[poem=font="Simplified Arabic,5,black,normal,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
لا ضاق صدري بالمسابيح سبحت = وابعدت عن قومٍ تدس النميمة
وإليا عسرت القاف قمت انحته نحت = وابدعت في نحته وكني نديمه
وإليا لقيت الليل بالصوت طوحت = من حر ما اونس كن كبدي هشيمه
من هاجسٍ دك الخفا لين ماسحت = يابن زها كني لوقتي خصيمه
يابن زها لي عام من سحت في سحت = من صاحبٍ شق المعلق ظليمه
من صاحبٍ جاني وانا ماتريحت = وزاد الشقا فالروح طيب وغنيمه
ومن زود حبه يامحمد ترا فحت = حبه بجوفي زايدٍ في وشيمه
ميزان قلبي له على الخلق رجحت = وعمري كتبته لجل عينه قسيمه
ياكثر ماجيته وبالحب لمحت = والهم فيني حب حتى قصيمه
تلومني ياخوك بالصوت لاصحت = وانته تشوف الحال عقبه يتيمه
ماغير هم وغم لا افرح ولا ارتحت = والقلب همه يامحمد يضيمه
ولا من لقيتك بالهواجيس لوحت = القلب مايعلن لغيرك صميمه
انت الوحيد اللي له بخافقي بحت = في جوف صدري لك معزه وقيمه
ياخوي خذني كان يم الغضي رحت = خذني وقل بي عاهةٍ مستديمه
قله ترا رمشي من الدمع حتحت = ومن سبته مافيّ حاجه سليمه
قله ترا عقب الجفا ماقد افلحت = ما افلحت ياكود الهموم القديمه
وقله تراهـ .. بنظرتي كل ما اصبحت = اصبح على خدٍ وكفٍ نعيمه
وإليا ضويت الليل في قلبه امرحت = بأسباب حبٍ معتلي كل ديمه
وقله تراني من عذابه تجرحت = بأسباب حبه بي جروحٍ عظيمه
وقل عني انك بالتسابيب وضحت = عله يروف بقلب ذاق الهزيمه[/poem]
