مملكة الانس والجان.. !!؟؟

السلام عليكم ورحمة الله وبركاته ..

اولا كل عام وانتم بخير .. وبصحه وبسلامه .. وجعلكم من عواده .

اخواني الكرم اعتذر الحقيقه عن انقطاعي الطويل عن هذه الكوكبه .. منتدى غرابيل

ولكن الظروف تجبر الانسان احيانا .. والشاهد الله بما اكنه الى هذا المنتدى من احترام
وتقدير الى جميع ادارته واعضاء الكرم وفحول الشعر

قصيده متواضعه اقدمها بين ايديكم .. من هجرس انسان متواضع له بداية بالشعر
متواضعه


[poem=font=",6,black,bold,normal" bkcolor="transparent" bkimage="http://www.g111g.com/vb/mwaextraedit2/backgrounds/10.gif" border="none,4," type=2 line=0 align=center use=ex num="0,black""]
حلمت حلم البارحه يابن عيبان=وفزيت من نومي من اللي جرابه
وقمت اتعوذ منه من كل شيطان=وجلست افكر في خطاه وصوابه
حلمت بني نازل ٍ بين وديان=تخاطف ازواله على اللي وطابه
واشجارها متشابكه بين الاغصان=وظلام ليل ٍ مادله من سرابه
وصفق الهوى من بين الاغصان رنان=منها يكش الجسم داخل ثيابه
ولقيت فيها اجناس واشكال والوان=وفيها اختلاف بالطبوع وتشابه
ولقيت فيها قبور واصنام واوثان=واطلال دار ٍ من سوافي ترابه
وناس تعبد الشمس من زود طغيان=وناس عن المعبود تلقى خطابه
وناس تعبد النار زور ٍ وبهتان=مافكرو بالدين واللي سعابه
يعني اختلاف كلها بين الاديان=مانزل بها رب البشر في كتابه
مانزل بها الله من على الدين سلطان=والا ومر فيها النبي والصحابه
ولقيت قصر ٍ من على العز بنيان=بانيه من يبغى الذرى في رحابه
مخرجه باب ومدخله عشر بيبان=ويذهلك لوتنظر متاريس بابه
يجمله من خارجه رسم فنان=وان وقت مع بابه لقيته خرابه
متهايل مهزوز من دور الازمان=وصابر على مر الزمان وعذابه
وغور ٍ مشاريبه في كل بستان=عقب العذي من ماه صافي شرابه
هو من ملوك الارض من نسل فرسان=وبين العرب دايم عزيز جنابه
لين البلاد اجتاحها اليوم عداون=وصارت بلاده عرضة لنهابه
وانهار ملك هيبة بين الاوطان=من شرق والا غرب كل ٍ يهابه
شاف الخيانه من شعوبه والاعوان=والكل منهم قام يشكل عصابه
ماهي مطامع من حناشل وسرقان=شي كبير وسعد من هو هنابه
وعرش الملك تلعبه يدين رعيان=اللي فرض حكمه بعز ومهابه
اصدر اوامر كلها اليوم عصيان=وجيشه غدى قسمين عقب الصلابه
البعض له نقش الولاء بين الاعيان=والبعض كيف الحكم ينوي انقلابه
واللي معه شجعان وتموت شجعان=وكل على موته ينوخ ركابه
لكن جموع الضد ِ اعدادهم وان؟=كثر الدبا وشلون تحسب حسابه
ويصفق لك الكفين حسره وندمان=من جرح حاربه الدوى في صوابه
يذكر فتوحاته على اطراف ميلان=وجنوب قبرص كم هجوم ٍ سطابه
وينفض لك البيرق على ديار يونان=والموت لاقبل قال يامرحبابه
ثورة جموعه انثورت ثور بركان=سيل من النيران كان اعتزابه
ويومنه ايقن ماله اليوم مزبان=قال الزمن ملعون من هو هقابه
وساقوه للاعدام مع صوت الاذان=معلن على الدنيا لربعه ذهابه
ومشيت عنه وداخل الصدر نيران=عابر ولالي حيلة ٍ في مصابه
ولقيت من يبكي على ماضي كان=حنين ماضي حنّ له وانتحابه
ولقيت من يشكي لي هموم واحزان=والوقت حطه بين ضرسه ونابه
ولقيت فيها اخوان بس ماهم اخوان=كل ٍ على الثاني يشيل الحرابه
قلت اصبروا من بينكم جيت بأحسان=قصدي سؤال الصلح وابغى جوابه
تشاورا ثم قالوا اقول يافلان=شي ٍ جهلته ياولد وش تبابه
ماعاد نبغى الصلح لو كان ماكان=والسيف يعرف سلته من نصابه
قلت اسمعوا من بينكم ريح شيطان=ومن عادتي مادخل بين القرابه
ومشيت منهم ضايق البال حيران=في درب يتعب من هو اللي مشابه
ولقيه فيه كهوف واسوار ضلعان=يذكرلي انه من دخل به غدابه
ديار ٍ خذوها زمرة الجن مسكان=(وذرية المارد) من اللي رعابه
اخطر جنون الارض في كل الاكوان=واسرع من برق ٍ سطع بالسحابه
من سحر ساحر يخدم الجن الانسان=ادى طقوس الجن وجنه دعابه
لو ان مافيهم تعاويذ واكهان=ماشفت ساحر طق للجن بابه
سبحان خالقها على الارض سبحان=منها ومافيها تشوف الغرابه
اللي تكد الروس من بين الاحضان=واللي يزوغ السم من شدق دابه
واللي رعش بالروح من بين الابدان=واللي تعاقب نور له يقتدابه
واللي يخاف الحرق بايات قران=واللي ذرى بالقاع ماجاب جابه
واللي يطير بدون ريش ٍ وجنحان=سرعت غيابه مثل رجعت غيابه
واللي طلع راسه على راس مابان=واللي تعلق في جناح الذبابه
واللي يصورلك على هيئة انسان=ومن البشر من ميّزه او درابه
هي مملكة تجمع لك الانس والجان=وفيها فرح وحزون وهم وكأبه
وصورت ماشفته لكم وسط الاذهان=لوكان ماتكفي حروف الكتابه
ومن طاول الدنيا تذله وينهان=تتعب سراب الوقت تطرد سرابه
ياوقتنا وديتنا في خبر كان=وشيبت منهو كان باول شبابه
كبرت حجم الشاه فعيون عبدان=والضلع ضاقتبه عيون الذيابه
يالين لك عافوه ّ طلقين الايمان=ويمكن توصلها لحد الطلابه
ومادام لك قلب ٍ وعيون ولسان=العمر رحله والليالي زهابه
صدق بأن الوقت باير وخوان=وكذاب منهو قال وقته وفابه
الصدر غابه وسود الايام عنوان=صدر غدى من سود الايام غابه
فيها الحقايق والنوادر والاثمان=وياليت لوتكفي حروف الكتابه !!




[/poem]
مودتي لكم

عودا حميدا شاعرنا
رائعة تختزن الكثير من المعان ..
لاعدمنا جديدك أخي ..

لين هلا وغلا فيك ومشكور على المرور الكريم

وياليت لو يعدلون المشرفين الشط هذا

(ولقيه ) فيه كهوف واسوار ضلعان
الى لقيت ..


مودتي لك

حياك ربي ياعبدالمجيد

ومنور غرابيل بوجودك

جزل جزل

لله درك

وصح قلبك وكلك

وكل عام وانت بخير

تحيتي لك

اقتباس:

---

المشاركة الأصلية كتبت بواسطة أبوعبدالرحمن

حياك ربي ياعبدالمجيد

ومنور غرابيل بوجودك

جزل جزل

لله درك

وصح قلبك وكلك

وكل عام وانت بخير

تحيتي لك

---

ابوعبدالرحمن ياهلا ويغلا وصح بدنك

مرورك بحد ذاته شرف لنا ياكبيرنا .. اللذي علمنا السحر :مزون:


لاخلا ولاعدم منك يالقرم

ياعيييني

عبد المجيد

صح لسانكــ مليوووون

وعيدك مبارك

سلام..

اقتباس:

---

المشاركة الأصلية كتبت بواسطة فهده

ياعيييني

عبد المجيد

صح لسانكــ مليوووون

وعيدك مبارك

سلام..

---

صح بدنك وعلينا وعليك يتبارك



تحياي

كل عام ونت بخير ياعبد المجيد

وياويلك ويلاه ان غبت ثاني الجزل مثلك نفرحبه

وصح لسااانك لين ترضى تقبل مروري وتقديري

اقتباس:

---

المشاركة الأصلية كتبت بواسطة محمد الروقي

كل عام ونت بخير ياعبد المجيد

وياويلك ويلاه ان غبت ثاني الجزل مثلك نفرحبه

وصح لسااانك لين ترضى تقبل مروري وتقديري

---

محمد الروقي ياهلا وياغلا فيك يالقرم

وابشر ماعاد اتعودها:مزون: لاخلا ولاعدم

على مرورك يالقرم

شرف بحد ذاته


مودتي لك

صح لسانك الف مره

عزالله انك شاعرعظيم


هذا الشعر والا بلاش

ننتظر شعرك على احر
من الجمر

تحياتي يامبدع

واللي يطير بدون ريـش ٍ وجنحـان

سرعت غيابه مثـل رجعـت غيابـه

بـطـل صـح لـسـآآنـك مـدد بلآ عـدد ع آلـقـصـيـدهـ آلـجـزلـه..,’~

لآعـدمـتـك يآلـذيـب..,’~

ولآعـآآد تـغـيـب عـنـآآآ.. ^_^

اقتباس:

---

المشاركة الأصلية كتبت بواسطة احمدسبيتان

صح لسانك الف مره

عزالله انك شاعرعظيم


هذا الشعر والا بلاش

ننتظر شعرك على احر
من الجمر

تحياتي يامبدع

---

صح بدنك مليون مره

ولاتهون انت وجميع الشعراء منكم وفيكم نتعلم

لاخلا ولاعدم مرورك تشرف لي بحد ذاته


مودتي لك

اقتباس:

---

المشاركة الأصلية كتبت بواسطة تركي العطاوي

واللي يطير بدون ريـش ٍ وجنحـان

سرعت غيابه مثـل رجعـت غيابـه

بـطـل صـح لـسـآآنـك مـدد بلآ عـدد ع آلـقـصـيـدهـ آلـجـزلـه..,’~

لآعـدمـتـك يآلـذيـب..,’~

ولآعـآآد تـغـيـب عـنـآآآ.. ^_^

---

هلا وغلا فيك ياتركي مرروك شرف يالقرم

ومصدر سعاده وجماليه على الموضوع وصاحب الموضوع


مودتي لك

اتمنى من المشرفين

تعديل بيتي لان فيه خطاء املائي

ولقيه <<< مكتوب كذا

الصحيح
ولقيت . <<


مودتي لكم

ما اروعك ايها الشاعر المتميز


وصح لسانك فديتك


وتقبل ودي واحترامي

عبدالمجيد بن عريج ,,,


الله يستر من حلمك :مزون:


قصيده من ابداع شاعر جزل


الف صح لسانك ولاهنت

اقتباس:

---

المشاركة الأصلية كتبت بواسطة سناء البرق

ما اروعك ايها الشاعر المتميز


وصح لسانك فديتك


وتقبل ودي واحترامي

---

سناء البرق هلا وغلا فيك

وصح بدنك

ومشكوره على المرور الكريم

بحد ذاته شرف ..


مودتي لك

اقتباس:

---

المشاركة الأصلية كتبت بواسطة محمد بن ضاوي

عبدالمجيد بن عريج ,,,


الله يستر من حلمك :مزون:


قصيده من ابداع شاعر جزل


الف صح لسانك ولاهنت

---

ههههههههههههههه

انت تشوف:ill_h4h:

مغامرات جاكي تشان .. على غفله ..


صح بدنك ومرورك عسل يالذيب ..


مودتي لك

اقتباس:

---

المشاركة الأصلية كتبت بواسطة ليــن

عودا حميدا شاعرنا
رائعة تختزن الكثير من المعان ..
لاعدمنا جديدك أخي ..

---

هلا وغلا لين

ومشكوره على مرورك

وعدنا لكم من جديد:مزون:

اقتباس:

---

المشاركة الأصلية كتبت بواسطة سناء البرق

ما اروعك ايها الشاعر المتميز


وصح لسانك فديتك


وتقبل ودي واحترامي

---

هلا وغلا فيك مرورك شرف ياسناء البرق

احترامي وتقديري لسمووك

يالربع ماطرا عليكم تعدلون الاخطاء الاملائيه هههههههه

ابلشتكم الله والعالم تبي تحذف طول يدها هههههههههه

صح قلبك يا مشعل

جزله ومعاني معبره

سلمت ودمت

تحياتي