[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يالايمي هذي حدود التعابير=خلك معي واحفظ نظام الشريحه
ماجيت ابرضي بالكلام الجماهير=ولاجيت اببنش باالضريح وضريحه
السالفه ماهي ظروف ومقادير= يوم المراجل في زمنّا جريحه
قالو شيوخ وقلت يالله عسى خير=مافيه غير الواهنه والنطيحه
اشوف حبل الدلو يقصر عن البير=ما تستر العاري ثياب الفضيحه
الشيخ له بعيون الاجواد تقدير=والا الردي عيبٍ علينا مديحه
وانا لقيت الناس صنفين لاغير=طيّب وخيّب والمعاني صريحه
واللي رداهم ينكتب بالتقارير=ازوال في ظل الردى مستريحه
قلنا عسى الايام كله تباشير=والمخطيه تطلع عليهم صحيحه
لوكان به خير فلا عافه الطير=ورث جفاهم والفعايل قبيحه
وان كان قوة بوش من حنكة بلير=الله يعين اللي بقى في مطيحه
يوم ان بعض الناس ورد ومصادير=عليهم الخّير يسوق المنيحه
ولان الطيور الجارحه له مواكير=مواكر الغربان نبت السليحه
واللي تهاب الطيب لاجل المخاسير=عفون الرجال اللي يديهم شحيحه
قلته وانا ماني براعي معاذير=على الورق سقت المعاني صريحه
[/poem]
