يوميااات فاهيه

يالله كم لي ما كتبت موضوع في الصرقعه منذ نعومة اظفاري قبل خمسون سنه كان آخر موضوع لي هناااا

وها انا ذا اعود اليكم وقد تعلمت من الحياه الشي الكثير تعلمت ان الانسان كلما تقدم في السن زادت فهاوته

بشكل يتناسب طرديا مع خبرته في الحياه مما يؤدي الى رفع ضغط الدول المجاوره

والفهاوه لغةً:ان تكون في وادي والناس المحيطين بك في وادي يعني بالعربي ماتدري وين الله حاطك

والفهاوه تكون منتشره بين الجنسين فلا نستطيع ان نقول ان البنت اكثر او ان الشاب اكثر ولو اني اشك ان

الشباب اكثر فهاوه:تصفير:

للفهاوه انواع

منها الفهاوه المحموده والامثله عليها كثيره كأن تصيبك الحاله في قاعة الاختبارات فتجيب على السؤال الرابع بدل الاول وهكذا

او ان تكون معزوم لعرس ويكون العرس لاخوك وانت آخر من يعلم وتحصل هذه الفهاوه في المناطق البارده

نظرا لاختلاف الطقس وتأثيره على منطقة المخيخ الاوسط المجاور لعضلات الفك والاذنين

اما الفهاوه الغير محموده فالامثله عليها نادره لانها لا يتمتع بها الا قلة من الناس ولست انا منهم ابد ابد

ومن الامثله على ذلك:

منها ان تكون مع اخوك بالسياره ثم يعطس ويقول الحمد لله فترد عليه بكل ثقه وعليكم السلام

او ان تكون في الماسنجر ويجيك واحد يقول لك سلام عليكم فتجيب الحمد لله تمام شخبارك انت

او ان يكون من معك يبث لك همومه فتنقز لموضوع ثاني مما يؤدي الى رفع ضغط الشخص الآخر وحدوث

العديد من الاصابات المتفرقه منها طيحة وجهك عندما يرد عليك اصلا انت من يشكي لك همومه

او ان ترد على موضوع يكون اسم كاتبه في وادي وانت تخاطب اسما آخر لا يمت له بصله ومن قمة الفهاوه

ان ينبهك صاحب الموضوع فترد عليه بكل ثقه هذا اقل مما تستحق

اخواني

لنرفع سويا شعار ما اجمل الفهاوه

:eek:

وكل واحد يجي لا يطلع من الماااضوع دون ان يكتب عن موقف حصل له تتجلى فيه فهاوته الرااائعه

هذا مالدينا .تم.آهه.

والى لقاء آخر

مراسلتكم من موقع الحدث

انااااااا:eek:

ههههههههههههههههههههههههه ههههههههههههههههههههههههه ه ربنا يجازيك يا طيووووووووووووووووف ... ناويه تطلعين الفضايح ... اوكي نو بروبلم أنا رح اقولك موقف صار لي مو بس قمة في الفهاوه الا قمة في الغباء بعيد الشر عنك ...
مره انا وخاتي واختي في السوق دخلنا محل اكسسوارات صاحب المحل قام يقول لنا عن الاكسسورات الجديده اللي نازله أنا فكرته يتحرش ويتغزل فينا واطيح فيه تهزيء ومسبات وانت
وانت وخالتي تسحبنب لبرا المحل فشلتهم وفشلت نفسي

اقتباس:

---

هذا مالدينا .تم.آهه

---

هذي أخرفهاوة طيوف :p :p :p

ههههههههههههههههههههههههه هههههه


المهم بقولكم موقف فهاوة صار لي

فيوم من الايام وتقريبا قبل الفجر بساعة كنت على سيارتي وجاي من الثمامة في شرق الرياض

واشر لي شايب معه صالون " جمس " ومعه عائلته وطلب مني اوصف له عمائر الدهلوي في وسط الرياض

انا قلت له هذي بالذات ماتتوصف بس امش وراي وانا بوديك هناك

المهم مشينا والرجال وراي وانا مشغل خالد عبد الرحمن ورافع الصوت ومنسجم ونسيت الشايب

ويوم وقفت عند باب بيتنا وانا اقفل سيارتي شفت الشايب الضعيف ملبق وراي :mad:

واجلس اتذكر ياربي انا وين شفت هالوجه ؟؟

ويوم تذكرت اني قايل له امش وراي وانا بوصلك للمحل اللي تبيه طااح وجهي

تتوقعون وش سويت ؟


















دخلت للبيت وسكرت الباب في وجهه :eek: :eek: :eek:

وياروح ما بعدك روح والله لو يدري اني وديته لابعد نقطه عن المكان اللي هو يبيه يمكن يذبحني

ههههههههههههههههههههههههه ههههههههههههههههههههههههه هههههههه
عشق ليل يامجرم يمين بالله موقف من جد زلطبيطه ومحرج

أتوقع مليون بالمائة الشايب يقول لأهله مالقينا نسأل غير حشاش :p

----------------------------------

مــرة معزومين بزواج بمدينة حائل ورحنا عن طريق البر أنا وأخويه
وقفنا عند محطــة نزل أخويه من غير ما أشعــر فيه للبقالة يشتري
رحت حاسبت راعي المحطة ومشيت بعد خمسة كيلو تقريبا طالعت
جنبي مالقيت أخويه عرفت إنــي نسيته بالمحطة ومن الفجعة بما أنه
الكبيــر ودمــــه حار وعصبي متردد أرجع له لأني بنفرش بنفرش
ورجعت له ولقيته ماسك كيس فيه بيبسي وبسكوت مالح وشوكلاتات

:p

أبدا ماتهزأت تقبل الوضع عادي :o

ههههههههههههههههههههههههه

طيب انا بقولكم موقف بسيط وفي قمة الفهاوه

مرة مستعجل وجلست ادور طاقيتي يمكن جلست عشر دقايق وانا ادور


وماتركت زاوية في الغرفة الا حستها

واخيراً

اقول

اخيراً


اكتشفت انها فوق رأسي:)


لي عودة بموقف عليه القيمة بس انتظروني :confused:


تحية عطرة

او ان تكون في الماسنجر ويجيك واحد يقول لك سلام عليكم فتجيب الحمد لله تمام شخبارك انت

8
8
8
وين مرّ علي هالموقف :بفكر:
ههههههههههههههههههههههههه هههههههههههااااااااااي

من مواقفي ..

متعوّد إني إذا كنت في السيارة وفتحت القزاز على طول احذف أي شئ .. ( منديل .. اوراق .. إلخ ) ..
وقبل شهرين كان عندنا الجو خيالي ( ولا أجواء الصومال ) ... قلت خلني افتح القزاز .. واشمّ شوية هواء واتفرج على السماء .. ( طبعاً مثل ما قلت لكم أنا متعوّد احذف شئ إذا فتحت القزاز ) ... تتوقعون وش حذفت


حذفت الجوال :mad:

توه جديد .. وكاشخ فيه .. لا ومن زين الطبايع .. ما دريت إني حذفته .. مشيت وخليته .. محذوف لحاله في الشارع << كنه يسولف عن واحد من اخوانه خخخخخخخخخ

رحت للبيت وجلست اقرا جرايد .. وقريت اعلان عن ( .... ) قلت خلني اتصل على الرقم .. ولا لقيت الجوال .. وارجع ادوّر في السيارة ما لقيته ..

بعد شهر ........ تخيلوااااااااااااااااا بعد شهر من هالسالفة ..

جاني في البيت هندي ... ومعه كيس صغير ... قال : صديق شيل هذا حق أنتا ...

فتحت الكيس ....... إلا المفااااااااااااااجأة











ما لقيت الجوال .. ( لقيت كرت دعوة زواج واحد من اخوياي ومرسله مع هندي :mad: )

تحياتي

8
8
8


توه طالع من مستشفى الامل

بس هالمرة النوع فاخر جداً

:mad: :mad:

انا ماعمري فهيت الى عشرين مره بس

بس صدقيني كانت تستحق (الفهيه)هههههههههههههه

نظرية العالم ابو جبنه’’’’’’’’

اكون مفهي احسن من ان اكون دلخ ؟؟؟؟؟؟؟؟؟:بفكر:





اخوك /
هجووووله ..... ابو جبنه

ههههههههههههههههههههههههه ههههههههههههههههههههههههه ه


ياكثر المواقف بس اكثر شي لما تنط بسالفه والناس تسولف وتتفاجأ ان اللي تقوله انت بعيد كل البعد عن سوالفهم :p




اما ولد اخوي تحفه مره ماشين بالسياره بطريق صحراوي قام طلع راسه من السياره يبي الهوا يمشط شعره وكان عليه نظاره شمسيه من قوة الهواء شي طبيعي طاحت النظاره حنا صرخنا وهو قعد شوي وهو يمشي بالسياره ماوقف منصدم مايدري وش يسوي


اخرتها وقف والمفاجأه ان النظاره لقيناها سليمه :confused:




صي يووو

الفهاوه كنز لا يفني

<<<<< وش تبي ذي :)

صراحه الفهاوه تحصل كثير معي

مرات اكون نايمه واصحي

ماادري اذا انا صاحيه الصبح ولا الليل :mad:

واقعد افكر نص ساعه هل نحن في عز النهار ام عز الليل

ويوم استسلم وايأس اروح ابطل الدريشه علشان اشوف الوقت :o

وهذي نقطه في بحر الفهاوه

والعين لا تعلي علي الحاجب

<<<< شنو مشكلتك انتي :D

ههههههههههههههههههههههههه ه
ههههههههههههههههههههههههه

طيف طلعتي فضايح المنتدى..


انا اذكر مره ولد اخوى >>> قمة الفهاوه في العايله ..

اخذ ساعتي ولبسها ...ومبسوط عليها ..لا .. ولابسها في يده اليمنى >>>من زود الفهاوه

الولد جالس على الارض ومتربع ومستانس ..

صبيت له شاهي ..وسألته كم الساعه ؟؟؟


بسرعه البرق ... لف يده بيناظر الساعه .. وكاسة الشاهي الحار في يده ...












ومن يومها كان الرحيل ........ وليل الشتاء القاسي الطويل

لليل باب .. له حارسين ....... برد ................ وسحاب ..


برداااااااااااااااااااااا اااااااااااااااااااااان

برداااااااااااان انا تكفى .. ابحترق بدفأ ...



طبعا الاكيد .... انه احترق.

اخواني كم انا سعيده بان هنالك من يشاركني هذه الصفه

دمتم بحب وعلى الفهاوة نلتقي:eek:

خخخخخخخخخخخخخخخخخخخخخخخخخ خخخخخخخخخخخ

خخخخخخخخخخخخخ:)



لا أمـــــــــــــــا الفهاوه موضوع رهييييييييييييييب وياكثرها مواقف الفهاوه:confused:


طيوف موضوع حلووووووووووو


____________________________



وراح أقولكـــــــــم موقف يــــــــــدل


على قمـــــــــــه الفهاوه الي عندي ذاك اليـــــوم:p


مره كنـــــا بنروح لبيت عمي

وأمــــــــــــي قبل ماتركب السيـــــا ره موصيتنــــــــي لا طلعت

من البيت أخـذ أخوي الصغير الي عمره 3شهور

معي لأنـــــــــــــه كان نايم ..........المهم أنـــــا من زود الفهاوه والرجـه....

والعجلـه ........رحت أتزين أنــــــــا وخشتي.....


وطلعت بسرعه وركبت ونسيت أخوي........

وأنــــــا بالسيــــاره .........أقول ياربــي أنا كني ناسيـه شي .........


ويقعد عقلي الغبي ساعه يتذكر.......بعدين يوم مشينــا نص الطريق......

تذكرت قلت... يمه يمه نسيت حمودي بالبيت .........

وتقعدأمي تهاوش وتصارخوتقول....................<<<<مش فر:)


المهم ورجعنا البيت ودخلت ولقيت الولــــــد فاهي أكثر من أختــــــه.........:)


نــــــــايم ولا درى أنـــــــه ماعنده أحد بالبيت ..........


وبس:confused: :confused:

ههههههههههههههههههههههههه ههههههههه
ههههههههههههههههههههههههه ههههههههه
ههههههههههههههههههههههههه ههههههههه
ههههههههههههههههههههههههه ههههههههه

على كذا كل امنتدى مفهين :)

بس اطلق موقف موقف ولد اخو مغربل والله الفاهي من جد:)


:confused:

هههههههههههههههههه اللهم زد وبارك في عدد الفاهين

نريد ان نحطم الرقم القياسي :confused: :confused:

ههههههههههههههههههه





طيف يرحم والديك وراك خليتينا نطلع الفضايح :)





مره سلمك الله . انا وواحد من اخوياي . على سيارته . واحنا ماشين على الدائري الشرقي وقبل مخرج 16 اكتشفنا إن معانا ذبابة بالسيارة .طبعا كلنا قمنا نطردها اللي يحدها على الثاني وانا اطردها من عندي . ونحجر لها عند القزاز . ماصحينا إلا واحنا لازقين بالصبه اللي على يسار الطريق :)


وكلها بسبة ذبابة..



ومره كنت خاش جو مع الشريم بايام رمضان .. مداوم من الخرج الله يصلحني . يوم وصلت عند اسكان البحريه إلا قدامي سرب سيارات واقفين . ما انتبهت إلا والشريم يقرى آية الكرسي وانا لازق بالصبة .:)..

تتوقعين ليه ؟؟





لان فيه واحد فاهي كان يمشي وراي يوم بغيت اوقف . دفني ولزقني بالصبه ..






بدووووووووري:confused:

حكاية سهم المنايا وطريقة حذفه للجوال صارت لي والله بس هــو أكيد
جواله راح فيها :p

أنا مــرة عند البيت وكان بيدي اليمين ( قارورة بيبسي فاضية)

واليد الشمال ( الجوال ) رحت برمي قارورة البيبسي بالزبالة أكرمكم الله

رميت الجـــوال والجوال طار فوق ومتجه على طول للزبالة وأنا أصرخ

أقــــــــــول لاااااااااااااااااااااااا اااااااااا .

وطبعاً بما إنه في الحـــارة ليه هيبتي وسمعتي صعبة إني أدخل بوسط

الزبالة عشان أجيب الجوال .. جلست جنب سيارتي قالكم إني أمسح القزاز

وأنا في الأساس منتظر أي حجـــة تكرونية من اللي يلمو علب البيبسي تمر عشان

أعطيها فلوس وتطلع لي الجوال ومع ان الحجات عند البيت 24 ساعة

إلا إنه من شدة الحظ المايل ماكان فيه ولاحجة والحمدلله ربي كرمني بمرور واحد بنغالي وقلت له

جيب لي الجوال الله يخليك :p

والحمدلله خرج الجوال وعادت الابتسامة إلى محياي :eek:

هههههههههههههههههههههههه مجنونها مقاول انت مع الصبااات؟؟

فاهي مع مرتبة الشرف لك تحياتي

قيثاااره

الف حمد لله على سلامة جوالك ههههههههههههههههههههههههه ههه تبيه

وهيبتك مانعتك ليت ماجاك احد اشوف كم تقعد مرابط عنده؟؟؟:p

وليلٍ كموج الفهاوة عليَّ يعتدي... ببرد وركبٍ كمنتدى غرابيل فافرحي


بصراحة الفهاوة موجودة منذو الأزل وأكثر واحد مفهي هو أنا

يمكن يكن صح ويمكن يكون غلط

المهم أنى فاهية للنعلة

ومن كثر فهاوتي كانوا ينادوني ( فوفو) ههههههههههههه

بصراحة شيء قمة في الحزن

لكن

فهاوة سهم المنايا بالفعل كبيرة وقوية وربي ياسهم أنى أحلف أنك مفهي بدرجة التختوراة الفخرية ههههههههههههههههههههههههه ه

نجي لموقف وهو كالتالي:

مرة من المراير كنَّا نتمشى في احدى المنتزهات وانا سبقت العائلة الكريمة

وشفت الوالد يبي يدخل المنتزه وأنقز له أبي آخذ بيده

نيهاااااااااااهاااااااااا ااااااااااااااااااااااااا ااااااااااااي

والوالدة الله يحفظها جنبه

المهم هم مادروا أنى بقابلهم لأنى كنت في السوق .......

وأجي يم أبوي وأمسك بيده استحى الوالد وحمرت خديداته

وحسيت أنه بيطير من الفرح وأثره مهوب داري مين أنا هههههههههه

ويوم خلص الدرجات

يقول لى الله يجزاكِ خير!!

قمت مست بظهره وحضنته

أنجنت أمي

عيونها طارت

عقلها طار

وأنا ميته ضحك

شوى دفنى أبوى

وأنا أصيح بصوتي ضحك

عرفنى مالت علي

نيهاااااااااااهاااااااااا ااااااااااااااااااااااااا ااااااااي

وأمى ارتفع الملح عندها خمسمية من القهر

ههههههههههههههههههههههههه هه رهيبه يارهيبه عليتس حركااات :اموه:

اجل ارتفع الملح عندهااااا ؟هههههههههههههههههههههههه ههههههههه

وابوتس متشقق من الوناسه (رقاله مالهومش امااان)

:بفكر: