==يقولها متنبي الشعر تأويل = وانتم خذيتوها بظرب المراهيف ==
قصيده جديده تشرفة بإلقائها امام سيدي خادم الحرمين الشريفين مساء هذا اليوم في روضة خريم
[poem=font="Simplified Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سلام ياراسِِ يروس الرياجيل = وسلام ياكفِ لها مقضب السيف
يابن الزعيم إلي على الهجن والخيل = ثبت قواعدها من السيف لسيف
ملك ملك عزام جزام حلحيل = يمشي وراء جمعه جموعِِ مراديف
يظرب بجمعِ جمع ويحط ويشيل = ومبداه في قمة طوال المشاريف
اليا هجم فالصبح مايرقب الليل = ماخلد التاريخ مثله ولاشيف
مبداه عز الدين مافيه تظليل= مايزرع الفرقه ولا يقبل الحيف
وانتم على نهجه بالافعال والقيل = لعلها لك يابو متعب على الكيف
ياعزنا فالماضيه والمقابيل = يحفظك ربي من جميع الصواديف
يامذلل إصعاب المهمات تذليل = لاجات صلفات الهبايب عواصيف
الخوف ماله وسط قلبك مداخيل = تفرق مواليفِ وتجمع مواليف
العز فالي لمعته مثل ألأستيل = والحكم مايعطى بطيب ومعاريف
أنتم نفاذ أهل الكبود المغاليل = ياخادم البيتين فخرِ وتشريف
لقزام وأمثال أبرها راعي الفيل = مايحصدون إلا الندم والتحاسيف
الله يجازيهم عذابِ وتنكيل = أهل الكنايس منكرين المعاريف
يمكملِ سيرات ألأمجاد تكميل = قاسي على ألاعدى على شعبك صخيف
أهلِ لها ياسيدي دون تأهيل = وهبه من الرحمن من دون تكليف
تعرفكم البيدأء والرمح والخيل = حقايقِ بالفعل ماهيب تخريف
يقولها متنبي الشعر تأويل = وانتم خذيتوها بظرب المراهيف
يوم ألغات إصياح وإنياح وصهيل = وبيارقِ تسمع تحتها الغطاريف
هماتكم عدة وراء الجدي وسهيل = ونظراتكم فيها مروه وتخويف
ولاغير نصر الله قوه ولاحيل = الله هو إللي في يديه التصاريف
والمعذره ياسيدي مثل ماقيل = أبحرت في جودك بليا مجاديف [/poem]
وسلامتكم
