(((((((ياكريم وياعليم ويامعافي)))))))))
قصيده مهداه إلى مقام خادم الحرمين الشريفين حفظه الله
[poem=font=",6,,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
ياكريم وياعليم ويامعافي= يامغيث الخلق وألأرض المحيله
طالبك غيثِ على ألأوطان ظافي= ماعلى قدرتك حاجه مستحيله
أنت وحدك علمِ كل الخوافي= أطلبك وادعيك والدعوى وسيله
تسقي أرض المملكه بعد الجفافي= منبع ألأسلام وأرض أهل الفضيله
الملوك إللي مكارمهم تشافي= نهجهم نهج النبي مافيه ميله
حكمهم بالعدل والميزان وافي=في زمانِ زاد فوق الطفح كيله
ولبومتعب كل ماسقت القوافي= شفتها ترقى شموخ وتنحنيله
جسدأمجادِ على أمجادِ مقافي= ولابرك للحمل ابومتعب يشيله
الثقال يشيلها قبل الخفافي=حاكمِ ماخلق بالدنيا مثيله
ولاهقيت يصير دام الذيب حافي= ولاستوى مثله على سرج ألأصيله
أشهد إنك ياطويل العمر وافي=الصعايب كلها قدمك ذليله
أنت غيث الشعب بسنينِ عجافي= ياعسى أيامك يابومتعب طويله
كل خيرِ في قدومك جاك لافي = شي بأمر ألله ميله وإتعديله
حب شعبك حاجتِ بسمك تظافي= الغلا في كل شخص وفي فصيله
مايوقف عند هفوة كل هافي=من سمات الجود فيه وينتميله
ولانفكر في قليل أصلِ وجافي=نعتزي بسم المليك ونعتزيله
النظر قدام ماننظر خلافي=ننظر المجد التليد ونرتقيله
دربنا مافيه ميله ونعطافي=حجتِ بيضاء نهاره مثل ليله
إلك بعد الله شكرِ وعترافي=حق لك منا وزرعِ ذا حصيله
جعل لك من كل زمرة شر كافي= بمر خلاق البشر منجي دخيله[/poem]
وسلامتكم
رد: (((((((ياكريم وياعليم ويامعافي)))))))))
اقتباس:
المشاركة الأصلية كتبت بواسطة شاعرة نجد
أنت وحدك علـمِ كـل الخوافـي=أطلبك وادعيك والدعوى وسيلـه
تسقي أرض المملكه بعد الجفافي=منبع ألأسلام وأرض أهل الفضيله
آمين ياشاعرنا
وصح الله لسانك
ولاهنت على هالقصيده اللي جات بوقتها
نسأل الله غيثا مغيثا صيبا نافع
وتسلم طال عمرك على هالجزله
وملكنا وحكامنا يستاهلون لاعدمناهم..
واسمح لي بــ/هالمشاركه..
(يالله عسى ذا العام أبرك من العام=وتفرح بزخات المطر مملكتنا)
لك التقدير’,,
شاعرة نجد
صح بدنك والف شكر لك يالغاليه
