[poem=font="al moharib anbopi ibrahim,6,black,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
تريحي مانـي علـى خبـرك العـام=خبرك تحوّل و اقتفى السيـل ديمـه
شمس الحقيقه بددت ليـل الاوهـام=اليوم صارت نظرتـي لـك سليمـه
العام علقتك على صـدري وسـام=كنت الفضاء و انتي بالافاق غيمـه
من وين ماهب الهـوا قلـت قـدام=اعيـش حلـم ان العلاقـة حميمـه
كنتي معاي بعالمـي مصـدر الهـام=فيـك ومعـاك المفـردة مستهيمـه
كتبت فيك الشعر و اتعبت الاقـلام=حتـى توهمتـي بنفسـك عظيمـه
و جازيتي اللي عاش بك عشق و هيام=بالطعنة اللي وقّعـت فـي صميمـه
الطعنة اللي حطمت كـل الارقـام=و لاابشع من الهجران غير الظليمـة
غبتي و كان الصبر للعاشـق الـزام=واجهـت طعناتـك بقـوّ العزيمـه
لاشك جابتـك الليالـي و الايـام=جيتي و لكـن فـي ملامـح يتيمـه
تبكين من حزنك على صرح الاحلام=اللـي بنينـا بالسنيـن القديـمـه
كم قلت لك صدّك للاحرام هـدام=مار اكسبي بالعاشق اجـر و غنيمـه
و انتي حكمتي بالغلا حكم الاعـدام=ماتحسبيـن ان العواقـب وخيـمـه
و اليـوم جيتينـي تحثيـن الاقـدام=تبيني ارجـع و الخسـاره جسيمـه
جيتي بعد مانكّست كـل الاعـلام=و مسك رقيب الذات خيط الجريمـه
جيتي تحسبيني علـى خبـرك العـام=و خبرك تحوّل و اقتفى السيل ديمـه [/poem]
