ياعيد عدت وخلي ياعيد ماعاد
في غيبته ياعيد ماكنك بعيد
اتلى العهد به حال حوله بالاعياد
وشلون ابفرح بك وهو عني بعيد
هههههه يالله مدخل على الطاير
السلام عليكم
كل عام وانتم بخااااااااااااار
ومن العايدين الفايزين المقبولين
بعد الزحمه واكل الشحمه
استريحوا السلام نظر منعا لانتقال العدوى :)
على الطماط ولا واحد يقوم منكم كلا مكانه
هالموضوع هذا سلمني الله وسلمكم بعد
نبيه يصير دردشه كلا يقول لنا
وش سوى في العيد
وش حصل له من مواقف
ووين عيد (بتشديد اليا)
وكيف هالعيد هذه السنه
وكم حلاوه اكل في العيد ووش هو نوع الحلاوه :)
وكيف عايد ربعه واللي حواليه بصمهم على الخد ولا بس سلام نظر
واللي ماهو قايل لنا شي تراه معذور
واللي مايعجبه الموضوع تراه معذور
واللي مايرد تراه معذور
واللي ماهو معذور تراه معذور
طبعا هذه السنه نظرا لانتشار وباء انفلونزا الخنازير حمانا الله واياكم منه
ونظرا للازمه الماليه :) هذا هو العامل الرئيسي :)
قررنا بعد عدة مفاوضات اننا انا وعمي نعيد في ديرتنا
المهم يوم جاء يوم 25 طلعنا جهة مكه واخذنا عمره ثمن طلعنا من هناك للديره
وصمنا ثلاثة ايام هناك ولو درينا طلعنا من بدري للبراد ماجلسنا في شواية الصيف هنا
طبعا عمي الله يجزاه خير لابد يجيب العيد قبل العيد :)
يوم جاء يوم 28 قام الظهر يبي يذن في المسجد لان المؤذن ذاك اليوم رايح عمره بعد :)
المهم هو قام وراح للمسجد والضاهر انه ينعس ويحسب الوقت الفجر ماهو الظهر
يوم اذن الظهر قال في الاذان الصلاة خير من النوم والناس الظهر :)
وكان الناس اكثرهم نايمين ماسمعه غير انا وواحد من الشباب وسكتنا خفنا نناقشه ثمن يطردنا عن الفطور :) :)
المهم جاء العيد الله يعيده علينا وعليكم باليمن والمسرات وكالعاده ولله الحمد
عيدنا عيد فستنتاكي جدا :)
بااجتماع الاهل والجماعه والاحباب والاصحاب وبعض اللي مانحبهم بعد :)
وهذا نحب راسه وهذا نحب خشمه :)
وهذا ماغير انجخه بالصابر :)
انجخه يعني اطبقه بحيد الراس ههههههههه
اتحدى بعض الناس ان فهم شي ههههههه
ويوم صلينا العيد في المسجد ولين اللي يصلي بجنبي عمي دائما وهو لزقه :)
يوم انتهى الامام من الخطبه وانا اقوم واعايد عمي انا اقول له من العايدين
واناظر في الرجال لينه يسلم من قلب يسلم ويقاوي وشلونك كيف الحال عساك طيب
قلت ياابن الحلال تراي جاي انا وانت بسياره وحده يعني هذا عيد قل من العايدين الفايزين ماتقول وشلونك وعساك طيب ووشلون الجماعه
المهم ماعبرني مشى على كل اللي في المسجد بنفس الاسلوب
وانا حاط شماغي وميت ضحك والمشكله انه يستهبل لكن مايضحك
احس ان قلبه ميت هههههههههه
لو يدري اني احش فيه كان كفخني ولا عاد اخذني معه للعيد :)
حبيت اذكر لكم موقفين صارت من عدة مواقف :) وماخفي كان اعظم :)
والآن اترككم مع الصور لبرنامج عيدنا واجتماعاتنا جمعنا الله واياكم على طاعته
وجمعنا في الفردوس الاعلى
هذه صورة اثناء بناء خيمة العيد بإشرافي انا وعمي وبعض الجماعه
[bimg]http://www.up-00.com/s1files/LtD60872.jpg[/bimg]
وهذه صوره للتزيين الاناره والكهرباء
[bimg]http://www.up-00.com/s1files/GPZ60872.jpg[/bimg]
وهذه صوره للحظور واستقبال الظيوف
[bimg]http://www.up-00.com/s1files/taR60961.jpg[/bimg]
وهذه بعد صوره اخرى للحظور
[bimg]http://www.up-00.com/s1files/9re61654.jpg[/bimg]
وهذه صوره للتناول وجبة العشاء واللي بطنه يصوصي من
الجوع يروح يتعشى ويرجع يشوف الصوره عشان
ماتصيبه شهوه ويموت :)
[bimg]http://www.up-00.com/s1files/pId60961.jpg[/bimg]
وهذه صوره مفاجئه اترككم معها
وهي صورة عمي بس لااحد يضحك عليه
ولا يعلق كلام ماهو زين :)
ترى مادرى اني لاقط له صوره ولا كان يكفخني
هو يسوي فيها هياط ويستقبل وانا القطه على الطاير
[bimg]http://www.up-00.com/s1files/GdJ61654.jpg[/bimg]
والى هنا النهاااااااااايه
واترككم اللي عنده سالوفه ولا موقف عن العيد يمسط به هنا
وللي يستحي عادي تراه معذور
والمعذره ان كان جاء مني قصور
ولا فلل ولا شقق مفروشه ههههههههههههههههه
وعلى الود نلتقي
