يالله عسى غر المزون المراديم = إلي من القبله تزبر قنفها
قصيده في صاحب السمو الملكي الامير سعود بن عبدالله بن عبدالعزيز ال سعود حفظه الله
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يالله عسى غر المزون المراديم = إلي من القبله تزبر قنفها
ترخي جدايلها على روضة إخريم = لين إيتساوى مع طرفها طرفها
مدهال وضحِ كنها بارق الغيم = لا لاح في عرض النصوب ونصفها
رثم الخشوم مهدلات الخراطيم = ورقابهن كثر الحم مالحفها
متنكسات إضهور كيمِ على كيم = ترعى القفر مهيب تاكل علفها
ذود الامير إللي يذري عن الظيم = له فزعةِ كل الرجال تعرفها
إليا نخيته فالليال المجاهيم = جود شماغه باليمين وحذفها
ثم قالك نذر وعلي الملازيم = إني حجاك من الليال وصدفها
عز الفقير ونوم عين المضاليم = بالوقفه الي ماش حيِ وقفها
وجهه بشوش وكفه أكرم من الديم = ونفسه عن إدروب الفخر ماصرفها
سعود بن عبدالله بن الاكاريم = إللي ليا شاف الصعايب عسفها
إبوه زيزوم الرجال الشغاميم = من أعرق انساب الملوك وشرفها
إسمِ تشرف به جميع ألأقاليم = ومجدِ تطاوله النجوم ونسفها
أفخر بخوة سيدي والله يديم = سنينه ونفسه تحقق هدفها [/poem]
وسلامتكم
