المشاركة الأصلية كتبت بواسطة فايز ماجد
[align=center]السلام عليكم ورحمة الله وبركاته
صباح الخير
آخر ماكتبت
قصيدة بسيطة أتمنى أن ترتقي إلى ذوائقكم[/align]
[poem=font="Simplified Arabic,5,black,normal,normal" bkcolor="transparent" bkimage="backgrounds/11.gif" border="none,4,gray" type=1 line=0 align=center use=ex num="0,black"]
قعدت أفكر بالليالي والايام = واقول انا وش كنت؟! والحين وش صرت؟!
أرجع ورى واحيان أمشي لقدام = لا ياوجودي يوم فيها تفكرّت..!
عشرين عام وفوقها خمسة اعوام = هذي ربع قرناً بها كم تعبّرت!!
في مامضى كنت ارسم لنفسي احلام = ياما وياما في خيالي تصوّرت
ياكثر ماصارت طموحاتي اوهام = لكن رغم صغري صبرت وتشكّرت
مادامها مكتوبة ابصحْف واقلام = يارب عل الخير في كل مااخترت
رضيت بالمقسوم وابشرع الاسلام =مسلم وفي سنة نبيك تنوّرت
دنيانا هذي كلها ترجع احطام = يالآدمي لو كان فيها تكبّرت
بيتٍ سبق هذا وصدره على آآآم = لاضاق صدري من الزمن له تذكّرت
شاعر مشاعر قبل لا أكون رسام = على التواضع زلت مهما تطوّرت
ماللكبر في خافقي موطئ اقدام = أنـا =أنا.. مثل الذهب ماتغيّرت
لو شفت من دنياي لوعات وآلام =الحمدلله صابر وماتذمّرت
أعز دمعي عن مصافحة الاكمام = حتى لو اني من زماني تكدّرت
شربت كيف المرجلة هي والاقدام =وابحزة الفزعات لا ماتأخرت
مارحت ارافق لي رديين وازلام = واعمى البصيرة أسفهه لاتبصّرت
ومادمت بين اثنين عن كل الآنام = فانا بهنا وافراح من كثرها احترت
يارب تحفظهم على خير مايرام =أمي وابوي اللي بهم كم تفاخرت
أنا ..على مر الليالي والايام =ببقى ..أنا ..والله لو ويش ماصرت..!![/poem]
[align=center]
تحياتي للجميع [/align]
