها ؟؟؟
وانا الي اسئله الصك بسمك ؟؟ البيت عليه مشاكل ارث او غيره ؟
الحي معتمد من الامانه ؟؟؟؟؟
الخدمات واصله ؟؟
قال ياخوي انت وش فيك اي ارث واي مشاكل واي خدمات وهو الي يحطه على السبيكر
قلت شكلي احرجته والرجال حساس
قلت له
والبيت وينه فيه ؟؟؟؟؟؟
قال بترافيان
قلت وترافيان باي مكان ؟
قال ايش ؟
من قال ايش قلت شكلي غلطت قلت ياشيخ
الله يطول بعمرك حي ترافيان وين مكانه فيه ؟

لان كل يوم طالع حي جديد بالرياض وتمشي جهت الشمال شكلها خمس سنوات وتدق في المجمعه شمالا ورماح شرقاً

قال تستهبل انت ؟

قلت لا والله منيب استهبل اول مره اسمع بالحي
قال اي حي

قلت اللي انت باني فيه حي الترافيان

وهو يضحك واسمع ضحكات من حوله اثره حاطه ع السبيكر

قال انت ماعندك كمبيوتر قلت الا عندي كمبيوتر ولو ماعندي ماحصلت اعلانك
قال ولا عمرك دخلت ترافيان قلت ابد مااعرف هالحي
حدي منتديات الاسهم ؟
قال ترافيان لعبه
واشتراك السيرفر33

قلت وش تقول ؟

وانا اقطع الخط

مااستوعبت السالفه وش

وطار الحلم وقلت تبطي عظم ياصالح ماشريت بيت

واخذ خمس دقايق

ويدق علي قال ياخوي ترى فيه زبائن يتصلون يبي يشترون لا تفوتك القريه

قلت اقول

مايشتري منك الا المسطول اللي مثلك

انت فاضي

واصحاب العقول في نعمه

قال الشرهه ماهي عليك على اللي يبي لك الخير

قلت انت وجهك وجه فقر اصلا

ياحسافه سبع دقايق اتصال قضيتها معك يالنصاب

عاد عمي كان جالس بجني

قال صالح

قلت نعم

قال نعامه تفقع وجهك

انت ماعندك اسلوب

كيف تتصل على الرجال تبي تشتري منه البيت ثمن اخرتها تتكلم عليه

قلت اقول ياعمي

ليتك تسكت عني

بلاك والله ماتدري وش اللي يبيعه

قال اصلا وجهك ماهو وجه يبي يشتري بيت

انت حدك خيمه عمودين وتخب عليك

قلت اقول سامحك الله ياعمي

وسبب لي هالبيت الشحناء بيني وبين عمي :)

وتاليها حسبي الله ونعم الوكيل

وحسبي على ترافيان هبلت بشبابنا هالالعاب

تحياتي لكم

السلام عليكم ورحمة الله وبركاته

اولا الحمد لله على السلامة من هالنصب اللي عيني عينك

ثانياً دام البيت اللي يبغى يبيعه في النت ليش ناوي يبعه قبل يسافر

والشبكة موجودة في كل مكان 000فعلاً اللعبة هذه موجودة في اغلب المواقع

لكن ما شدتني000وإللي عنده خلفية عن هاللعبة ينورنا0

هههههههه اثاريها كذا

وانا كل يوم تطلع لي هالاعلانات الله يرجها


اقول وش سالفتها

استاذ صالح والله انك صادق البيوت صارت احلام

حديث مشوق ولا يخلو من الطرافة كما عهدناكم

بوركت يمينكم

ههههههههههههه

وضاع الحلم يا بومنير

بدل بيت دورين وبعد ملحق خيمه عامودين وخب عليها ومشي حالك
هههههههههههههه

قال صالح
قلت نعم
قال نعامه تفقع وجهك
انت ماعندك اسلوب
صالح
أنت رائع
أسلوبك ممتع وشيق
أخذتني معك للنهاية
كل الشكر والتقدير

صالح باين من خطك وش كبرة واحمريكا انك مفجووووووووووع :وت:

ترافيان ياصالح لعبه تبني لك قريه وسكان وثرووه وحركااااااااااات لعبنا فيها

أنا وبنت عموو بس واحد هجم علي واحتل قريتي وأخذها مني اهي اهي :تتبكي:


وتدري ان راعي هالقريه خسران بايعها بلاش أخوي يقول في واحد باع قرية 32 ألف ريال
:11retcher




قال صالح


قلت نعم


قال نعامه تفقع وجهك


انت ماعندك اسلوب


كيف تتصل على الرجال تبي تشتري منه البيت ثمن اخرتها تتكلم عليه





ههههههههههههههههههههههههه ههه ياحليل عمك ويازين خفة دمه :موف:





ومشكور على هيك موضوع مميز وخيرها بغيرها وأنا أختك والله يرزقك بذاك البيت الي يشرح صدرك :ويوي:

هلابك اختي افنان
الله يسلم قلبك
وهاللعبه مضيعه للوقت

وتجمع فيها من كل جنس ونوع
واكثرهم يستخدمها للتعارف بعد
بالعلم ان ليس لدي الخلفيه الكبيره عنها
لاني مريت عليها قبل فتره كثيره ولا راقت لي

وابعدت عنها

الف شكر لك على مرورك العطر

ودي وتقديري

هلابك اختي العزيزه وجن

ايه انتبهي لا احد ينصب عليك

لا الدعايه الثانيه اللي تجي على الايميل
يقول انا شغال في بنك في افريقيا وتوفى ابوي وترك لي ملايين
وابيك مدري وش تستثمرها في بلدكم وهي نصب في نصب

اختي وجن
مرورك محسوب
ولايكمل النصاب الا به
الف شكر لك

ودي وتقديري

هلابك يابوح عابر

منور متصفحي

وصادق ضاع الحلم لكن خيرها بغيرها ههههههههههههههه

والله الخيمه يمدحونها في اجواء الشتاء والربيع
ودك الواحد يبني له خيمه في برا خلا ثمن يأخذ فترة استجمام :)
ويفتك من غثى المدن وازعاجها

الروعه لم تكتمل الا بمرورك العذب

الف شكر لك


ودي وتقديري

يسلمووووووووو

على الموضوع الناايس

غلا ابوها

تبين الصراحه
ماكسر يديني غير لعبة ترافيان :)
بس تبت منها ماعاد العبها هههههههههههه

اما اخوك شكله يبقش عليك وش ب32 الف

قولي له صالح يسلم عليك ويقول ياكبر الارنب ههههههههه

وعمي احليل احيانا واحيانا يرفع الضغط :)

مدري يمكن ملحه واجد ويرفع الضغط هههههههههه

منوره ياغلا ابوها

والله يخلي لك ابوك ويخليك له

وشكرا على ترصيع متصفحي بالنجوم

وماهي غريبه عليك ياذوق


تحياتي

7

7

هو دايم يبقش علي ويعطيني من الصواريخ

الله يهديه ويصلحه بس

ههههههههههههههههه

والله ضحكت ضحك ..

أخواني الصغار يلعبوها .. قريوا معايا الموضوع وفطسوا من الضحك ..

بس عن جد خسارة .. ضاعت البيعة .. ههههههه

يعطيك العافية أستاذ صالح ..

من جد الحمدلله...وتكبروتاكل غيرهـــــــــا...
تحياااااااااااااتي.......

اقتباس:

---

المشاركة الأصلية كتبت بواسطة غلا أبوها

7

7

هو دايم يبقش علي ويعطيني من الصواريخ

الله يهديه ويصلحه بس

---

اللهم امين
ويخليه لكم يارب
يمكن صواريخ بيضاء ماتضر


شكرا على مرورك مره ثانيه

أبو منير

الله يخلف عليك


أدري ان عقليتك تجاريه


لكن هذه الصفقة ادري ان العقل المدبر لها عمك ابو دااااب


هو يخطط وانت تنفذ وتتصل

ليتك ماغيرت الكاااار وخليتك في الاسهم


وعلى فكرة علم عمك ان عندي قرى للبيع بس عيبها انها مهجوره وخاليه من السكان


صحيح حولها كم مقاتل بس للاسف بدون سلاح


والتموين بتاعها مسروق


ويحرسها داااااااب أسووووووود




انشده اذا صمل بسوي له تخفيض خاص


تسلم على هيك سالفه رهيبه مثل صاحبها


تحية عطرة

ههههههههههههههههه

صالح صالح امشي نقط ونشتري القريه تبع الرجال

انا باقي من مصروفي المطرشي ريال مني عارفه فين اصرفه

>> بس بشرط ترجعلي ريالي اذ1 انتهت الاجازه :مزون:

يعطيك العافيه ع الموضوع وقسم ضحكنيشن

سلام..

اقتباس:

---

المشاركة الأصلية كتبت بواسطة ( وجـه القمر )

ههههههههههههههههه

والله ضحكت ضحك ..

أخواني الصغار يلعبوها .. قريوا معايا الموضوع وفطسوا من الضحك ..

بس عن جد خسارة .. ضاعت البيعة .. ههههههه

يعطيك العافية أستاذ صالح ..

---

هلابك اختي وجه القمر
دوم هالضحكه
وانا مستانس يوم رسمت البسمه على شفاتيك انتي واخوانك :)

وبالفعل ضاعت البيعه

عقب مابنيت امال عليها



وتراها سواليف من الخيال

انا احس بعض الناس صدق ههههههههههههههههههههههه


شكرا لك على المرور الرائع

اقتباس:

---

المشاركة الأصلية كتبت بواسطة الشامــخه

من جد الحمدلله...وتكبروتاكل غيرهـــــــــا...
تحياااااااااااااتي.......

---

هلابك الشامخه

شكرا لك على المرور

تحياتي لك

اثيره

شكرا لك على مرورك


تحياتي

اقتباس:

---

المشاركة الأصلية كتبت بواسطة سعود

أبو منير
هلا ياسعود

الله يخلف عليك
اللهم امين لكن كم ضاع للجمال من جمل :)

أدري ان عقليتك تجاريه
ايه بين في صنادحي عز الله ان التجاره بوادي وانا بوادي

لكن هذه الصفقة ادري ان العقل المدبر لها عمك ابو دااااب

يااخي انت عندك احساس صائب دائما عمي هو اللي ادخل فكرة شراء البيت في راسي
والا انا ساكن ومعين خير لكن هو الضاهر ناوي يحط الثانيه وقال يبي يورطني لين اشري بيت ثمن ياخذه
هو يخطط وانت تنفذ وتتصل
لو مانفذت ياسعود صارت علوم :)
ليتك ماغيرت الكاااار وخليتك في الاسهم
عمي يقول خلنا نعدد مصادر الدخل قلت يالله

وعلى فكرة علم عمك ان عندي قرى للبيع بس عيبها انها مهجوره وخاليه من السكان


صحيح حولها كم مقاتل بس للاسف بدون سلاح


والتموين بتاعها مسروق


ويحرسها داااااااب أسووووووود

وين هالقرى عساها واصلتها لخدمات تدري عمي يوم قلت انها طلعة قريه في ترافيان ولعبه ومدري وش قال حلو خلنا نشريها ونطلب عليهاختم واصير انا الامير وانت الخوي
هههههههههههه قلت ليتهم والله امرحوا ههههههههههه


انشده اذا صمل بسوي له تخفيض خاص


تسلم على هيك سالفه رهيبه مثل صاحبها


تحية عطرة

---

الف شكر ياسعود على مرورك العطر

بعدين انت وينك لك فتره مااشوفك عسى المانع
خير

ودي وتقديري لك ياعزيزي

ههههههههههههههه

والله اني كضحت عليك وعلى عميمك

واني اعلم ابوي ويضحك عليكم

الله يعوضكم ببيت في الجنة احسن منه

بس لا عاد تدخل في اي موضوع على طول الا لما تتاكد من الخبر وصحته عشان مايضحكون عليك الشباب اللي يسمعون كلامك من المايك وانت ما تدري

هذا اذا ما سجلو صوتك ونشروها بالبلوتوث

الله يخلف عليك من الفشله

بس لا تخاف بتصير مشهور من هالمقطع الي يتبادلونه

ويصير ما حد قدك في الشهر

تقبل مروري

هلا اخوي
هذه الالعاب لضياع اوقات الشباب وشفط فلوسهم
زيها زي كثير من المساهمات الي خلت ناس يعيشون بالقمر فترة من الزمن ثم محطت بهم الارض
الله يرزقك بيت لبنه من ذهب ولبنه من فضة في الجنة ووالديك وكل عزيز عليك وكل اخ او اخت هنا في غرابيل

ههههههههههههههههههههههههه هههههههه
مثل ما قلت اختي المحبه لـ رسوال الله ((الله يعوضك بيت بالجنه والمسلمين الجمعين))
يعطيك العاااافيه..

اقتباس:

---

المشاركة الأصلية كتبت بواسطة فهده

ههههههههههههههههه

صالح صالح امشي نقط ونشتري القريه تبع الرجال

انا باقي من مصروفي المطرشي ريال مني عارفه فين اصرفه

>> بس بشرط ترجعلي ريالي اذ1 انتهت الاجازه :مزون:

يعطيك العافيه ع الموضوع وقسم ضحكنيشن

سلام..

---

هلا يافهده
انا ماحب القطه اخاف تموتين باكر ثمن اتورط بالورثه :)
اذا تبي تسلفيني الريال وارده لك اذا بدت لك المدرسه بريالين
جزيتي خيرا :)

الف شكر لك على مرورك العطر

ودي وتقديري

اقتباس:

---

المشاركة الأصلية كتبت بواسطة المحبة لرسول الله

ههههههههههههههه

والله اني كضحت عليك وعلى عميمك

واني اعلم ابوي ويضحك عليكم

الله يعوضكم ببيت في الجنة احسن منه

بس لا عاد تدخل في اي موضوع على طول الا لما تتاكد من الخبر وصحته عشان مايضحكون عليك الشباب اللي يسمعون كلامك من المايك وانت ما تدري

هذا اذا ما سجلو صوتك ونشروها بالبلوتوث

الله يخلف عليك من الفشله

بس لا تخاف بتصير مشهور من هالمقطع الي يتبادلونه

ويصير ما حد قدك في الشهر

تقبل مروري

---

هلابك اختي محبة رسول الله
ليش تعلمين ابوك خليتيه يضحك علينا هههههههههههه
تبيني اقول لك سر

ترى القصه من نسج الخياااال :) يعني مالها راس ولا ذيل ههههههههه
لكن مادام البلوتوث يبي يخليني شهير ابي ادور واحد واخليه يسجلني وينشرونها

خلاص انتظر اسبوع وتشوفونها منتشره مع البلوتوث :)

المحبة لرسول الله
الف شكر لك على مرورك الرائع

ودي وتقديري

اخوي الهمه القادمه

الف شكر لك على مرورك العطر

لك ودي وتقديري ياعزيزي

شراسة انثى

دوم هالضحكه

والف شكر لك على مرورك العطر

ودي وتقديري

ههههههههههههههههههههههه
اوما يصالح ما تعرف ترافياان
ههههههههههههههههههههههههه هههههههه
وش حسيت فيه لمى قالك لعبهhttp://dc03.arabsh.com/i/00764/vazna3s6xj7p.gif
هعhttp://dc03.arabsh.com/i/00764/vazna3s6xj7p.gif

انين الورد

دائما هالضحكه

ههههههههههههههه

اما عاد مااعرف ترافيان

ترى احس ان فيه ناس اخذوا الموضوع بجديه
هههههههههههههههههههه

الف شكر لك على مرورك الرائع

الله يرزقك
بيت
دورين
وملحق
وبدروم
ومسبح
وعلى شارعين
واجه شمالي غربي
وفي جده مو في الرياض
بس كيف مادري ؟!

ههههههههههههههههههههه

وربي اني ضحكت..وبقووه كماااان..:icon_lol:

×

الله يعووض عليك..يااصالح..:cool:

,

وتسلم ع هيك مووضوع توووحفه.؛

لاعدمنا جديدك..
×

ماريا

الله يسمع منك

ويرزقني ويرزقك ببيت في الجنه

ابي بيت بس اي واجهه هههههههههههه
بس عاد في جده مايناااااسبني الا استثمار ههههههههههه

كلا بمدينته مرتاح :)

الف شكر لك اختي على مرورك العطر

ودي وتقديري

جود الحزن

الف شكر لك على طلتك الرائعه

ودي وتقديري

هههههههههههههههههههههه
ههههههههههههههههههههههههه هههههه
ههههههههههههههههه
ااااااااااااالله يسسسسسسسسسعدكـ .,

لو أدري كآن ما وقفّت عضويتي في هـ اللعبه و كِسبت من وراهآ ألووف
ههههههههههههههههههه قسم كآنت عندي خمس قُرى قوّيه ذآت حسب و نسب
و سكّآن و ميآهـ جآريه و أوضآع فُلّ ههههههههههههه .,
بس قِرفت من حآل الآعبين و حذفت أبوهآ .,

صـآلِح
الله يسعدكـ و بس .,
دمتـ بخير .,

,’
’,
,’
’
,
.

دوم هالضحكه يالمسات

اجل كان عندك قرى وانهار

تبي تبيعينها ترى لها زبون
<<<<يبي يأخذ سعي
ههههههههههههههههه


الله يسعدك يارب

والف شكر لمرورك الراقي

ودي وتقديري

ابو منير ...

هههههههههههههههه ...

يسلموووووووو ...

تحيتي ...

لذيذ

دوم هالضحكه

الف شكر لك على مرورك العطر

ودي وتقديري

اقتباس:

---

الف شكر ياسعود على مرورك العطر

بعدين انت وينك لك فتره مااشوفك عسى المانع
خير

ودي وتقديري لك ياعزيزي

---

اشكرك ياصالح على سؤالك عن غيابي هنا وفي قسم الاخبار


والله ياخوك أمرو بظروف صعبة شويتين


لكن لا تنسى اخوك من صالح دعاااءك




تحية عطرة

الله يوفقك ويسهل امورك يارب

وان شاء الله اخر الغيبات

والله يسر عليك
ولا شكر على واجب

والف شكر لك اخوي