مشكله اذا قريت الموضوع وما ضحكت

رسايل جوال ارسلوها ناس بالغلط

(1)

بنات كانوا في الجامعه شله وكانت وحده منهم عازمتهم وجت وحده من البنات كتبت
لصاحبة العزيمه (اذا انتي عازمه نجلاء انا ماراح اجي ودبري لي اي عذر قوليه للبنات بصراحه انا استثقل دمها واذا ناديتيني مره ثانيه لاتنادينها واوعدك بجي اوكي) وارسلت الرساله لنجلاء !! .....
(2)


مره كنت برسل مسج حق رفيقتي بقول لها تحسب لي طارئ بالدوام لان مالي خلق اداوم المهم انا حافظة رقم رفيقتي بس كتبته غلط وشوي يدق علي الرقم واستغربت ان طلع رقمها بدون اسمها ورديت على التلفون طلع لي واحد قال( عن الخبال قومي لبسي وداومي )طبعا انا انصدمت وسكرت الخط على طول من الخوف داومت
(3)


وحده كانوا اهلها عازمينها وزوجها طالع استراحة مع اخوياه وما حضرالعزيمه هي بترقع له عند ابوها قالت انه معزوم على العشاء عند عمه وكتبت رسالة لزوجها ترى اهلي سألوا عنك دبرت لك عذر قلت لهم ان عمك عنده عزيمه ... وارسلت الرساله لابوها ...

(4)
مره انا كنت والده في المستشفى ووحده من صديقاتي الله يصلحها جالسه من العصر عندي يوم جت الساعه 11 مليت مره وهي ماعندها نيه جالسه تسولف مع امي وخواتي دق علي زوجي قال ابمركم شوي وهاذي ماعندها نيه تروح واقوم اكتب رساله لوحده من خواتي اقول لها
(( ترى فلان بيجي وهالنشبه مستانسه على الجلسه مليت منها الله يصلحها شكلها ودها تتسحر عندنا لاتسولفون معها عشان ماتستانس وتمل وتطلع الله ينشبها))وارسلتها لصديقتي .....

(5)


أرسلت لجارتي وقلت لها تجيني بعد المغرب تتقهوى عندي وأنا متعوده أرسل لها وخلاص تجي يعني مهوب لازم ترد علي ..وانا اللي عقب ماصليت المغرب أتجهز وأجهز قهوتي واجلس أحتري زوجي يطلع لأنه في ذا الوقت يطلع ..


والا هو جااي وجالس يالله وين القهوه ؟: أنا : أي قهوه ؟ هو : تستهبلين يا أم المفاجات الحلوه ؟ وبعدين استوعبت اني أرسلتها له بالغلط وسكت وما قلت شي ,,:
(6)


قبل رمضان بيوم جتني رسالة من صديقتي مضمون الرساله كالأتي ( رمضان بكره والشياطين تنحبس في رمضان ... والله راح نشتاق لك ) عجبتني الرسالة قلت راح ارسلها لزوجي .. وارسلتها .. ولما جاني تقرير الرسالة وجدت اسم عمي ( ابو زوجي ) .......... والله فشلة:
(7)


كنت عند اهلي وقالوا لي خلي زوجك يجي يتغدى عندنا .. رحت ارسلت له رسالة ( اهلي عازمينك على الغدا ) وراحت الرسالة.. وبعد شويه يرسل اخو زوجي رسالة مضمونها ( بأي مناسبة ؟) فشلة ...:
(8)


مره تخاصمت انا وزوجي وكتبت رساله لاخوي اسب زوجي سب واعلمه اني بتثقل عليه ولاراح اعطيه وجه ..


تتتتخيلوا ...... الرساله راحت لزوجي وزعل وارسل تهديد


وانا انطميت وسكت والله موقف لن انساه
(9)


مره اختي مسافره برا وهي مديرة مدرسه .....


المهم جا وقت عودة المدرسات وهي كانت معطيتنا جوالها ....... فارسلت على جوالها رساله تقول لاختي الثانيه )يا فلانه ارسلي للمدرسات رسايل وقولي لهم يداومون احسن لهم ....مو اذا غاب القط العب يا فار)قامت اختي من السنع ارسلت نفس الرساله لجميع المدرساااات ....يعني نفس النص ما غيرته وتعالوا شوفو الضحك والفشيله
(10)


انا مره اتصلت على وحده ماردت بعد شوي جاني منها مسج كاتبه

((
يافلانه ترا فلانة (إللي هي أنا) ازعجتني بالاتصالات ومارديت عليها))


والمشكله اني مادقيت الا مره وحده ..


عاد تحسبوني سكت ارسلت لها مسج قلت:

((
ربي باغي يفضحك ))
(11)


جتني رساله من رقم ما أعرفه بس تقول :

((
مبروك ماجبتي وعساك طيبه وترانا فرحنالك ودعينا لك ولبنتك وعسى الله يخليها لك وترانا نبي نجيك بكرا))


على طول رديت قلت :

((
تراااااااك غلطانه وعلمو الحرمه انكم تبي تزورونها ترى الرساله هذي ماوصلتها))

(12)
انا مره واحد ارسل لي رسالة بالغلط :
(فلان انت صاحي ولا نايم)ارسلت له : تراك غلطان رد :

(
بلا استهبال جب معك فطور)

(13)
مره في العيد اخوي ما جاء هو وأهله لنا كان عنده شغل ماقدر المهم اختكم في الله فيني رومانسيه زايده اقعد اكتب رساله كلها شوق وحب لأخوي .. وان العيد ماله طعم بدونك واشتقنا لك والمشكله ماكتبت اسمه لا .. كاتبه ابو عبدالعزيز ليتني كتبت اسمه ..واجي ارسل الرساله ورقم اخوي مميز يعني مايبيله حفظ واكتب الرقم وارسل .. يوم رحت للرسائل المرسله والقى رقم ماطلع اسم اخوي ..
يافشيلتاااااااه قلت الحين بيتصل علي ويغثني يارب مايكون واحد لعاب بس شوي واتصل نفس الرقم <<< جاك الموت ياتارك الصلاة ارد ماارد ارد ماارد .. ردي يابنت الناس واعتذري وخليك جاده ورسميه وقولي والله غلطانه يوم رديت طلعت حرمه ..السلام عليكم , عليكم السلام ,أنتِ مرسله رساله لي ؟؟قلت لها غلطانه و اشوا انك حرمه والله اني كنت خايفه انك رجال الحمدلله طلعتي حرمه , ,تتوقعون وش قالت ؟ قالت : انا كنت اتمنى انك تطلعين رجال بس للأسف طلعتي حرمه!! قلت لها ليش؟ قالت انا رقمي رديف لرقم زوجي .. وزوجي اسمه ابو عبدالعزيز قلت يمكنك واحد من اصحابه مرسل له رساله وغلطان ,, لكن طلعتي حرمه والله لا يوريكم والله سوت لي تحقيق ولا المخابرات
انتِ مين ؟ انتِ تعرفينا وتسوين فيني مقلب صح؟؟ قلت لها والله مااعرفك..غلطانه والله غلطانه قالت قولي الصراحه تعرفين زوجي ؟؟ والله اني قعدت احلف واقسم ساعتين ماصدقتني اووووف اعوذ بالله شكلها مرررررره شكاكه حلفت لها مليون يمين اني ما اعرف زوجها,, في الاخير عطيتها رقم اخوي قلت لها شوفي هذا رقم اخوي ابو عبدالعزيز اللي كنت ابرسل له نفس رقمك يا اختي لكن الاختلاف اخر رقمين بس انا عكستهم صدقيني,, اتصلي عليه واسأليه ياالله بعد طلوع الروح اقتنعت وسكرت ,, لا .. ويوم اقتنعت تقعد تسولف معاي ,, تقول ارسلي رسايل حلوه ان كان عندك ,,<< في المشمش هذا اللي ناقص بعد ,,

(14)
امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد:icon_evil:icon_evil

حلللللللللللللللللللوه مرررررررررره يعطيك العافيه

ههههههههه

تسلم الأيآدي

ت س ل م ي م ي ن ك
بالمره جنان

قامت تضحك وقالت : اصلا امزح ماني رايحة لاحد

هع هع خافت العجوز

بصراحة كنت ناوية ما اضحك لما قريت العنوان

بس كل وحدة احسن من الثانية وكلها ضحكت عليها

:wink: :wink: :wink:

اقتباس:

---

امي ياحليل امي وخف دمها .. كنا عند اخوي وكان شديد علينا في الخروج لازم نستأذن منه .. المهم انه مو كل المساييير يوافق عليها
وكنا معزومين عند ناس ما يبينا نروح لهم .. عاد امي قامت تبي تدق على اخوي الثاني وتقوله بنقول لخوك انا عندك ونروح للي عازمينا قامت ودقت على اخوي الشديد تظن انه الثاني وقالت له اسمع حنا بنروح لفلانه عازمتنا ، اذا سألك اخوك قل انا عندك ..
ما درت انه هو الشديد ..
ضحك وقال ان شاء الله يمه دقت عليه مرة ثانية قالت : شف حنا بنروح لخوك فلان حتى دق عليه واسأله ..ضحك .. وقال إلعبي غيرها يا ام فلان انا اللي كلمتيه تو ..
قامت تضحك وقالت : اصلا امزح ماني رايحة لاحد

---

خخخخخخخخخخخخخخخخخخخخخخخخخ تووووووووحفة هالام


موقف امس بالضبط صار
ارسلت رسايل لجميع صديقاتي وحده من الصبايا مبطيه عنها الا وتجيني رساله مكتوب فيها
من ؟

كنت أبغى ارد بس قلت يابنت يمكن غيرت الرقم وتطيحين في أحد ما تعرفينه
ولا كنت ناوية اكتب
البعبع خخخخخخخخخخخخخخخخ


موضوع حلو
يسلمو
تحياتي

اسعدني مروووووووووووووووركم وخاص خيوط الامل

شكرا لكل من نور صفحتي

كركركركر ضحكة جديدة بعد الاختبارات خخخخخخخخخخخ



مشكور أخوي على هيك موضوع


نورت القسم


ننتظر جديدك

هههههههههههههههااااااي موااااااااااقف تججججججججنن 00
اما انا مرة اتصلت على رقم ابويه فديته المهم اني غلطت برقم , الزبده كان الرديف يعني كان طالع باسم ابوي , إلا يطلع لي هذاك الصدا قصيده بلهجة هندي تجيب الغثيااان استغربت وقمت اتصل على اخواني واحد ورا الثاني دقوا على ابوي واسمعوا الصدا ويدقون عليه ويقولون عادي نفس الصدا الاول قلت يمكن ابوي حاطه خاص لي , المهم انا ابي ابوي ومو راضي يرد واثارني ادق على الرديف ويوم يجي ابوي وادق واسمعه واقوله وش ذا الصدا حاطه قال يمكن بالغلط , وندق كل شوي ونسمع وبعدين كلم اخوي يالاتصالات ويقوله الصدا الخاص احذفه فشيله لا احد يدق ويسمعه , واخوي يقول مافيه صدا خاص بس هذا العام اللي كلنا نسمعه المهم طول الليل واحنا ندق ونسمع ونضحك وطبعاً هالصدا من جوالي بس انا ’ والكارثه الكبرى انو جوال ابوي معانا وانا اتصل واسمع وكلنا مستغربين ولا واحد مننا لاحظ انو جوال ابوي مايدق ولا عنده ولا مكالمه مني ’’’’’’’’’’’’’’’’� �’’’’ رجاءاً لا احد يقول غباء بس انا اقولها عنا وانتم قولوا اذكياء 00ههههه
شوفوا الغبااااااء وين وصل ؟؟؟؟؟؟؟؟؟؟؟؟؟؟؟؟

المهم اخوي اللي كتبته جنااان يعطيك العافيه

تحيااتي 00

هههههههههههههههاااااااااا اااااااااااااااااااي:icon_smil

تذكرت موقف صار لامي على الجوال

كانت تدز مسجات للاقارب تعزمهم على زواجي:blushing: طبعا كاتبه

في المسج اسم المنطقه..... واسم الصاله.......


واسمي..... واخر شي الداعيه واسمها......


ووحده من قريباتي غيرت جوالها ولاعلمتنا

المهم راح المسج للي خذا الرقم

وشوي ويدق الرجال:36_13_1[1 قال ياخاله انتي غلطانه لكن

الف الف الف مبررووك :فوشي: والله

لو اني في (................) كان حضرت الزواج

والله اني فرحت لها والله يخليها لك


ههههههههههههههههههههههههه هههههه:36_9_2[1]

قالت له امي الله يجزاك خير:يمه:


خخخخخخخخخخخخخخخخخخخخخخخخخ خ:36_1_19[1


وانا ميييييييييييييييييييييييي ييييييييته من الضحك

ههههههههههههههههههه اما الموقف الاخييييييييييير تووووحفة

وموقفكـ كبرياء موتني ضحكـ..........

يسلمو ع رسم البسمة ع وجيهنا...:)

هعععععععععععععععععععععععع ععععععععععععععععععععععععع ععععععععععععععععععععععععع ععععععععععع


شـكــ وبارك الله فيك ـــرا لك ... لك مني أجمل تحية .

ههههههههههههههههه

يسلموووووووووووووو ......

تقبل مروري....

ههههههههههههههههههههههههه هههه
يسلمو بالذات الموقف الاخير
لا عدمناك

مشكوور سلمت يمينك