والوصال أنواع وأفضلها وصالٍ شبه زال
<<<اسمعوا قاعد يبرر غيبته ياهو رهيب... *_^
في غيابي كنت آنا وإشتياقي في جدال
والسبب ..عيا يقول اصبح بهم قبل المغيب
والزمن عيّا.. تقارب ..فـإندماجٍ فـانفصال
وإن رجعنا ..هكذا وندور في عالم غريب
سرني هـ الحال فيكم ياعساه يكون فال
........خير للدنيا وتخلع عنّها الوجه الكئيب
وانت ياللي تنتظرني بينهم وصل السؤال
..كل ماحاولت أجيبك ... أمتنع جرحي يجيب
لا الجنوب امطر عليه ولا اتسع صدر الشمال
............والطبيب اللي تدور مثلك يدور طبيب
إنت ويّا جرحك وجرحي وانا نفس الخصال
......دام ماهي من جروح الحب ...صدقني تطيب
بس غادر...روح سيده.. ثم يمينٍ ثم شمال
...وأمسك الدوار..لين يشد في راسك صليب
بعدها بتطيب ...لكن فكنّي يابن الحلال
مارجعت إلا أطفي ..وأنت بتزيد اللهيب
.... مارجعت الا عشان النور..والما والظلال
....والشجن بين الصباح وفتنته والعندليب
مارجعت لاعشان...اتوب من شد الرحال
... واهجر ذنوب الهجر
صه ...صه ....ترى وصل الحبيب
ياهلا بك ... يامقام النور .....ياعطر الليال
.....يا إشارة حسن أعيَت أن يفسرها لبيب
اقترب يانور ..إحساسي سريع الإشتعال
...بنفجر..ودّي أخلّف..عازف وشاعر أديب
تدري ..إني صرت شاعر ..وانت وادي من خيال
.....من أهيم بداخله ....أحتار مدري وش أجيب
تدري إهتز لحلاتك ...ياحلا عر ش الجمال
.....فص ملح وذاب كلّه في طرف بحرٍ عجيب
تدري إنك مرتبه.. مانلها ..شخص .الكمال
...... حاول ..ويخطي ويبطي لو يحاول( مايصيب)
تدري أقرب من وصولك ...وأقرب اقرب هو (المحال)
تدري أعلى من علوّك...(ظنّ ....بالتالي يخيب )
تدري أحلى شي بالدنيا ..انا ..........امزح تعال
تدري أحلى شي بعدك........(يوم يجمعنا نصيب )
رحت منك..والأماني (غيم) وهمومي (جبال)
....كيف أجمع ... والجبال طوال والريح الرقيب
أرتكز من فوقها ...ثم ارفع كفوك تطال ..
...كل غيمه من غيومي ثمّ احلب من قريب
خلّ هذا شربنا ونطير عالين المنال
....واترك العذال تشرب حدّها (شاهي حليب)
:
