الا الكرامه ((((مصافحه)))اولى
السلام عليكم ورحمة الله وبركاته
يشرفني ان اكون احد اعضاء هذا الصرح العظيم
والشكر والتقدير لكل من دعاني
وهذه القصيده مصافحه اولى
وهي على رغبة الاخ العزيز / مشعل العتيبي
(((((( الا الكرامه ))))))))
.
.
.
.
.
.
[poem=font="Simplified Arabic,4,darkred,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا واعذابي منك يوم الزمن جار = ابي المسره والحصيل المضرّه
مدري وراك اتبدل الدار بالدار = والا تبي قطع المواصيل مّره
ان كان يوم اقفيت في حالتي بار= في ذمتي مانته بويا المبّره
وان كان عذرك قدر الله وماصار = مانيب للمقفين تباع جّره
والله لا اجنّب واتعرض للاقدار = وعلمي يجيك مع النجوع وتحّره
لو ان لك حشمه وقيمه ومقدار = مانيب في ثوبك زرار ٍ تزّره
اللي دعاك تواجه الصد باعذار = يعطيك من خيره ويكفيك شّره
الا الكرامه لا دعا الماقف الحار = تراني اسما من نجوم المجّره
يموت حبك عقب ما جاله ادوار = حتى ايش لو بين الحنايا مقّره
ولو تشتهيك العين وتمد الانظار = والله لا احط الملح فيها واذّّره
وذاك المكان اللي لنا فيه تذكار = ليتك تجنب سكته لا تمره
لا اليوم مابانت تفاصيل الاخبار = حتى يجي للخيل فالكون كّره
انا سكت امرار وامرار وامرار = واقصّير هلاله وراء هلال غّره
هالحين طف النار والا اشعل النار = وانته على مشهاك والنفس حّره
وسلامتكم[/poem]
المبدع الجزل شاعرنا مشعان البراق
هنا نوخت ركايب القاف الجزل
هنا وجدت عشقي وهو الشعر الجزل
الشعر القديم الحديث
الشعر الخالي من الفلسفه
هنا اقف احترام واقول صح لسانك
ذائقه رائعه من شاعر اروع
دمت بكل خير
جريح نجد
