المشاركة الأصلية كتبت بواسطة راكان محمد
[align=center]
[poem=font="Simplified Arabic,4,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حنا هل العوجا ولابه مراوات=شرب المصايب مثل شرب الفناجيل[/poem]
الأغلبيه يحفظ هذا البيت ويعلم من قائله
صاحب هذا البيت هو / خادم الحرمين الشريفين
الملك : فهد بن عبدالعزيز آلـ سعود
حامي حمى هذه البلاد الطاهره
عآفاه الله وألبسه لباس الصحة والعافيه
مهما نكتب في والدنا فلن نوفيه حقه
لك أيها القلب الطاهر العادل الهرم الشامخ
ودعواتنا الصادقه لك بالشفاء العاجل
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلامتك ياطير شلوى سلامات=ياسيّدي يا سيْد كل الحـلاحيل
أحلا خبر ينزفّ عبر الإذاعات=سلامتك ياريف كل المهازيل
سلامتك ياسيّدي أنت بالذات=يبقى أثرها للسنين المقــابيل
عمّت على شبه الجزيره مسرّات=من حد صنعا لين ماتآصل النيل
في قومة اللي ما يحْسب الخسارات=اللي يحل مشربكات المحــابيل
فهد فهد ذكره علا كل رايات=فوق السحاب اللي تضمّ المخــاييل
الهامه اللي شمرخت فوق هامات=ذلّل بعزمه كايد الفعل تذليل
له في مجال العز والطيب جولات=فهد سليل المجد والسيف والخيل
أليا نطق كل العرب تسكت انصات=لنّه كلامه فيه للحق تفصيل
له وقفةٍ تسوى مع الناس وقفات=تشفا بها كل القلوب المغـــاليل
من هيبته تسقط مع القوم هيبات=عون الضعيف اللي شكا الهم والويل
هيهات ياحكّام هيهات هيهات=فرق الثرى عن موطن الجدي وسهيل
يوم أن غيره حازها بالدعايات=فهد خذاها بالرهاف المصــاقيل
فهد وقوفه قدم الأهوال ساعات=تصبح له ثقال المصايب تساهيل
له بيت من وصفه يعجزنّ الأبيات=ويفخر به الشعب السعودي الى قيل :
( حنّا هل العوجا ولا به مراوات=شرب المصايب مثل شرب الفناجيل )
كلام واضح له مع الناس إثبات=فكّر ودقّق في جميع التفاصيل
يشهد قصر دسمان في كل الأوقات=ماله عن إذلال الصعيبات تبديل
سيّر لجل جاره من الشرق قوات=يوم أن غيره همّته بس تطبيل
يكتب قراراتٍ ويشطب قرارات=زعيمنا اللي لا حكى يآقف السيل
ترفع شعاراتٍ وتسقط شعارات=في فزعة اللي مايحْسب التهاويل
الحي ضدّه يُعتبر ضمن الأموات=والشامخه قدّام أبوفيصل تميل
لا عميت الأريا والأعمال عسرات=وقـّف لها اللي يعدْل الميل بالكيل
قايد وتمشي خلف رآيه قيادات=عادل مُحنّك صايب الراي حلحيل
تعجز على عرض التفاصيل شاشات=تاريخ مشرق يارثه جيل من جيل
مواقفه تعجز عليها الروايات=قصة فخر تحتاج للشرح تحليل
ياما له بتاريخ الأمجاد بصمات=أسأل وتلقى للمواقيف تفصيل
شامخ رقا فوق الجبال المنيفات=يوم أن غيره ماقوى للحمل شيل
كل العرب تشهد وكل الخواجات=أن المعالي يافهد لك مداهيل
فهد العروبه ماتكفّيك الأبيات=المدح في ذاتك ولو قيل تقليل
لو بختصر لا ماتوفـّي اختصارات=ذكرك بوسط القاف للقاف تجميل
بآخذ عباره مُجزيه عن عبارات=هي زبدة المعنى وختم المراسيل
يالله عساها يابوفيصل سلامات=وتبقى فخرنا للسنين المقابيل
وختامها صلّوا عداد المجرّات=واعداد مانور الضحى يقشع الليل
واعداد ما تحلب مع الذود خلفات=واعداد مايطرب هل الكيف للهيل
على النبي اللي يأدي الرسالات=ومفضـّله ربي على الخلق تفضيل[/poem]
أخوكم / راكان بن محمد[/align]
