(((بسم الله الرحمن الرحيم)))
صباحكم/ مساءكم سعة بال وراحة ،
بعد غياب بسبب دراستي خارج الوطن ..
لكم مني بعض نزفي أتمنى أن ينال رضاكم ،
تقبلوها بـ قلوبكم قبل عيونكم ،
بالصوت ..!!
[rams]http://www.alsh3r.com/download.php?mode=voice&submode=listen&id=5171[/rams]
[poem=font="Simplified Arabic,4,#225091,bold,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
تعالي أشتاق لك حبري و واهس فكرتي والقصيد=عجزت اللّم الحروف الأبجديه في حضور الغياب
شوفي حمامة غيابك يوم غنت فوق خضر الجريد=داست قدم فكرتي , بيدٍ تلهف للمطر والسحاب
كم خايلت عيني ظْعون القصايد في نهار الشديد= حالت وأنا ما قدرت آقف على درب السفر والذهاب
غيابك الموت والتأبين مابين الحِدا والمديد=مع طلعت النور حثّيتي على درب الغياب الرِكاب
يالغايبه لو قضى نحب المسافه في عيون البعيد=طوى لك الأرض من ظلع وسهل و الا خبوت وهضاب
يمشي به أحساسه المرهق على الدربين نار وجليد=تَوّزع خْطاه ما يرتاح في صدره وظهره حراب
كم له يعيش الحياه بصورة الشخص النبيل السعيد=اللي تلبّس لمقبل وقته البائس جديد الثياب
وأثر الزمن لو عطى تالي عطاه اْمن الليالي يبيد=يقولها اللي قضى عمره و اْهو يطرد وميض السراب
شاعر وطى قفر بيدٍ طلحها ماهوب دايم نضيد=لكنّّ من غربته , دايم يحس ان القصيد إغتراب
يقرا لطرفه ولكن كل ما يقرأ قصايد لبيد=يحس بأن الكتاب اللي معه ماهوب أيت كتاب
من فلسفة فكرته كن الحروف تقول هل من مزيد =لا قال هل أمتلئتي ..؟ هاج من بحر المعاني عُباب
والشعر صيدٍ ثمين وكل شاعر وده انه يصيد=وانا معك كل ما صادت هجوسي قلت دون النصاب
ياللي ليا شلت عن وجه النهار الليل ذاب الحديد=وشلون باللي يحس بقيمة جروحه لطاح النقاب
أخذت من كل حسنٍ حسن يالترف الغضي والفريد=لكنّ ما كفتّك وأخذت من دمي لكفك خضاب
في وقفتك هيبة التاريخ والعصر القديم التليد=وفي صدرك تضيق في عيني رحاب وتتسع لي رِحاب
اظماك لكنّ من قبل الظما يذبح وأصير الشهيد=ابا ليا مني أستسقيت بك يمطر سحاب الرِضاب
تعبت أشوف الدروب تموت في عيني و وقتي بليد=الين صرت أحترق في غيبتك كني عوّيد الثقاب
أريد وانته تريد ويفعل الله يا الغلا ما يريد=والبعد كفارة آثام الهوى والوصل مثل الثواب
فأن جيت مشتاق لك حبري و واهس فكرتي والقصيد=وان رحت كل الحضور اللي بدونك يا غلايه غياب[/poem]
