ياشعراء أفتوني .. عاجل للضروره

[align=center]بسم الله الرحمن الرحيم[/align][align=center]
ياجماعة الخير أبغى رأيكم في هالقصيده
كتبتها من حوالي خمس سنوات .. وشاركت فيها في مسابقه قبل أسبوع في أحد المنتديات ..
ولجنة التحكيم تقول فيها أبيات مكسوره .. وانا والله ما اشوف فيها شي
اتوقع أشكلت عليهم بعض الابيات في قراءتها .. ولكن القراءه تختلف عن نطق الشاعر عندما يلقيها بصوته
أنتظر آراءكم ونقدكم .. بكل امانه وصدق



...[/align]
[poem=font="times new roman,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يذوب الشمعدان ليا حضرت وينتشي عصفور= ويعشوشب على شانك جميع اللي تمس يديك

ويغار العطر من روعة شذاك وتحتضنك زهور= وتخلف لجلك القمرا هوا الساري وتسري فيك

وذي دلة هواك تفوح داخل خافقي وتفور= تعال اقلط وخذ فنجال عشقي ودي اقهويك

تعال وخلني شمعة خلاك بوحشة الديجور= وأنا بضوي واولّع لك قصايد كلها تغليك

تعال وخلّها وضح القصايد في هواك تثور=وصهيل الحرف ماهوّد يبي يكتبك ويناجيك

أببحر بك بغبة شعري المجنون والمأسور= وابغرق بك وابنجى بك وابتحداك واستجديك

حبيبي يابعد كل الصبايا والهوى المنثور= ياترنيمة خفوق اللي يبيع العالم ويشريك

يا أجمل من سقى عوج الحنايا بعد ذيك البُـــور= بعد ما ارويتني ودّي سنابل شوقي تغذّيك

يا أروع من رقص قلبي معه عقب الكدر والجور= على اقصر ضلع ..(زريابه) سجع من شوقه يغنيك

وانا واللي خلقك وميزك عن جمع كل الحور= لو أقدم لك الروح العزيزه ما اعتقد توفيك

ومثل ما هالبسيطه حول خد الشمس يوم تدور= تراك انته مجالي يوم ادور بعالمك وارجيك[/poem]

مرحباً أخي

أولاً أنا لا أجد في نفسي الناقد ففي هذا الصرح من يعلوني بكثيير في هذا المجال

لكن بعد قراءتها أكثر من مرّة لاحظت خلل بسيط في

اقتباس:

---

لـو أقـدم لـك الـروح

---

ومثلها( ودي أقهويك)* تنقرا ودي آقهويك عشان تركب :)

<< احس فيها سحبه خفييفه


رغم عدم معرفتي بامور الوزن

لكن مثل ما قلت أتوقّع ان القراءة تختلف من شخص لشخص ويمكن اللي قراها لسانه موب سلس مع اللهجة

عموماً في مجملها رائعة

وان شاء الله الأخوان يقيمونها التقييم اللي يليق بها ^^


تقبّل مروري

تحيتيـ

مرحبا اخوي محمد

القصيده من وجهة نظري سليمه من ناحية الوزن


ممكن المقيمين للقصيده اخذو عليها بعض الثقل لان المجال مجال تحدي

مثلا في مواضع (ويغار العطر ,, وصهيل الحرف ,, ومثل ماهالبسيطه)

لو انك استغنيت عن حرف الواو كان اتم لتطابق الوزن مع انها موزونه اذا سكنت الواو ولكن لاتخلو من الثقل الذي لايؤثر على وزن القصيده ولا احد يستطيع ان يقول عنها مكسوره

فارس صح لسانك أول شي وثاني شي

أما ثالث شي فهو أن الطروق الطويله أصعب من غيرها من ناحية ظبط الوزن سمعنا قصائد لكبار الشعراء فيها خلل من ناحية الوزن مايحتاج نذكر أسماء لكن كلكم سمعتم بالشاعر اللي يقول ياخي أغلب الشعراء يكسرون وذكر على سبيل المثال بيت لسعد أبن جدلان فيه خلل من ناحية الوزن وهذا مايقلل من قيمة قصائد أبن جدلان

اللي أبي أقوله أن قصيدتك ماتخوا من الكسور وأنا أسميه أرتباك فالوزن ..يعني ماهي كسور واضحه تعيب الشاعر حاشا وكلا

أعتقد أن القافيه (ـــيــك) سبب هذا الأرتباك في الوزن عشان كذا تلاحض أن هناك عدة كسور في عجز البيت ذكروا بعضها الأخوان أعلاه ..مع العلم أن لي أبيات أكتبها زي ماتطلع معي وأنا أعلم أن في بعضها ثقل أو سحبه زي ماقالت الأخت ذكريات بس أشوف أني لو عدلتها ماراح تكون أحلا وأصدق منها وهي مكسوره

( وجهة نظري أن البيت والبيتين أو حتى القصيده كامله أذا لم تنشر فهي ملك للشاعر يعني هو أدرى باللي يبي يقوله لكن أذا طلعت للناس لابد أن تكون مستوفيه لجميع شروط القصيده يعني بصريح العباره كامله والكامل وجه الله) أستمتعت وأنا أقرأ قصيدتك صح لسانك مره أخرى


ودمت بخيرات الله

القصيده فيها ثقل بسيط ذكروه الاخوان
وصح لسانك تقبل مروري

انا ارى انها قصيده جميله ...

موزونه ... وقافيتها حلوه جداً ...

والثقل اللي ذكروه الاخوان يعتمد على القارئ فقط ...

تحيتي ... وبالتوفيق ...

الأخ محمد الفارس مساء الخير


قصيدة كتبت على البحر الشيباني

وهي صحيحة عدا الصدر في آخر بيت فهو شطر مكسور

والغريب في الموضوع كيف يكتب شاعر مثل هذا النص ويأتي في آخره ويكسر بمثل هذا الكسر؟

لا أعلم؟؟

وعلى العموم تحيتي للكل وشكراً لكم وبس

اخوي القصيده يوجد بها ابيات تحتاج وزن ؟؟؟؟ وابياتها متباعده عن بعض ؟ تقبل مروري

محمد الفارس

اول شي صح لسانك

ثاني شي ماعندك الا ثقل في حرف الواو بداية البيت الثاني ولايعتبر عيب ابدآ

اما من ناحية القصيده اجمالآ مافيها ولابيت مكسور سليمه من إلى :)

وربعك اللي يقولون مكسوره وطلعوها من المسابقه الظاهر الكسر في روسهم هههههه

واستاذتي امل عبدالعزيز اذا تقصدين البيت الاخير من القصيده اعتقد ان قراءتك له ماكانت صحيحه الشطر سليم ميه بالميه

تحياتي للجميع

يارجال ارق سنود

والله ان قصيدتك مضبوطه وأخذها مني وكلام الشاعر محمد ضاوي صحيح هي فيها فقط حرف الواو في بعض الكلمات


والا القصيدة من ناحية وزن موزون

وسلملي على اللجنه اللي قيمتها

مكسوره

اقتباس:

---

المشاركة الأصلية كتبت بواسطة محمد-الفارس

[align=center]بسم الله الرحمن الرحيم[/align][align=center]
ياجماعة الخير أبغى رأيكم في هالقصيده
كتبتها من حوالي خمس سنوات .. وشاركت فيها في مسابقه قبل أسبوع في أحد المنتديات ..
ولجنة التحكيم تقول فيها أبيات مكسوره .. وانا والله ما اشوف فيها شي
اتوقع أشكلت عليهم بعض الابيات في قراءتها .. ولكن القراءه تختلف عن نطق الشاعر عندما يلقيها بصوته
أنتظر آراءكم ونقدكم .. بكل امانه وصدق



...[/align]
[poem=font="times new roman,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يذوب الشمعدان ليا حضرت وينتشي عصفور= ويعشوشب على شانك جميع اللي تمس يديك

1_و_يغار العطر من روعة شذاك وتحتضنك زهور= وتخلف لجلك القمرا هوا 2ــالساري 3ـ وتسري فيك

وذي دلة هواك تفوح داخل خافقي وتفور= تعال اقلط وخذ فنجال 4_عشقي ودي اقهويك

تعال وخلني شمعة خلاك بوحش(ة ن)5ـ(ال)ديجور..يمكن أزين..= وأنا بضوي واولّع لك قصايد كلها تغليك
[/poem]

---

وقس على هذا بقية القصيده
معلمك من البدايه (أيــك) مايصلح للشيباني وولد عمه اللويحاني أصلاً الشطر الثاني فيه زياده حرف خلقه بذا الطاروق مايتحمل إلا القافيه المهمله لو كان المطلع >>يذوب الشمعدان ليا حضرت وينتشي عصفور..... ويعشوشب على شانك جميع اللي تمسه يدك

يقول الشاعر فراج أبن جلبان السبيعي متفرداص بنوع القافيه
[poem=font=",6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]

أنا أمس العصر والبارح وعصر اليوم والليله+علي هن أطول أيام السنة وأقسى لياليها
رمع لي هاجس مزعج ولادري ويش تأويله=وقام أبليس منسي المشاكل لي يطريها[/poem]

ياجماعه اللي مايفهم بالوزن وبلحن البحر يريح ملايكته

لاتفتون بشي وانتم ماتفهمونه القصيده مافيها شي مافيها شي سليمه من الى

انا لله وانا اليه راجعون ماعين خير يوم طلب الرأي هههههه

ا

مساء الورد


الشاعر بعيد الفاضل


الشطر مكسور وجيب اكبر من تثق فيه

ويضبط لو شال حرف ( ها ) الي قبل كلمة البسيطة يصير موزون وسلامتك

وغير هالشطر مافي الكصيدة ولاكلمة وفاله البيرق

خذ العلم من أمل :vampire: ولايهون الباقي:11retcher

بعيد؟؟؟؟؟؟؟؟؟؟؟؟؟ تاكد القصيده فيها ملاحظه وحده بس

ومثل ما_ هـ_البسيطه حول خد الشمس يـوم تـدور

وآنا مـا_حـَ_ارب الاقراب لو صاحت مجننها

طبعآ انا استشهدت ببيت للعلم (( حبيب العازمي في محاوره والمحاوره تعتمد على لحن))

نفس الوزن بيت حبيب العازمي يقول : آنا ماحارب الاقراب لو صاحت مجننها

الاستاذه امل حاولي تنطقينها كذا : (ومثل ماهلبسيطه) ومثل ماهل بسيطه <<<زي حلاوة العيد يظبط هههههه

مازلت انا مصر ان البيت موزون ميه بالميه سواءآ حذفنا حرف الواو او ابقيناه لايضر بشيء وعلى العموم

مين اللي ترضونه يحكم ؟ اذا تبغون انزل البيت في منتدى المرقاب واطلب الرأي فيه انا مستعد بس قبل لاتستعجلون قارنوا بين البيت وبيت حبيب من ناحية الوزن واللحن والوزن هو اللحن

<<<<<<< يقول من ذبيحه :)

طلال الغبيوي ياجعلك سالم اي والله انت انسان فاهم وملم بالشعر واعرف ان القصيده ماتفوت عليك
والاستاذه امل ايضآ مايفوت عليها شي ..

وكلكم شعراء نطلب رأيكم

لاكن يمكن القراءه لها دور من ناحيتي غنيت البيت كامل على لحنين منفصلين وطلع ميه الميه

واللحن هو البحر اذا مشى اللحن معك مظبوط فالبيت تمام التمام واذا عك اللحن فالبيت مكسور

وانا اقول مافيه حيله وفاله المليون :)

ابكتب لكم كيف نطقتها أمل وكيف نطقها بعيد حسب وجهة نظري وكلهم صح

أمل نطقتها كذت :

و( ي ) مـِثــْـلِ ( ي ) ما البسيطة

وبعيد نطقها كذا :

اومـِثــْـلما ما هالبسيطة


ومن ناحيتي أقول البيت صحيح

طيب مظبوطه وياعيني عليها هههههههه الرجال عارض قصيدته ويتحمل مايترتب على ذالك ومن يدري أنه يدري غير اللي مايدري أنه مايدري

أغلب ألأبيات فيها خلل واظح ماهو واظح مالنا شغل بس ياليت تعرض القصيده على أناس مختصين بالنبط ومايعرفون علم العروض لأنها ساس نكبت الشعب النبطي مدري الشعر

ويامن يسلملي علي أنا أوعلى خلف أبن هذال وأحمد الشايع ويوصلنا خمسه أبيات من هذه القصيده خمسه ابيات فقط.. وأذا قلنا مافيها شي تعطون اللي قالوا مافيها شي بطاقة شحن بقيمة خمسيـــــــــــــــــــــ ـــــــــــــــــــــــــ ـــــــــــــن ريال طقتن وحده هههههه

ثقل ماثقل ترى فالنهايه أسمه كسر بعدين اللي يقول تمشي أو مايأثر.. حلال أبونا هو؟؟)


تدرون عن حال ..أعرضوها على من تريدون فالحق قد يأتي به الهدهد أحياناً

ودمتم

القصيدة سليمة من ناحية الوزن ولا فيها مثقال ذرة يا محمد واللي يقول لك فيها شيء

اما ما عرف يقرأها ( حرك حرف ساكن أو سكن حرف متحرك ) أو ما عرف يلحنها

وفي الحالتين يكون ماعنده سالفة ولا يؤخذ برأيه سواء لجنة والا غيره


ولعلم الجميع

وتعليق على ما ذكره احد اخواني اعلاه وقوله ان الشاعر ممكن يخل بالوزن

اقول : مستحيل شاعر يستحق لقب شاعر يخل بالوزن

فكيف اذا هو مختاره وباني عليه قصيدته

تعال اقلط وخذ فنجال عشقي ودي آ اقهويك

لو آ قدم لك الروح العزيزه ما اعتقد توفيك
رأيت الموضوع وأحببت أن أدلي بدلوي, وتعجبت كثيراً من الردود واختلاف الزملاء في هذه القصيدة, والوزن مهما كان لا يحتمل أكثر من قول إما موزونه وإما غير ذلك, وليست مسألة إجتهادية, والقصيدة بعد إضافة ألف المد في شطرين من أشطر القصيدة كما هو موضح باللون الأحمر فهي موزونة و ليس فيها أي خلل وهذا ما أراد الشاعر أن تقرأ قصيدته وأنا ملحن ولم أجد إي إشكالية فيها بعد إضافة المدود الموضحة, ولكن استخدام المدود في شعر النظم قد يكون في النفس منه شيء وقد يسبب إشكالية في حكم الناقد, خصوصاً إذا كان يعتمد كثيراً على التقطيع العروضي ولا يستطيع أن يضبط اللحن بحيث يقرأ القصيدة كما أراد الشاعر, والتقطيع العروضي يعتمد على القراءة الصحيحة للنص حتى يتم تقطيعها بشكل صحيح ومن ثم الحكم, فإن أشكلت القراءة الصحيحة أشكل التقطيع والنتيجة كسر, وشاعر كتب مثل هذا النص من الصعب أن يقع في كسر كما ذكر بعض الإخوان ولذلك وجب القراءة مرة ومرتين حتى تقضب اللحن وإلا لا داعي للتشغيب الي يشتت الشاعر وغيره ممن لا زال في بداية الطريق. وتحياتي للشاعر والمداخلين

ما يحتاج لها شي

أغرب إنتقاد مر علي ولا قد شفت مثل هالإنتقاد إلي هو ( مثل ما هالبسيطه ) يعني بالمنطق كيف قريتها مثل ما ها ألبسيطه أصلا لاتنطق بهذا الشكل أبدا في حروف بطبيعتها ما تنطق فالألف هنا ماينطق بطبيعته حتى لو حاولت تنطقها ككلمه ماتتنطق لكن هذي فلسفه ولذلك لا أحد يرد إلا الي يعرف وهذا الشطر إلي يقول عنه مكسور معناها كارثه كبيره عن المنتقد كارثه لاتصدق أنا إلى الأن أول أنتقاد غريب وأضعه ضمن غرائب الإنتقاد

وبالنسبه لي القصيده موزنه ولايوجد بها أي مشكله بالوزن

مشكورين

دخلت هنا قبل مده ولفت نظري تظارب الأراء حول هذه القصيده الماتعه من الأخوان من قال بانها سليمه من ناحية الوزن ومنهم من قال بها شطر واحد والباقيه سليم ومنهم من قال بان بها عدة كسور والله احترت واقسم بالله أني عرضت البيت ألأول على شاعر كبير سناً وقدراً وبمجرد ماأنهيت البيت قالي ((قصير أو قصر)) وأعتقد أنه يتكلم عن الشطر الثاني

على العموم بعد التدقيق والتمحيص وهذا رأي شخصي أكتشفت أن هذه الأبيات رغم مافيها من بلاغة معنى ودقة وصف وجميل تصاوير إلا أنها وللأسف الشديد لم تجد من جلابيب الشعر النبطي ماتستر به سوئتها فخرجت من بحوره عاريه تترنح بين طروقه لاألى هذا ولا إلى ذاك غير واثقة الخطوة تمشي من مطلعها ألى أن ولجت في آخر أبياتها لتنام ملء جفونها ويسهر ويسهر الخلق جراها ويختصموا هل كان في قدمها قيدّ ام أن في ساقها كسرُ وتذكرت قول الشاعر لافي الغيداني /مادام لامعوق ولاصايبه عوق = وراه يمشي مثل مشي المعوَق

صدق وراه يمشي مثل مشي المعوَق؟؟

تبون الجد المطلع ماهو مبني فالأصل على أي بحر من بحور الشعر وبهذا فأن القصيده لايمكن ان تكون سليمه أقرب إلا الشيباني؟؟ والله ماعندي ذيك الخبره الي تخولني على الكلام بهذا الشأن لكن الله ماشفناه بالعقل عرفناه ع فكره نرى اخوي الشاعر ماخلا منتدى ماعرض هالقصيده فيه وكلهم قالوا اللي على حاله خطرمن هل السوق = مفروض يمنع مايروح يتسوق ~~ ماقالوه أنا الي اقوله بس هم قالوا نفس قولكم وأنقسموا بين كاسر ونص كاسر وكاسر إلا ربع خخخخ عن جد مكسوره لا ماهي مكسوره خلاص قصيده مكسوره أرمها في سلة المهملات وأنت بكرامه وأنت شاعر معروف ومنت بحاجه لمشاوره مامن وراها غير الشوشره وياهملالي على قولت جدتي أووما عاد ماهي مكسوره

وش يحرمني

أستغفر الله وأتوب أليه



أبرا لله منك ومن قصيدتك كانها مكسوره يبا يجبر كسرها وتقوم بالسلامه وكانها سالمه فالحمد لله على سلامتها ومبروك ماجاكم


الحقيقه لو قلت أشك أن بها كسور كان أرتحت بس الجزم بالشي هذا كان يزبط معنا زمااان بس هالحين

ماعادنعرفمنبعدمعرفتنشي والحمدلله علة كل حال



صاحبة الجلالة اليزابيث أبنت السهر عني أنا ترا رأيها من نوعية معقوله وقم بس قم

القصيده سليمه 100 %



ولا عليك من احد



انا لا ارى نفسي في محل النقد



ولكن حسب خبرتي القصيره في الشعر




القصيده رااااائعه جداُ



واللي يقولك في كسرر



اكسر رااااسه ههههههههههههههه



مع تمنياتي لك بالتوفيق والنجاح





وعلى فكره (( ترا اللي يقول عجز او يقول ثقل ترا العيب في لسانه وليس في القصيده ))




مع تحيات



أخوك



مشعل @@

مثل ماقاولو بقيت الاخووووان
امل هي اقرب اصحيه للمتوقع


وفالك البيرق
تحياتي