المشاركة الأصلية كتبت بواسطة مطلق بن شويه
متواضعه اتمنى لها القبول :smile:
[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اقبلت ياوجه الغلا .. حيّ هالزّول=زول ٍ تغيب عباد ربّي ليا غاب
تطلع طلوع سهيل من حول لا حول=وتشّخص لك عيون .. وتلافت لك أرقاب
ومن يوم جيت الله وكيلك على طول=سلامك عتاب !! وسواليفك عتاب !!
طوّل علي بالك عسا عمرك يطول=ماكل موقف تنشرح فيه الاسباب
عطني يدينك وأنثر الليل مجدول=خلّه يطير أسراب .. ويعوّد أسراب
وأضحك وفرّق جمرتينك عن اللول=بفتح لك سموعي قبل ما افتح الباب
خمر الكلام اللي من شفاك معسول=أبيه يدرج في عروقي وينساب
سوالفك فيها من السحر مفعول=تأثيرها على الجوارح والاعصاب
بأملا عيوني من تهاياك وأقول :=ياوجه صبح ٍ لبّس الليل جلباب
عذر القصيد إليا قصر عنك مقبول= أوصافك أكبر من مدى شعر وإعجاب
عودك معزّل ومتنهّض ومفتول=اليا تعدّل رمح واليا انحنى داب
ومعنـّقك فارع و زامي ومنتول =وصدرك جمع مالذ كلّه وماطاب
وسودك طلايع قوم وسيوف وخيول=خيّالها يارد على الموت ماهاب
ايّووووه من صحوة هدبها ويحّووووول=وإن سلّهمت ( هذا بلا ابوك ياعقاب )
قريب لكنّك بعيدٍ عن النول =وا حر كبدي حرّة الظن لاخاب
ماكل مجدٍ يبلغ المرء معقول=اللي ماجاب حصان أبو زيد وش جاب
من لا جمع راسك براسه على طول=والا يقضّي تالي العمر عزّاب[/poem]
وسلامتكم :smile:
