المشاركة الأصلية كتبت بواسطة فايز بن ماجد
بسم الله الرحمن الرحيم
رواد قسم الشعر الكرام
أتشرف بتقديم أولى مشاركاتي معكم
والتي أتمنى أن تنال اعجابكم واستحسانكم
[poem=font="Simplified Arabic,5,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
أنا لي بالهوى قصه ولاصارت لأي انسان=بطولة حظي العاثر وهي منتج من سنيني
كتبها دمعي الساكب على منديلي الشفقان= وليلي يضبط الصوره ومخرجْة العمل عيني
ورقابة من حزن قامت بحذف المشهد الفرحان=تقول ان الفرح هذا مخالف للقوانيني
بطلها قصتي يضحك واشوفه رايق وطربان=وانا مالي سوى دمعاً كريماً مايخليني
وطرف هالقصة الثاني يعيش بعالم الاحزان=حبيبي كلما شفته بكا.. وابكاه يبكيني
تغّّير من عقب زينه ناحل ضايق وذبلان=وهو من قبلها القصة محطم هالمزاييني
رضيت ابفعلها هذا لو اني حيل انا زعلان=رقابة فعلها ظالم وتبطش بالمساكيني
سقتني كيفها دمعاً عطتنياه في فنجان= وبدال الدم صار الدمع يجري في شراييني
وكان القلب بستان وتجنن روعة البستان= شربت الهم فنجالاً وماتن بي بساتيني
وضحك الماضي اللي راح صار ابجملة النسيان=ودمع الماضي الحاضر بطول الوقت يشقيني
ألا ليت الفرح يشرى ولوهو ابغالي الاثمان=وألا ليت الحزن له نفس غير يموت بيديني
سلبني ضحكة اشفاهي وصارت كان ياماكان=سلب حالي وضيعني واحسه مايدانيني
وقالوا مبدع ابحزنك وشاعر بالحزن فنان=يظنون الحزن هذا خيالاً مايحاكيني
وانا اللي اكتبه حزني واذا شلته على الالحان=بكى المسحوب من كثره وغيّرت وبكى هجيني
غديت افــ بحُر من دمعي وحيد وتايه وربان=اصارع موج يجرفني وللاعماق يدنيني
أسير الحزن انا والله مصير ابقبضة السجّان=انا وافراحي وضحكي تحت حكمه مساجيني
أحاول أسعف المرضى وانا اللي للاسف مرضان=دواهم من مرض محسوس.. انا اللي من يداويني..!
ألى منّي بغيت ادرس بكى كتابي من القيفان=اسطّر حزني ابوسطه وهو يشعر بمافيني
والى منّي حضرت الدرس ..كل الشرح انا سرحان!=واذا الدكتور سائلني ربع ساعه يوعّّيني..!
والى منّ البشر ناموا بقيت ودمعتي سهران= وليلاً مظلماً حالك في هالوحده يخاويني
وشمس الصُبح لاطلّت وشافتني وانا تعبان=تقول اشفيك ياهذا وهي تبكي تهدّيني
مسحت ادموعها واقفيت تايه ضايع وحيران=وزعلتّ مني وترسل لي شعاعاً لي يناديني
اعيش الغربة المره عقب ماراحوا الخلان=عقب ماراح عن عيني حبيباً لي يسليني
غريباً وين مااسافر تعبت ولالقيت اوطان=احسبّن الرحيل المرّ عن فرقاه يلهيني
رجيت الله ينسّيني ويعطي نعمة النسيان=وتدعي لي وتبكيني جموعاً من محبيني
أنا ياناس..! .ياعالم!! أنا العاشق انا الولهان=انا المكلوم والراحل وعشقي راح ينهيني
أنا ماهمني غيره ولو هو في حلاه الوان=يجيني شوق من غيره ولاهالشوق يعنيني
كثير اقلوب مرتني تبيني افتح البيبان= وقلبي مع مفاتيحه شراهن قلب شاريني
ألا يالمغرم المغرور ألا يالمعجب الفتان=تبي تلعب على كيفك ولكن حلّ عن عيني
أنا مالي سوى قلبن وهو بيدين بنت فلان= وسام أل حبنا لكن ياحظي وينها وويني؟!
تراها قصة(ن) باموت وتبقى بعدي ابأزمان=تبي تنساني الدنيا وهم ماهم بناسيني
صارت للملا عبره وللوان الأسى عنوان=بكوها يوماً اشتهرت وجوا كلن يعزيني
ويوماً شافوا احوالي حصل ماكان بالحسبان=وصرت آواسي ابدمعي دموع اللي يواسيني..! [/poem]
[ALIGN=CENTER]
لكم أجمل تحية
[/ALIGN]
