المشاركة الأصلية كتبت بواسطة محمد بن ضاوي
السلام عليكم ورحمة الله وبركاته
,
,
,
,
دخلت قبل شوي لقسم الشعر النبطي ولقيت قصيده للشاعر منصور الحربي
معنونها بـ(ماذا فعلت الخبر بمغترب)
ومطلعها يقول,,,
ليت الخبر ياصاحبي ماخذاني
....... لاقسى الدروب المتعبات الصعيبه
قريت القصيده وذكرني اللي على بالي وناسيني اهئ اهئ اهئ ههههههه
قريت القصيده وطرى علي قصيده من أيام الصبا والمغازي ماكان عندي نيه انشرها
ولكن قدر الله وماشاء فعل
القصيده
,
,
[poem=font="simplified arabic,5,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياذيب قلي وش هو الراي ياذيب=فدني بشورك طالبك لا توخـّر
هذي ثلاث سنين عاشق وحبـّـيب=والقلب يمشي في هواها مسخـّر
مامن خبر واهل الخـُبر غيبهم غيب=والنوم عن عيني تجافى ووخـّر(1)
ماغير أجاوب بالتناهيد واجيب=دمع العنا اللي من عناي يتمسخر
يقول ياخي والله انه من العيب=أسهر على خدك وغيرك يشخـّر
حرام أنزل لجل وهم وأكاذيب=ياليت قلبك مثل قلبه تصخـّر
ويقول بان الوضع محتاج ترتيب=من لاعشقك بصدق لازم يوخـّر(2)
واقول يادمعي بتجي غصب أو طيب=ببكيك لان الدمع يالدمع يــِخـّر(3)
بعض القسا لعلي أنساه وتغيب=غياب حلمن في منامه تبخـّر[/poem]
معاني الكلمات::
1- تنحى جانبا ً (متعوب عليها ) هههههههه
2- إيـْحط خلاف (ماتعب علاها ) هههههههه
3- يترك أثرا ً (صادفت ) هههههههههه
مع تمنياتي لكم بقراءه ممتعه وتمنياتي لي بأن تحوز على رضاكم....
,
,
وسلامكتم
