مصافحة أولى لغرابيل ,, الفاتنة
** السلام عليكم ورحمة الله وبركاتة
إلى شعراء هذا الصرح الشامخ وإلى إدارة ومشرفي منتديات غرابيل
أضع بين ايديكم جديدي الذي اخصكم به
كذلك أشكر لكم حفاوة الترحيب وأشكر الشاعر / عبدالله بن راجس على دعوته ليّ لأشاطركم المتعة هنا .
بكل الحب أقدم لكم جديدي ( الفاتنة )
[poem=font="Simplified Arabic,4,white,bold,normal" bkcolor="transparent" bkimage="backgrounds/9.gif" border="outset,10,blue" type=2 line=0 align=center use=ex num="0,black"]
**
بانت نجوم الصبح واللي في عيوني من عصر = ماهوب دمعٍ لاتضايقت اتنهت واسكبّه
لاوالله الا حلم شيخٍ عن طموحه ماقصر = لوقصرت سود الليالي من يمينه وشنبّه
وانا لو اني ماتعلمت الهزيمة والنصر = ماكان ذقت من الهواء القتال أمره وأعذبّه
شاعر وعصري فاتني واعيش في اغرب عصر = لا الوقت وقتي والزمن مابيني وبينه شبّه
لكن هنوفٍ مثلت دور العزيزة في مصر= قدت قميصي وأسرفت في وصلها قبل أنتبّه
ويوم انتبهت استشهدت ضدي بحراس وقصر= قلت ارحمي عزيز قومٍ ذل وراخى منكبّه
ماني نبي الله اقاوم حسن خصرك لنهصر=انا بشر عبدٍ ضعيف وكل برقٍ يجذبّه
قالت وهي توي تثنى كنّ مافيها خصر= الشعر ياضيدان ورث اجدود وإلا موهبّه
قلت الشعر سحرٍ يصخرلي القلوب ويختصر = عمر المسافات الطويله والسنين المجدبّه
والحب شيٍ لو حصرته في ضلوعي منحصر= يطغى على حِدب المحاني لين ابيحه وكتبّه
وأن علمتني الفاتنه وشلون اسير إبلا بصر = علمتها الفنجال وشلون اتحدى واشربّه
وعلمتها إني كذا طال الزمن وإلا قصر= وأن اعذب الحب اصدقه وإن اعذب الشعر اكذبّه
**
[/poem]
هلاااا وغلاااا يابو منصور
صح اللسااااااااااااااااانك ملايين
ابومنصور فوق الكلام والاطرا
لاهنت يامبدع
تحياااااااااااااااااااتي لك
وكل عام وانت بخير
رد: مصافحة أولى لغرابيل ,, الفاتنة
وأن علمتني الفاتنه وشلون اسير إبـلا بصـر
علمتها الفنجـال وشلـون اتحـدى واشربّـه
وعلمتها إني كـذا طـال الزمـن وإلا قصـر
وأن اعذب الحب اصدقه وإن اعذب الشعر اكذبّه
صح قلبــــــــــــــك
سلام..
رد: مصافحة أولى لغرابيل ,, الفاتنة
انه الملك ضيدان بن قضعان
لم اتخيل في يوم ان ارد على قصيده لهذا الهرم ابد ابد
لا يحتاج الى سرد او اطاله بل دعوه يارب تحفظ هذا العملاق الشعري
ابومنصور اعشق شعرك حد الثماله
اخوك الصغير قبلان الشمري
