قلــــــــــــت لهــــــم..........أتركوني وأسكتو......
اولا اللي مشغول واللي خايف على اشتراكه يخلص واللي ماله نفس الله لا يهينك اضغط خلف وتعال مره ثانيه هع هع هع
وانتوا يامحبين المصاله قربوا ابيكم بكلمة راس خخخخخ
ايه يا دنيا ما دايم الا وجه سبحانه ,,,, صرت ما ادخل النت الا لاغراض مدرسيه بحث ادور طبشور قلم دفتر تعرفون ماعندي وقت علشان كذا احاول اشتريه من النت << اقول انطمي يا بزنز ومن هع هع هع
,,, لكن ما اقول الا الله يجازي من كان السبب وهو ابوي <<الا والله مخك التعبان :)
...شافني مره فاتحه النت وشافني اكتب الا ويقز هالعيون اللي كانها زيتون في الشاشه انا من الخوف مو عارفه وين احط يدي شلتها من على الماوس وحطيتها على السماعات
,, ياانا بقفل المسنجر ولا بقفل الاغاني اللي مشغلتها والظاهر اني ما سويت ولا شي جلست اناظر وجهه المليح ههه ,,,
وتبدا المحاضره من جديد لعنبو ابليسك وش تبين فيهم هذولا خريجين سجون ((معنى مجازي خخخ)) وبصراحه انا تخيلت كل عضو ومعاه سلاحه يميييه خفت حسيت كل عضو يجي ويقولي انتي السبب انتي السبب <<< على بالها فلم اكشين :)
ومن يومها وانا اللي اغسل ايدي من منتداكم واشهررر فيكم عند العالم .. اذا تذكرون جاتكم ثلاث سنوات قحط اعضاء ترى انا السبب <<< محد درى عنك هع هع هع
المهم نرجع لقطر حديثنا خخخخخ << يعني محور خخخخ:)
بدخل بالموضوع من غير مقدمات ولا مؤخرات خلونا صريحين مع بعض يالله طفو النور وشغلو النور الاحمر خلونا نتصارح وجيبو ورد نقطع ورقه ورقه ونشوف من يحب الثاني اكثر خخخخخ
8
8
وش هاللغه تجيب المرض مهنا(غمزه لبعض الناس خخخخ ) رومنسيه الله يخلف
مصختوها خلونا ندخل بالموضوع اعوذ بالله كل شوي مسكتيني
سلمكم الله هذاك اليوم اللي هو الاربعاء فجرية الخميس كان اول يوم لي اغيب يعني ماخذه عطله صغيرونه علشان المذاكره امحق مذاكره ....
المهم من زود الشفاحه على النت دخلت النت من الساعه 1 الفجر الى الساعه 9 الصباح الخميس متواصل ما قمت من الكرسي تقولون بتكس فيه انا خفت على نفسي وش جاني مدري قل صح ولا قل خطأ كركرككركر ,,,
ولا بعد الوالده عندها نسوان الحاره يعني لو صحت وشافتني بتقول تعالي يالله على المطبخ تعالي جهزي معي القهوه والصحون وطبعا بذاك الوقت النوم واصل معي بيكون ردي مثل وجهي ومو غريبه
وفي اثناء هذا الحديث المغلق مع نفسي الا اسمع صوت فتحة باب وانقززززز واشيل قشي واروح لغرفتي وانسدح على سريري ولا كانه صار شي ((يالله من يدري اني سهرت لا شاف ولا من درى ))
الا وفجاه ينفتح باب غرفتي واسمع هواش وبدت المحاضره الثانيه يالله بسرررررعه قومي لا تسوين فيها نايمه استحي هذا اخر الزمن بنات تلعب على امهاتها ... واختكم تتقلب تسوي نفسها مو سامعه وغرقانه في النوم ... وكل شوي ويزيد الهواش كل شي قالته يمكن افعالي بابتدائي قالتها ...
انا شفت الموضوع مطول قلت هاه وش فيك قالت وجع لا تنفخين قلت طيب طيب اخلصي علينا وش تبين قالت هذا وقت تنامين فيه ما تستحين ووووو ورجع الموال اللي قالته من شوي ....
قلت وش تقولين من مات وش صار قالت جعلك الموت انتي ..(افاااا وصلت للدعاوي )).
في هذا الاثناء حسيت حرب داحس والغبراء بدت وحمى الوطيس خخخخ ..
اسمعي انتي ما يفيد معك الا ابوك يهاوشك انا تعبت معك جبتي لي الضغط والسكر لو انك ولد احسن لي ..
قلت لها : اقول لا تبربرين من كثر برباره قل مقداره وهذاني اقلك ....وبعدين بتخلين رجلك يهاوشني يالله جيبيه خليني اشوف وش بيقول الله يصلحك والله يصلحك يا بنيتي هذا اللي عنده اقول خليني انام بس وروحي لربيعاتك تلاقينهم ينتظروك ببضايعهم الخايسه هع هع هع ..
الا على فكره تعالي وش دراك اني توني نايمه هاه ؟...؟ قالت ايه انتي تفكرينا اغبياء انا رحت ولمست الماوس وشفته حار ... واقوم انا وافطس من الضحك لا ياشيخه تلاقيه مسخن ولا معه كحه وتحطينها فيني كككك (( جات ببالي فكره اجيب معي طاسه فيها مويه بارده واحط الماوس فيها قبل ما اقوم خخخخ )).. وبعدها انسحبت المامي واكملت مسيرة نومي خخخ :)
وفي اثناء ما انا غرقانه في النوم الا اسمع صوت صراخ وهواش تحت ,,, ياربي وش هالحاله ما اصدق الا انا عايشه في ملعب كل نص ساعه تعليق ... من زود الصراخ قمت ونزلت تحت وهنا يبتدي الغباء ..
اول مره اكتشف اني غبيه ومهبوله من جد .. اقلهم هاه وش فيكم وش صار ما في راحه ابد في هالبيت واختي تاشر لي ياغبيه روحي نامي بسرعه .. اثاري هالهواش علي وياخلاف مدري ههههه ,,, المهم وانزل من تحت وانقاشهم بالموضوع والاقي الوالد الله يصلحه يهاوش وفي ييده ورقه انا فكرة ورقه طلاق قلت ايه علشان زوجه هاوشتني اكيد طلقها ...
هاه ابوي وش فيك وش صار الله يسامحك بتضيع مستقبلنا الحين البنات في الكليه بيعايروني هاذي بنت المطلقه كذا تسويها من غير تفاهم وووووو .... الا وذيك النعال تلحط ظهري خخخخ وطحت من على الارض مغشيون عليا واقوم واتصارع واخذ الورقه منه واول كلمه شفتها شركة الاتصالات ,,,
وادعسسس على البنزين واصعد تحت لمقرجحري وطبعا ما يقدر يصعد معي لا تنسون انا صارعته خخخ:) ....المهم عرفت انوه المصيبه الثانيه على النت ,,
دخلت جحري قصدي غرفتي وجلست في اجتماع مغلق مع نفسي واخذنا نتبادل اطراف الحديث .. ليه اهلي حاقدين علي ليه ما يحبوني ليه انا بلوه طالعتن لهم ليه وليه .... ليه بس انا اللي في نظرهم يستخدم النت ,, ليه يقارنون هذا بنت خالك ما تلبس كذا هذا بنت خالك ماعندها جوال هذا بنت خالك ما تدخل نت ... والله عاد انا ما قلت لها صيري دلخه وبعدين انا في راسي حبن ما طحن خخخخ :)
المهم سويت زعلانه واضربت عن الاكل وصار وجهي كانه وجه عنز صاكتوه الغبره ولا عنده منديل
الا على طاري العنز وشلونكم ؟....؟ خخخخ:)
اكملكم لا ينقطع حبل كفراتي
انتظرت احد يدق الباب قومي تغدي ماحد دق انتظرت وانتظرت وانتظرت ولا في امل الاهل ما صدقوا احد ينقص على الاقل تطيخ حصة من الاكل عليهم .... ((ما قلت لكم حاقدين علي متى اعرس بس خخخخ ))
بعد صلاة المغرب الا اسمع صوت صحون وصوت ملاعق قلت جانا الفرج ياسلام سلم هع هع هع .. ويدق باب غرفتي قلت يوووه انا ظلمت اهلي هذا حنا بس يصير شي بسيط نقلبها فوق تحت خخخخ ونخرب اللي صار بعشر سنين ,,,
المهم حاولت أخرب صوتي شوي علشان يطلع الصوت خشن ويبان اني اصيح ههههه
مييييين؟...؟ ......افتحي يا بنيتي انا جدتك ....
وانقززز واروح افتح لها هلا جدتي الله جابك وش لونك وش اخبارك وينك من زمان ما جيتي لنا .. ((الفرحه مو لها الفرحه للي في يييدها صحيح مرقوق بس يالله هذا اكل الشيبان هههه )) .. .
وكل شوي واشمشم راسها وابوسه من كثر البوس والقبل (وين حنا مسلسل مكسيكي ) طلعت لها براسها كم دمل هع هع هع ......
وانا جالسه اكل هي تتكلم وتنصح وانا ما اسمع الا يا بنيتي ويابنيتي ... شفاحه غير طبيعيه على الاكل تقولون بسجن خخخخ ... بعد ما عبيت الكوريشه .. هاه يالله وش عندك يا جده ما جاك النوم يالله روحي مو زين السهر للعجز كرككركركر :)
قالت اسمعي يا بنيتي شاللي صار اليوم .. هذا اللي صار وبعدين انا ما غلطت ((شغلت لها المسجل خخخخخ )) هذولا بنتك و ولد حماك هم اللي متسببين علي ولا انا وش زيني كلن يتماني ...
مدري يبون يزوجوني بس بطريقه ثانيه وبعدين اذا جيتي تنصحين انصحيهم اول وبعدين تعالي لي انا فاهمه وعارفه وانا مو تربيه اول اوكي يالله شيلي قشك بسسسس
(( هالجده بارده ولا كاني اسبسبها تكمل كلامها )) اسمعي يا بنيتي الله يصلحك ويلعن ذا الوجه ((لا تلومونها فيها انفصام في الشخصيه جايها على كبر )) البنت ما تطلع عن شور اهلها وانتي صايرن لسانك هالايام طويل ولا تقدرين وانا جدتك لا ام ولا ابو ولا عم ....
(( ام وابو فهمنا بس عم ليه هو شاكيلك ؟....؟ )) يا بنيتي لا تقاطعين اسمعي الكلام ... انتي يا بنيتي توك صغيره واذا ما طعتي اهلك متى بتطيعينهم واي شي تسويه بينتسوالك ... واتركي عنك الانترنط اللي ما يجيب الا المصايب يقولون جايتكم الفاتوره سبيره يا بنيتي ... قلت لها : اقول يا يمه انتي اللي تدفعينها ولا ابوي ..
قالت شفتي هذا رد ترديه ما ينفع بو طبيع ما يغير طبعه ابد .... (( وين حنا بالجنادريه كل شوي مثل شعبي اقول الله لا يكثر بس لا تطلعين فلسفتك علي حنا نعرف هالاشياء )) هالجده كل شوي ولقطت وجهها خخخخ .... ومشكلتها تكمل مسيرة حديثها ياخي اهزا فيها ولا حاسه الظاهر ما تميز بين المدح والتهزيء خخخخخ :)
اسمعي يابنيتي تعوذي من اببليس واسمعي لكلام اميمتس واقرصي ورقي واعجني .. بكره ولد الناس ماراح يقول وش خذت هالبنت من الالانترنننييت بيقول وش خذت من بيتهم ....وادرسي زين يا بنيتي ما بقى الا القليل وتخلصين دراسه ..... بعد هذا الكلام انااااا لنت شويه وتحول من تهزيء الى ***** <<مشفر خخخخ:)
بديت اتكلم كلام المنطق وقلت يا بنت خلي اهلك شوي يعتبرون فيك كله ماخذين عنك فكره شينه وبقره خخخخ
اسمعي يا يمه : هذي مو اول مره تجي الفاتوره نار وهذي مو اول مره يهاوشون فيها يعني انا متعوده خليهم يشربون من موية البحر ما يهمني انا (( اقلكم بو طبيع ما يغير طبعوه هههه )) وبعدين كلن كذا تجيه فاتورة النت غاليه...
وهذا شي طبيعي يهاوشون وبالنهايه يسددونها ههه .. ما تذكرين خالي مره جا وقالك عطيني 1600 علشان يسدد الفاتوره .... هذا بعد عنده دورة كمبيوتر يعني سهل عليه خخخ وش هالتفكير هههه .. قالت : يا بنيتي عسى خالك ماخذ الفلوس علشان يسدد .. انا قالي علشان يسدد اقساط السياره ...
وافطسسسسسسس من الضحك طلعت بلاوي خالي هههههههههههه .... ايه يا يمه يسدد من الجهتين لوووووول
واجلس اناظر فيها واتذكر كلام جدي الله يرحموه يوم يقولي : والله يا بنيتي لو المعرس ايامنا يشوف عروسته قبل العرس كان ما خذيت جدتك لو عطونياها بعبايتها ,,,وطبعا انا ما اقتنعت الا لما جلست اليوم معها وشفت هوايلها ههههه
الا وشوي تناظر فيني وتبي تتكلم وتسولف بس ماعطيتها فرصه حسيت فيها تبي تقول شي .. قلت لها يمه وش في ييدك كذا قالت ايه يا بنيتي توني جايه من الدختور وسحبوا مني دم وقعدو ساعه يدورون على (وليد الشهراني )... انا بالبدايه استحيت وبعدين قلت يمه من هو وليد الشهراني ؟..؟
وهي تقولي ذاك يدورون عليه .... انا فرحت قلت اكيد واحد من هالخطاطيب ... بس المشكله ماهو من جماعتنا ياربي من يكون هذا ؟..؟ واحاول اسحب منها من هو وليد ولاش الجده مو عارفه حتى هي هههه ... وجلست ساعه وانا ابي اعرف مين الى ما جا خالي وقال قصدها الوريد الشرياني ,,, قلت ببالي ما ينلام جدي يوم يتحسف يا خذها هههه....
<<< الحين انتي مسويه انك خفيفة دم وتذبين على اهلك ومتزاينه عمرك ؟؟؟يعني مسويه كامله الحين مالت الا مالت بسسس:)
خلوني اكمل لكم مدري متى بخلص هع هع هع :)
قلت يمه متى بتنامين قالت الحين بنزل عند اميمتك وبروح ... بس قبل ما اطلع يا بنيتي ادرسي دروسك واهتمي بدراستك مو نافعك الا هي (( توها تقول مو نافعك الا رجلك والحين الدراسه والله حيرتونا )) .....
واذا خلصتي اختبارات انزلي معي للديره كم اسبوع .. وتطير عيوني فوووووووق وشوووووووو اروح الديره لالالالا والله قولي قسم هذا اللي باقي مو رايحه طفش وملل ... قالت يا بنيتي هناك الوصل اجل كيف بتاخذين ولد عمانك وتعيشين هناك ,,,
(( ومن قالت باخذ ولد عماني كل واحد تقولين في وجهه جدري ويتميلح بالسلسله يا محركها يمين يا يسار يسوي فيه انه رجال وهو من جنبها ... ما لي شغل انا ماأبي واحد من جماعتنا .... قالت ايش قالت الديره تبيني انام من الساعه تسع واطم الهريس والمرقوووق لا يا شيخه ))
احس جدتي لو فيها تتفل علي تفلت هههههه رفعت ضغطها ..... اكيد ذيك الليله راحت للدختور على قولتها ههههههههه
وصلنا للزبده .....
اروح بعد الاختبارات للديره ولا ما اروح ؟.....؟
انا اقوووول اروح على الاقل اطورهم شوي وبشتري لي لاب توب واصيعهم ههههههههههه ومنها يجيني كم قرش من هالشيبان اللي ببوس روسهم ههههه << شكلها بتتاجر
<<<<< يا كثرك ما خلصتي ؟....؟
العذر والسموحه على الاطاله والمصاله وترى الدعوه ارتجالي وفضفضه فسامحونا على القصوور وتكفوون لا اطيح من عيونكم تراي اكثر وحده مطيعه لاهلها ومحبه لهم ومرررره عاد ولا الجده لدرجة اني اسميها الحبيبه خخخخخخخ <<< خافت هنا خطاطيب ولا شي وتضيع .... لكن مدري وش فيني اليوم مروقه زياده وجالسه اتعشى على ميلك شيك هههه (( ما خليته بنفسي رحت شريت اليوم من باسكن هههههه ))
لكم من تحياتي اغلاهااااا :اموه: :تصفير: :eek:
