الشايب اللي عن ثمانين شايب
( وإذا مرضت فهو يشفين )
قصيده قلتها في والدي أطال الله في عمره والبسه لباس العافيه وازال عنه الباس ..
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يبه خطاك السو والشر والباس=وتقوم بأمر اللي يدير الهبايب
يحرسك من هو للمخاليق حرّاس=المشفي المعطي جزيل الوهايب
ويكسيك ثوب العافيه ستر ولباس=وتعيش متعافي وسالم وطايب
لو المرض ينقل من الناس للناس=وتفيد معه حلول والا سبايب
نقلت عنك هموم واتعاب واتعاس=و وقفت من دون المرض والمصايب
ياللي دروبك كلها ترفع الراس=ورايك سديد ودايم الدوم صايب
ومحبتك فقلوب ربعك على ساس=تشيل عنهم كايدات النوايب
وتجارتك ماهيب ترجع للأفلاس=وجلايبك مهيب مثل الجلايب
لاضاعت الاشوار للحق نبراس=وقلبك كبير و واصلٍ فالقرايب
عشت وخطاك السو والشر والباس=يالشايب اللي عن ثمانين شايب
والله هو المعبود وابليس خناس=والعمر رحله والليالي ركايب[/poem]
وسلامتكم
