السلام عليكم ورحمة الله وبركاته
هذه القصيدة في والدي : عيد بن جعفر الهاجري .
راس عيط الطيب
[poem=font=",5,black,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ألا يالله ياللي من نعيمك ما حصي ما أنعمت = مجيبٍ للعباد اللي جهرها وسرّها تدعوك
إليك و منك ما يحكي ضمير العبد وقت الصمت = مليكٍ ما يشادي ملكك الأعظم ثرى الملوك
ذراي وستري وملجى لوجهي من كثير الشمت = عديمٍ ما عرف قدري بخسه وساير المسبوك
رسمته بالمشاعر من فؤادٍ عاشقٍ ما ألهمت = وأخذته من عبق صافي زهوري ما زرعته شوك
تراعيه النواظر لا شهقت الوقت مما ألمت= ويلفي جالبٍ هوج الرياح بزفرت المهلوك
على تابوت عمري يعزف الأوتار ما وهمت = تمنى مقتلي في يوم ميلاد الوفاء المبروك
وأنا لو لا مفاهيم الصداقة عند من قيمت = عزوفي عن بعض الأصحاب حذرا جرحي المدكوك
وظرف من الصداقة مع ظروف من الزمان الغمت = تبين لي نوايا رفقتي في ضامري بشكوك
عزايه يالضمير اللي ينوم الصبر لا من نمت= يمرّ به العمر ما شيف بحجاجٍ فريد ضحوك
لا شمت إعن الصداقة يالضمير الميّت أو ما شمت = صداقة مثلك برونق ظواهرها ما هي بصكوك
ورى الحاجات حاجاتٍ وأنا فيها وعليها أضرمت = ولا يلحق جنابي كلمة العذال فالمتروك
أنا وإن مرني ما يشوق من فكري سرحت وحمت = كما طيرٍ يصول بما عطي له فالسماء ويصوك
وأنا بدعي سماء فوقك و في مقوالها حشمت = منصات القصيد الجزل وسمانه بعد سروك
تناصا راس عيط الطيب لا أخلا منه لا وأعدمت = جعل للمرجله حقٍ وحقٍ ثامرٍ مبروك
كريمٍ مدته تغني عن الفقر وتقر ما رمت = حكيمٍ من كبار القوم ما يتعب عن المسموك
على ذكره يفوح الطيب والمسك و لا من أجزمت = بإن الطيب طيبه والمراجل دايمٍ له بروك
يشوش الراس من فعله و شفني لا قعدت وقمت = أراه يحوك نبراس المكارم والجمايل حوك
مثل برقٍ سطع بين الكواكب وين ما يممت = عمى نورة عيون اللي من الهزلات ما خلوك
رعاه الله لا رحت الفعايل ثم بحثت وعمت = فعوله ساميه بين الفعول الماجده بحروك
وإلى منه بغى يبني صروح المجد رام و رمت = أعرف إنها تبيه وتنتظر لامن عداك أقفوك
وأنا لا شفت من نبت المودة بذرةٍ سلمت = على اللي طيبه يعتم ضمايرهم ليا مروك
سلامي له عدد ما مد جوده في ضفى ما أقدمت = وسلامي له عدد ما صرف من مال البنوك بنوك
عليّه بالحرام إنه نديرٍ وإن سميت وسمت = ما نوصل له حدودٍ بالشعر لا فض فوي وفوك
ليا من قيل من هو قلت عيد بن جعفر و أقسمت = بإن البيض لو تلّد بأفاميها وقاف بروك
فلا جابت شبيه الليث دمث الخلق سم ما أكرمت = شنار الطيب من طيبه يسفل بالرجال دروك
على قول الحكيم اللي بعد قوله كرمت ودمت = سلامٍ ضافيٍ يالله عساهم بالفعل برّوك[/poem]
وسلامتكم جميعاً
