((( سكون الليـل ))) ... اطلالتي الاولى في غرابيل

الاعزاء في غرابيل الشامخة
يسرني ان اقدم لكم هذه الابيات البسيطة التي اتمنى ان تحوز على بعض رضاكم

((( سكون الليـل )))


سكون الليـل يغتالـه خيالـك يـا أمـل عمـري
وبعدك ليل ماله فجـر , وليلـي ينتظـر فجـرك

يطول الليل ولا أدري متى يخضع تحـت امـري
سألت الحزن كم عمرك وجاوبنـي مثـل عمـرك

تعبت امن الحزن والليـل ولحافـن غـدا قبـري
تعبت اسهر على طيفك تعبت اصبر على هجـرك

سجنت الشوق في صدري ومل الشوق من صدري
زبن صدري على صبري واثر صبري نفذ بامرك

امانة طالبـك تكفيـن تعالـي واجبـري كسـري
تعالي وانشري مدك تـرى مليـت مـن جـزرك

امانـة طالبـك سوقـي هماليلـك علـى قفـري
وهلي فيضك الصافي يغيـث اللـي شكـا دهـرك




وسلامتكم

صح لساانك وقلبك,,

ولاهنت,

الله يعطيك الف عافيه,,

قصيده رااائعه,,

لاعدمنا جديدك,.,

يطول الليل ولا أدري متى يخضع تحـت امـري
سألت الحزن كم عمرك وجاوبنـي مثـل عمـرك

صح لسانك اخ عبد الرحمن
كلمات ولا اْروع
دمت راقي ومبدع

حياك الله ياعبدالرحمن


وصح قلبك وكلك اخوي

وننتظر جديدك في غرابيل

تحيتي لك

صح لسانك وقلبك

ولا هنت

تمنياتي لك بالتوفيق

صح لسانك مليون ولا يكفون

قصيده رائعه

صح السانك اخوي عبدالرحمن

الاخت سفيرة الشوق

صح بدنك والله لا يهينك

ويعطيك العافية على المرور

الاخت نوران

صح بدنك كلامك هو الرائع

ويعطيك العافية

الاخ ابو عبدالرحمن

صح بدنك

وبيض الله وجهك على المرور

الاخ الشاعر باني العتيبي

صح بدنك

وبيض الله وجهك على المرور المشرف

الزعيمة نايفة شمر

صح بدنك ملايين

المميز مزيد العصيمي

صح بدنك وبيض الله وجهك

الله لايحرم المنتدى منك ومن جديدك لاعدمتك شاعر الله يوفقك الله لايحرمنا منك

[align=right]ع ــبد الرحمن

صح قلبك وكلك

وننتظر منك كل جديد هنا ..!!


تحيه ع ــطره[/align]

عبدالرحمن الحميدي

محمد الدغيري

صح بدنكم وبيض الله وجيهكم على المرور الرائع

فيه ثقل فبعض الابيات لكن احساسك مغطي عليهم شاعر الله يوفقك
وجهة نضري الخاصه قصيده جميله
صح لسانك

[align=center]
عبدالرحمن

حياك الله

ابيات رائعة وحضور يشرفنا


قصيدةتشرق بالجمال.وبداية قويه


مزيدا من التميز


كل الشكروالتقدير
[/align]

((( سكون الليـل )))

جذبني العنوان وسبحان الله كنت اتكلم فيه اليوم

ولان معنى سكون الليل لاسم احد ابنائي وغالي على قلبي

اقتباس:

---

سجنت الشوق في صدري ومل الشوق من صدري
زبن صدري على صبري واثر صبري نفذ بامرك

---

بصراحة كلمة مبدع قليلة في حقك

قصيدتين اقرأها لك لابد اقتبس منها الروعة

اعتبرني من متابعيك اهنيك عى هالابداع

صح لساانك عبدالرحمن اتمنى ان تتقبل برحابة صدر نقل القصيده لانها ستة ابيات فقط وقسم الشعر لاتقبل فيه القصائد التي تقل عن 7 ابيات هذا من ناحية اولى

من ناحية اخرى ارجو التصريح بالاسم كامل لتبقى القصائد بقسم الشعر

واخيرا هذه القصيده منشوره بمنتديات اخرى بتاريخ سابق لنشرها هنا وباسم اخر اتمنى ان توضح اذا كانت هذه القصائد من كتاباتك الشخصيه او منقوله حتى يتك حفظ حقوقك هنا في غرابيل

وتحيتي لك

صح لسانك وقلبك

لاهنت