((( نرعى بها في الخوف في كل مرتع )))

للتواصل يالنشاما في هذا الصرح الشامخ وهذه
مشاركتي أيام مزاين الابل لقبيلتي سبيع الغلباء

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بسم الله أبدأ والمعاني جديده=ذكر الولي مبدآي قبل القصيده
عسى يوفقني لنظم الجزائل=نظم البيوت النادرات الفريده
لأني أحب الجزل ماحب غيره=والجزل غيري كل رجل ٍ يريده
والجزل وهبه من جزيل العطايا=وكل على ما قيل يعرف رصيده
ولا نيب أقول إني فلان الفلاني=غيري شعاعير تحبك النشيده
وأنا مع الشعار بسرج أحصاني=مادام جاء للشعر وقفه أكيده
با قف مع الشعار في حفل ربعي=وأصخر جزيل القول وأترك زهيده
والله يوفق كل من هو جمعنا=على المعزة والعلوم المفيده
أشيوخنا اللي فعلهم نفتخر به=يستاهلون المدح مني وأعيده
وقفاتهم ماهوب يحصى عددها=قبل المزاين من سنين ٍ مديده
واثنيه للي ساهموا في المزاين=وجابوا الهدايا والجيوب الجديده
كل ٍ يقول آمر لمن هو تقدم=الشأن واحد وأطلب اللي تريده
لجل القبيلة يرخص المال كله=واليا نقص شي ٍ ترانا نزيده
ومن صد عن ربعه فخله يولي=في ذمتي من صد ما هو فقيده
ما يفقد إلا كل شهم ٍ مجرب=وراع المواقف جعل ربي يزيده
اللي مواقيفه وفعله ينومس=من دون ربعه ما يجوّد رصيده
ها ذاك نفخر به ونفخر بذكره=وألا الردى عسى دياره بعيده
ماهوب والله ضاري ٍ بالجمائل=ولاهوب يحسب جعل ماله شريده
وبمناسبة أمزاين أبل القبيلة=ربعي هل البل والفعول المجيده
ربعي هل البل من قديم الليالي=ياكم ذبحنا دونها من وليده
وياكم كسرنا دونها من قبائل=بصنع اليهودي والسيوف الحديده
نرعى بها في الخوف في كل مرتع=في شفها نسهج أديار ٍ عديده
في شفها ناطا الخطر مانهابه=ونرخص لها لأرواح وقت الوعيده
لا جاء نهار ٍ فيه بايع وشاري=وكل ٍ على ماقيل واجه ضديده
خيالنا يا رد على الموت ضامي=وخيالنا يوم اللقاء ذاك عيده
ماهوب يحسب للمنية وشرها=ولا هوب يسند لين يغلب نديده
قلت الصحيح اللي عليه الدلائل=دلائل ٍ ماهي رواية جريده
دلائل ٍ أمثبته بالفعايل=بفعول ربعي يوم كل ٍ له أيده
ربعي سبيع مطوعة كل عاصي=يوم المعاند روس ربعي عنيده
وربعي سبيع اللي تضد المعادي=لا ثارت الهيجاء وشبت وقيده
وربعي سبيع أهل الوفاء والحمية=الصف واحد والمواقف عتيده
وربعي سبيع اللي يشرف نباهم=أهل الكرم وأهل الصفات الحميده
أهل الكرم يوم الليالي أشحيحة=يوم المجاعة والظروف الشديده
ومثلوثة السبعان كل ٍ ذكرها=يشهد لنا المولى وخلقه شهيده
محدٍ عليها من القبائل سبقنا=لوكان كل ٍ له أفعول ٍ فريده
وإنا تميّزنا بعدة مزايا=فزنابها عن كل قوم وبديده
قبلي أذكروها با دعين المثايل=من واقع التاريخ ماهي جديده
ربعي هل الطولات ماضي وحاضر=وتاريخنا طول الدهر مايبيده
مجدٍ توارثناه يبقى ويبقى=يوصي به الرجال لبنا حفيده
وإنا على أثر أجدودنا الاولينا=ماغيّرت فينا السنين العديده
وفي مدح ربعي ماعليّّه ملامة=ربعي حزامي كل طيبٍ تجيده
من غير نقص في أحقوق القبائل=مانهضم أحقوق الرجال السديده
ولا نجحد اللي يحتمون المواقف=أعيال الحمايل ما لحقها نقيده
كل ٍ حمى داره وميراث جده=بمصقلات في الملاقاء جويده
ها ذاك عصر ٍ فات طافت أسنينه=يوم المغازي والظروف النكيده
يوم إن كل ٍ نجدته من ذراعه=أحدٍ يصيد القوم وأحدٍ تصيده
واليوم في حكم الحرار النوادر=وراح الجهل مافيه شي ٍ يعيده
في حكم أبو متعب عسى الله يعزه=وأخوانه اللي كل منهم عضيده
تعاونوا على البناء والتكاتف=لين أصبحت أبلادنا في رغيده
الأمن ساد بكل شبة الجزيرة=من أقصا تبوك إليا حدود الحديده
ومن الخليج إلى سواحل تهامة=صرنا أخوان في الوطن والعقيده
دستورنا القرآن وسنة محمد=والشرع طبق والجهل ما نريده
ومن غرّه إبليس ونوى له بنيه=مثل شلل الإرهاب وأهل المكيده
نسقيه سم ٍ ينتشر في عروقه=يقطع شرايينه ويقطع وريده
حتى ولويحسب من أبناء القبيلة=نقطع صلتنا به ورأسه نبيده
إلا أن يتوب ويترك أهل الضلالة=ويسمع كلام أهل العقول الرشيده
ويطع ولاة الأمر في طاعة الله=ومن طاعهم تصبح حياته سعيده
وأختامها مني سلام وتحيه=من شاعر ٍ مافيه بحر ٍ يكيده
ألعب على المسحوب وألا الهلالي=ومع الهجيني لي علاقة وطيده
وكل البحور الباقية تعترف بي=والقاف يذعن لي وأنا اليوم سيده
ومع لابتي حضرت والقاف صغته=على الهلالي صغت شكل القصيده
وإلا البحر مسحوب مافيه شكه=حسب النظام لكل من هو يجيده
تمت وصلى الله على خير هادي=على رسول الله وقدوة عبيده[/poem]

الحميدي السبيعي ,,,

ونعم بك وبسبيع الغلبا


الف صح لسانك ولاهنت

الله الله يا الحميدي

قصيدة جزلة يا الجزل

واااااااااااافي

لله درّك

وبانتظار جديدك

قصيدة من اروع مايكون
صح لسانك الحميدي

صح لسانك لاهنت

الحميدي السبيعي


مبروك عليك الشهر الفضيل

ونعم والله بك وبسبيع

وصح الله لسانك ولا هنت

تقبل مروري المتواضع

تقديري وأحترامي

فمان الكريم

,’

والنعم والله


تسلم يالحميدي

وصح لسااانك

,’

صح لسانك لاهنت

[align=center][/align] شـكــ وبارك الله فيك ـــرا لك ... لك مني أجمل تحية .

صح لسانك لا هنت

والنعم فيك وفيهم

صح لسانك وقلبك

صح لسانك

موفق بإذن الله ... لك مني أجمل تحية .

جزل يالسبيعي


لله درك

وصح قلبك وكلك

تحيتي لك

صح لسانك ولاهنت

اقتباس:

---

المشاركة الأصلية كتبت بواسطة محمد بن ضاوي

الحميدي السبيعي ,,,

ونعم بك وبسبيع الغلبا


الف صح لسانك ولاهنت

---

الاخ الغالي محمد بن ضاوي ماعليك
زود ولا على ربعك زود وصــح بدنك
ولاهنت على مرورك العطر

صح لسانك
شاعرجزل
ويستاهلون
ربعك المدح
الله يوفقك

نتظر جديدك

صح كلك

قصيده رائعه بالفعل


أجدت كثيراً


مودت

صح لسانك لين ترضى


بيض الله وجهك



تحيتي لك

اقتباس:

---

المشاركة الأصلية كتبت بواسطة مفرح بن مناحي

الله الله يا الحميدي

قصيدة جزلة يا الجزل

واااااااااااافي

لله درّك

وبانتظار جديدك

---

الاخ الوافي مفرح بن مناحي لاهنت على
مرورك العطر وتقبل تحيااااااتي وتقديري

اقتباس:

---

المشاركة الأصلية كتبت بواسطة ! نوران !

قصيدة من اروع مايكون
صح لسانك الحميدي

---

نوران صح بدنك ولاهنتي
على مرورك العطر,,

اقتباس:

---

المشاركة الأصلية كتبت بواسطة وجن محمد

صح لسانك لاهنت

---

وجن محمد صح بدنك
ولاهنتي على مرورك

اقتباس:

---

المشاركة الأصلية كتبت بواسطة نـواف الشمــري

الحميدي السبيعي


مبروك عليك الشهر الفضيل

ونعم والله بك وبسبيع

وصح الله لسانك ولا هنت

تقبل مروري المتواضع

تقديري وأحترامي

فمان الكريم

---

الاخ نواف الشمري ماعليكم زود يالقرم
وصح بدنك ولاهنت على مرورك العطر

صح لسانك وبيض الله وجهك

ابدعت