[align=center]
صاحب السمو الملكي الأمير : عبدالعزيز بن فهد آلـ سعود
حفيد الملوك والأمير الإنسان
إحدى المؤسسات الصوتيّه اتصلت بي للمشاركه في شريط تعدّه عن هذا الأمير العلم
وقالوا نريد القصيده خلال يومين
فماذا عساني أن أقول
لكم ماكتبت مع علمي أنها لن توفيه حقه :
[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
عبدالعزيز ومابقى شيّ ينقال=اسمه لحاله يبري 2000 علّه
أبوه ماحطّه معه كنّه ظلال=ألا أن عقله وازن الكون كلّه
[/poem]
[align=center]
/
\
/
\
[/align]
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
جزل المثايل داخل الصدر تجتال=ماكنّها ألا دلّةٍ فوق ملّه
يسوقني فكري على بدع الأمثال=ولالي عذر عن ذِكر الأمجاد لِله
ياراسي اللي للطواريق فتّال=بيض الصحايف من سحايبْك بلّه
منصاك شيخٍ للصعيبات حلاّل=كم ارتوى بالٍ وكم بال غلّه
شيخٍ لشيخان المواقيف مدهال=ياسْعد منهو فالقسا مزبنٍ له
عبدالعزيز ولابقى شيّ ينقال=عبدالعزيز وتبري ألفين علّه
اسمه لحاله لو تكيله بمكيال=ماتحصي أرقام العطا في سجلّه
صفحة وفا , صفحة كرم , صفحة أفضال=مايجمع أمجاده شريط ومجلّه
لأهل المواقف والكرم مضرب أمثال=رام الجدي حتى تصدّر محلّه
اسمه رسخ في صدر الأمجاد مازال=له فالقمر موطأ , وموكب , وفلّه
يبني بمجده فعل مايبني أقوال=دايم يجي فعله بوقته وحلّه
سميٍ لجدّه على كل الأحوال=كن الذي أختار الأسم فاطنٍ له
فهد عساله جنّة الخلد منزال=عند الولي ينعم بفضله وضلّه
جاب الكريم معرّب الجد والخال=ولايلحق كرام المناسيب زلّه
حرٍ شهر من ماكر أحرار وأبطال=للطيب زاهي والمناصب زهن له
تخيّر العليا على روس الأقذال=حتى خذاها بالفعل منزلٍ له
رام السياسه والرياسه والأفعال=سيف الدها عند المواقف يسلّه
من عاده صغيّر مع أبوه رجّال=واليا انعقد راس المحابيل حلّه
أبوه ماحطّه معه كنّه ظلال=ألا أن عقله وازن الكون كلّه
وأن جيت أوصّف موقفه بين الأجيال=ماكنّه ألا دولةٍ مستقلّه
غلاه فـ صدور الملاهيف يختال=له منزلٍ بين الحنايا يدلّه
كن الكرم دلّه والأشواق فنجال=وحبّه على قلوب المخاليق زلّه
جزل المثايل تصبح قباله اهزال=والمدح قدْمه يصغر اليوم جِلّه
لن الأسم بعده ولاشيّ ينقال=عبدالعزيز وتبري 2000 علّه[/poem]
[align=center]راكان بن بدن[/align]
