@ النـــــاعسات الظلـــيلة @
من الجديد ... كما عودنا غرابيل
عسى أن تنال استحسانكم
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
والله لو حطيت في الدرب ديباج=واغريتني بالناعسات الظليله
ما عاد لي في سيرة الحب منهاج=والصبر قصّــار العمار الطويله
يكفي كفى ما فيه داعي للاحراج=ما دام ما في عطف الاحباب حيله
ترى القدم يا زين ماهوب دوّاج=الراس عالي والمواطي ثقيله
فهمت والا العكس ما عاد يحتاج=المقفية ما عاد فيها عقيله
حبٍ يخلي ثومة القلب مسهاج=مثل الضريع اللي قليلٍ حصيله
وحبٍ على وضح النقا زرع وانتاج=هذا كلامي والقصيدة وسيله
والعشق ما يقبل وشاويش وازعاج=لا صرت منظورٍ بعينٍ جليله
عزّ ومعزّة نفس مدخل ومخراج=ومضرب مثل (( قيس الملوّح وليله))
حبك سفينة والحشا بحر وامواج=يشيلها موج الغلا ما تشيله
افرح مثل فرحة سجينٍ بالافراج=لا شفت لك في لذّة النوم زيله
حتى قصيدي لا وصل حروتك راج=وارخى على هاك الزوامي هديله
جواهرٍ حرّة وديكورها عاج=واللي مهو شرواك ما تستوي له
تاردك ميراد الظوامي لهدّاج=والحب والإعجاب هذا دليله
وانته غصن والغصن لابد ينعاج=وإليا انثنى منه السلامة فضيله[/poem]
عبدالله بن راجس
