[poem=font=",6,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
مها..تكفين مافينـي يكفّـي=أنا مْنْ العام دمعي مايجفّـي
كفايـه لاتثيريـن العواطـف=يكفي مابقلب أختـك يكفـي
أراعي خاطرك وامسح دموعك=واضمّك وابلع العَبْرَه وأخفّـي
تقولين الدرااسه مـا نبيهـا=أبويه غاية امـرادي وشفّـي
وأنا مثلك مناة الروح شوفـه=ولكـن القـدر عيّـا يوفّـي
إلى من حان لي وقت الزياره=يفز القلب والحاجـب يرفّـي
وهو يفرح وأنا افرح لالفيتـه=ومن كثر الغلا دايـم بْصفّـي
أنا عزّي وعزّك فـي حياتـه=عذابي كان نور البيت طفّـي
ولكن دام ياعيونـي حزينـه=تعالي وافتحي صفحة ملفّـي
تعالي واقْرَيْ أشعاري وشوفي=قصيدٍ أكتبه من يـوم أقفّـي
أنا من يوم أقفي مـن دْيـاره=ودْموعي فوق خدي ماتْكُفـي
يحق ألنا البكاء لامن بكينـا=مكانٍ غير حضنـه مايدفّـي
عقب هامة شموخه والزعامه=طريح افراش واسْواة امتوفّي
تحت رحمة كريمٍ نلتجي بـه=ونعم(ن) به عن العالم يكفّـي
يطهّر ماعليه مْـنْ الخطايـا=ويرحم دمعـةٍ عيّـت تجفّـي [/poem]
