متواضعه عسى ان ترتقي لذائقتكم !! تقبلوها بصدرٍ رحب ..
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حبيبتي.. وشلون اصبّحك بالخير=وأنتي صباح الخير والخير كلّه
صبح الندى والعشب والغصن والطير=وصبح الغيوم اللي علينا مطلّه
أنتي صباحات السعد .. والتباشير=على وجيهٍ بالرضا مسفهلّه
دامك صباحي وين مأروح و أسير=والله مـأدوّر فوق راسي مظلّه
جيتي و صارت لك ضلوعي جماهير=ويتل منّها شوقي اللي يتلّه
ومدام جيتيني فأنا حالي بخير=لو كان جرحي ما أسترته الأجلّه
جيّتك هذي غير وأنتي بعد غير=جيّتك مثل الوسم لاجا فحلّه
تزهر بها قيعان قلبٍ مداهير=وترد معها روح خـلٍ لخــلّه
يامرحبا يأغلى وأعز المسايـيـر =وأغلى المشاعر ( بيت اهلها تدلّه )
عروق قلبـي لـك دلالٍ مبـاهيــر=صفيتها دلّه .. ودلّه .. ودلّه
تربعي بين الحشا والازارير=وأخذي على ترويقة البال .. فلّه
والا أصبري .. بأطيّر القلب تطيـيـر=وأنتي تعالي وأجلسي في محلّه
سقت الغلا لك ... والنوايا مغاتـيـر=ولاهمّني حقد القلوب المغلّه
مدري صباح الخير والا مساء الخير=بس المهم أن وجهك الخير كلّه
وسلامتكم[/poem]
