[poem=font="freehand,6,black,normal,normal" bkcolor="white" bkimage="" border="none,4," type=2 line=0 align=center use=ex num="0,black""]
قابلتها بالليل صدفه وبه عوق = بليل الشتاء ما باقي الا قليله
البرد ساري سرية الدم بعروق = خمسة عشر كيلو مشتها بليله
اقدامها حفاي والثوب مشقوق = تبكي تصيح من القهر عزتيله
ابدت لي الماساة والصوت مخنوق = والحال مابين القهر والفشيله
خل الكفر ياطى على الراس من فوق = الموت احسن من حياة هزيله
اركبتها مذهول والدم محروق = والقلب كنه ينشوي في مليله
دموعها تنساب تجري من الموق = قالت ترى للوضع قصه طويله
غدربي اللي طبعه الغش والبوق = الكذب طبعه والغدر والرذيله
ماهو غريب بيننا دم وحقوق = ما خاف من يوم يجازى مثيله
واليوم انا بحماك بالعنق لك طوق = ابا النجاة بأي شكل ووسيله
قلت : أبشري نبذلك الجهد مطبوق = ما هو بنا اللي ما يزبن دخيله
حمل ثقيل يتعب الزمل والنوق = يا رب عاوني على ثقل شيله
مشوارنا ساعات سته وانا اسوق = نامت بجنبي السهر هد حيله
وجيت البلد والناس يمشون بالسوق = حسب الوصف جيته بليا دليله
ونزلتها بالبيت والعهد موثوق = وقت الضحى يارب يسر سبيله
وابا اخفي الموضوع عن أي مخلوق = الاسم والعنوان وايضا القبيله
واقفيت من عنده وانا تقل ملحوق = ولا اظن اشوفه لين ساعة رحيله[/poem]
