المشاركة الأصلية كتبت بواسطة أبوعبدالرحمن
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
سنة وأنتي معي دايم على الحلوة على المرّة=تزاعلنا تراضينا لنا فــ ( أرض المحبة ) عام
تعاهــدنا أنــــا وأنتي ,,, وكلٍ حافظٍ ســـرّه=ولا رحنـــا مع العــالم نــدّور ( لعبة الإعلام )
كتمنا حبنا فينـــــا ,,, كفينـــا خيـــره وشرّه = عدلنا في مشاعرنا ,, وحكمنـا للفراق إعــدام
( حبيبي ) لا نطقتيها طلبتك عاودي الكــرّه=مية وألا بعد أكثر طلبتــك حطّمي الأرقـــام
إلا منك تواضعتي من اللي تصير مغترّه ؟!=تعالي وانثري كل الغرور وعاندي اللـــوّام
وإذا كان الخلايق وسط قلبي وزنها ذرّه = تعالي عايني قدرك وغيرك في الحشا ما قام
عيوني يومها تخضع لطيفك لأنك ( القرّه ) = لأنك دون مدري بك سكنتيني ( لحم وعظام )
(خريفك) مع (ربيعك) مع (شتاء قلبك) مع( حرّه)=( فصول العشق ) تاخذني كذا من ( زحمة الأيام )
لسانك لا سكت وإلا حـــكى ( لله يا درّه ) = سكوتك ( حكمة العاقل ) وهرجك ( قمة الأنغام )
تشوفين القلوب اللي حزنت لــ ( محمد الدرّة ) =كثر حزن القلوب أحزن لحزنك ,, والغرام إلهام
إذا غبتي عن عيوني .. أشيل الطرق وأجرّه = وأصبر قلبي العاشق وأقول أن ( الوعد قدّام )
ما دامك ما جرحتي حبنا الصادق ولا مرّه = تلوميني وأنا أحبك وأخاوي صورتك من عام [/poem]
