-
البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شوي ..
لسلام عليكم ورحمة الله وبركاته
الموضوع هذا شاغل تفكيري وحبيت اطرحه لكم للنقاش فقط لاغير
لفت انتباهي في اكثر المنتديات بعض النكات المايعه للبنات
اللي توحي (( انها دلوعه ولا بنوته ولا كلها انوثه ولا ملكة جمال ولا بقاط ماله حد ولا رد )) :مزون:
ماعليه اختاريه نك بس مهوب تنشبين في حلقي انا دلوعه وانتي ماتعرفين الدلع ومدري ايش تحسبينه السنع :مزون:
يعني وش الغرض منه ..؟؟ هل هو شي فاقدته في الواقع وتحاول تثبته من خلال الشبكه العنكبوتيه ..؟؟
او انه مرض ..؟؟ ولا ويش هو بالضبط ..؟؟
او محاوله لاثبات الذات بطريقه ماصخه ..؟؟
او بعض المصطلحات المنتشره كنها وباء
دلبي = قلبي
سراحه = صراحه << يابلفيت رقيقه ودلوعه وبنوته خخخ امحق قوم
تيب = طيب
تمامو = تمام << لازم تزوي خشتها علشان تنفص الكلمه
ولا كلمة يااااااااي << مادبلها للكبد ذي :مزون:
او بعض العلاقات بين الاعضاء والمجاهره بالاعجاب طرح مواضيع تخصه ومدحه مدح مهوب على السنه ولبيك وفديتك وعيوني وانا كلي لك
وش ذا المصاخه صارو البنات سلعه رخيصه من السهل الحصول عليها
لاتقولون وش دخل سلعه رخيصه في الموضوع << ترى كلامها مدفون بس مابي اتعمق واجيب العيد دئلت
شي يسحب شي يسحب شي الين تجي الطامه
الثقل زين ياحلوات والخفه شييييييييينه ياشين الخفه شيناه
خليش شامخه مايهزش شي لا كلمه ولا غيرها
قدري نفسش واحترميها علشان نقدرش ونحترمش
صيري شي صعب الحصول عليه
ابعدي نفسش من الشبهات
خليش كاااااااااايده (( على قولة ابو نوره ... يامدور الهين ترى الكـــــــــايد احلــــى )) وهــ يازين ذا الاغنيه :ill_h4h:
وحاولي تلفتين الانتباه بشخصيتش الحقيقيه بعيده عن التصنع والتمصخ
والثقه في النفس تلعب دوور كبير وللاسف اكتشفت ان جيلنا هذا صارت ثقة النفس معدومه مادري وش السالفه
هل هو ينظر لنفسه انه شي صغير ..؟؟ او التقليد الاعمى خلاه يفقد شخصيته وانتحال شخصيت غيره
الوكاد انكم طمرتو في الغلط مادريتو وتحسبون قد هو السنع
وانا مناب معصومه من الاخطاء كل انسان معرض للخطأ ولكني متعوده اي شي اشوفه اقوله بكل صراحه
" الساكت عن الحق شيطان أخرس "
والمجال مفتوح للنقاش ودي اشوف ارائكم .. << مشاءالله علي اعرف اعبر تعبير مضروبن جنبه دئلت
احتريكم << تقول شوف عيني بالموضوع اللي بيشل بكريعاته ويحذف دئلت
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
والله انك صدقت بس الله يهدي الجميع
وجزااااااااااااااااك الله خيرا
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
ههههههههههههههه
لا ما يحٌذف ابد
قلت لك طالما بانا موجودة لا تشيلين هم
موضوعك تمام التمام وعلى الجرح
اعتقد يا بنتي هذا لفت نظر ورب الكعبة انه شيئ يندى له الجبين
امرنا الله ان لا نخضع بالقول فاصبحن يخضعن بالقول من خلال هالكتابات السامجه
هداهن الله واصلح قلوبهن وردهن الي الحق ردا جميلا
ويستاهل خمس نجوم ياالغاليه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
السلام عليكم ورحمة الله وبركاته
موضوع وتسأول في محله ولكننى اراه ينتشر بسبب الاسم المستعار
واحيانا شباب يدخلون النت باسم انثوي لمرض نفسي يعانون منه فيالجؤون لهذ الحركات
للإ يقاع بضعفاء النفوس والمراهقين من الاعضاء
وبمجموعة الأسباب التي ذكرت في معرض قضيتك إضافة إلى ان لكل مشارك بعالم النت هدف
إلى اظنه حقيقة أن من تلجأ لذلك قشرة وحسرة ولا منها رجى ونقص تحاول تعوضه
شكرا اختي الفاضلة على هذا الطرح
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة سمر الحلوة
والله انك صدقت بس الله يهدي الجميع
وجزااااااااااااااااك الله خيرا
حيااش الله واسعدني مرورش اختي سمر
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة بانا سعوديه
ههههههههههههههه
لا ما يحٌذف ابد
قلت لك طالما بانا موجودة لا تشيلين هم
موضوعك تمام التمام وعلى الجرح
اعتقد يا بنتي هذا لفت نظر ورب الكعبة انه شيئ يندى له الجبين
امرنا الله ان لا نخضع بالقول فاصبحن يخضعن بالقول من خلال هالكتابات السامجه
هداهن الله واصلح قلوبهن وردهن الي الحق ردا جميلا
ويستاهل خمس نجوم ياالغاليه
مرحبااااااا ومسهلااااااا في ذمتي بالغاليه
فديت بانا وجعلها ذخر لنا
الله يهديهم ويهدينا
حيااش الله فديتش
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة << جميل>>
السلام عليكم ورحمة الله وبركاته
موضوع وتسأول في محله ولكننى اراه ينتشر بسبب الاسم المستعار
واحيانا شباب يدخلون النت باسم انثوي لمرض نفسي يعانون منه فيالجؤون لهذ الحركات
للإ يقاع بضعفاء النفوس والمراهقين من الاعضاء
وبمجموعة الأسباب التي ذكرت في معرض قضيتك إضافة إلى ان لكل مشارك بعالم النت هدف
إلى اظنه حقيقة أن من تلجأ لذلك قشرة وحسرة ولا منها رجى ونقص تحاول تعوضه
شكرا اختي الفاضلة على هذا الطرح
وعليكم السلام ورحمة الله وبركاته
صدقت اخوي للاسف الشديد ان فيه شباب يدخلون بأسماء بنات ويضع وقته بشي ماصخ كنه وجهه
هذا بدال مايقعد في مجلسه وينطح الضيوف بالدله :مزون:
حيااك الله وشاكره مرورك وتعليقك اخي جميل
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
ياااااااااااااااااااااااا ااي
<< ادلع دلوعه وصلت
دحين انتي وخشتك تبغينا نسير زيك جحلط :مزون:
لا يا عوومري لازم نكون كولنا انوته وكيدا
منشان نعلم الناس اننا بنات ياااااااااااااااااااي <يالله سترك
متلن .. انا .. عندك قولت الهم اسمي بنت برقا وكيدا وتكلمت زي الاوادم وهيك
المووهم انهم قالو عني كأنك ولد دئلت
هيا بالله اش رايك يا (اخت الصبايا) شو بعملهم
بصراحه انا اكثر شي يرفع ضغطي الي تخش باسم دلوعه وكلها دلع وغنج
والله بعضهم بنات طيووبات وكلامهم عسل بس اسمهم يرفع ضغطي << يمكن ميول
اخت الرجال
انتي من البناات الي يعجبوني خصوصا بعد مارصيتي
هذي المنقيه في توقيعش كبرتي في نظري :مزون:
يعطيك العافيه ع الموضوع
سلام..
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
ياهلا ومسهلا بأخت الرجال
يامرحبا ترحيبتن كلها هيل وزعفران
والله إني إذا شفت هرجتس أني أروح واجي معه مدري من أي ديره <<<ياخوفي ماتصير من السعوديه واصير انبش بالفراغ
اما موضوعتس
اللي تسوي تسذا أول شي يدل على النقص <<من جميع النواحي
وثاني شي لفت أنتباه
موضوعك قيم ويستاهل النجمات المرصعات على جبينه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة بنت برقا
ياااااااااااااااااااااااا ااي
<< ادلع دلوعه وصلت
دحين انتي وخشتك تبغينا نسير زيك جحلط :مزون:
لا يا عوومري لازم نكون كولنا انوته وكيدا
منشان نعلم الناس اننا بنات ياااااااااااااااااااي <يالله سترك
متلن .. انا .. عندك قولت الهم اسمي بنت برقا وكيدا وتكلمت زي الاوادم وهيك
المووهم انهم قالو عني كأنك ولد دئلت
هيا بالله اش رايك يا (اخت الصبايا) شو بعملهم
بصراحه انا اكثر شي يرفع ضغطي الي تخش باسم دلوعه وكلها دلع وغنج
والله بعضهم بنات طيووبات وكلامهم عسل بس اسمهم يرفع ضغطي << يمكن ميول
اخت الرجال
انتي من البناات الي يعجبوني خصوصا بعد مارصيتي
هذي المنقيه في توقيعش كبرتي في نظري :مزون:
يعطيك العافيه ع الموضوع
سلام..
عاتي حبيبتي انا كمان وااااي منهم حتيت اسمي اوخت السبايا وماخلوني في حالي
سراحه مدري كيف كل شويا تيجي واحدا وتقول انتي ولد امبيييييييه مو عارفه شنو اسوي وياهم
سج سج يرفعون ضغطي ويغلون دمي الشربات قولت لهم ياعومري انتو خلاس اسير بنوتا
يعني بنوتا << يالله حسن الخاتمه كبدي حامت دئلت
وش رايش اعرف امثل دئلت
فديت عيونش دامني عاجبتش هذا اهم شي :مزون:
حياااش الله يالغاليه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة بقايا إنسانه
ياهلا ومسهلا بأخت الرجال
يامرحبا ترحيبتن كلها هيل وزعفران
والله إني إذا شفت هرجتس أني أروح واجي معه مدري من أي ديره <<<ياخوفي ماتصير من السعوديه واصير انبش بالفراغ
اما موضوعتس
اللي تسوي تسذا أول شي يدل على النقص <<من جميع النواحي
وثاني شي لفت أنتباه
موضوعك قيم ويستاهل النجمات المرصعات على جبينه
أرحــــــــــبي
يامرحبا ترحيبتن كلها لش....... تكسيش من راسش لي حد ماطاش
اما موضوع من وين الوكاد ان دمي اخضر ولكني خارج السعوديه << تحسنه لغز :مزون:
منووووووره فديتش وشاكره مرورش وتعليقش
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
هذه من المشاهد اليومية التي نشاهده في المنتديات
وماهو افظع عندما تصدر تلك الحركات من نساء قد بلغنا من الكبر عتيًا اوتلك المتزوجه ذات الأطفال
والبقيات اللاتي مازلناصغار بالسن صحيح أنه لايجوز لهن ذلك وايضًا محرم ولكن ربما هؤلاء يفتقدنا العاطفه والحنان
ولكن مابال تلك المرأة التي اولادها رجالاً وهي تمثل الصبيه الصغيره
ومابال تلك المرأة المتزوجة التي تتميع مع الرجال بالردود
هل هاذين النوعين من النساء يفتقدنا الحنان والعاطفة ام اصابهم فقد العقل والوازع الديني
أنسيت تلك المرأة ان لها رقيب وحسيب ؟
أنسيت أمر الله لها بكتابه الكريم
( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ).
هذه مشكلة بحد ذاتها ..
إذا تطرقنا للأسباب
ضعف الوازع الديني
ايضًا الرقابه لها دور
فكيف تترك الفتاة في غياهب المنتديات دون رقابه من الأهل
ايضًا قد تكون مشاكل نفسيه أو أسريه قد تؤدي بضعيفات النفوس قليلات العقل
الى تلك الهرطقات في انجاء المنتديات للفت الإنتباه لها
\
\
احترامي وتقديري
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة ][شموخ ومهابة][
هذه من المشاهد اليومية التي نشاهده في المنتديات
وماهو افظع عندما تصدر تلك الحركات من نساء قد بلغنا من الكبر عتيًا اوتلك المتزوجه ذات الأطفال
والبقيات اللاتي مازلناصغار بالسن صحيح أنه لايجوز لهن ذلك وايضًا محرم ولكن ربما هؤلاء يفتقدنا العاطفه والحنان
ولكن مابال تلك المرأة التي اولادها رجالاً وهي تمثل الصبيه الصغيره
ومابال تلك المرأة المتزوجة التي تتميع مع الرجال بالردود
هل هاذين النوعين من النساء يفتقدنا الحنان والعاطفة ام اصابهم فقد العقل والوازع الديني
أنسيت تلك المرأة ان لها رقيب وحسيب ؟
أنسيت أمر الله لها بكتابه الكريم
( فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا ).
هذه مشكلة بحد ذاتها ..
إذا تطرقنا للأسباب
ضعف الوازع الديني
ايضًا الرقابه لها دور
فكيف تترك الفتاة في غياهب المنتديات دون رقابه من الأهل
ايضًا قد تكون مشاكل نفسيه أو أسريه قد تؤدي بضعيفات النفوس قليلات العقل
الى تلك الهرطقات في انجاء المنتديات للفت الإنتباه لها
\
\
احترامي وتقديري
صح السانش ملاااااااين وكلامش عين العقل
الله يهديهم ولا ياخذ ارواحهم << مافيه عندي حل وسط
ونكش رووووووعه شموخ ومهابه << اسم صح :مزون:
حيااااش الله وشاكره ردش الراااائع
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
أختي خليهن يفرغن دلعهن فديتش
هههههههههههههههههههههه
يالغلا أروع وأجمل شي بالأنثى إنها تتصرف بطبيعتها
فإن كانت دلوعة ومغنجة بالفطرة مو من حقنا نفرض عليها تغير طبيعتها لأنه طبيعة الانسان جزء من شخصيته وصعب تتغير
وإن كانت خشنة وجفصة فهذي برضو طبيعتها وإن كانت تخفف من أنوثتها ههههه
أما إنها تتصنع بكل الأحوال فهذي مشكلة وصعب نصحها لأنه ماراح تتقبل وبيكون جرح لها ولمشاعرها وأنوثتها الزايدة عن حدها إللي أقصد إنها متصنعة ..
أكثر هذولا الفئة هن المراااااهقات تحاول تظهر أنوثتها ورقتها بطريقة خاطئة وغير سليمة
/
إلا أقول تعالي هنا تختيم كلامك الشين
ظنتي إنك حضرميــة بحت ههههههه
مشكوووورة عيوني على خفة دمش آند روعة طرحش
لا عدمنا الجديد من حرف الشين و رشك وطرحك هههه
ودي وتقديري
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة دفا المشاعر
أختي خليهن يفرغن دلعهن فديتش
هههههههههههههههههههههه
يالغلا أروع وأجمل شي بالأنثى إنها تتصرف بطبيعتها
فإن كانت دلوعة ومغنجة بالفطرة مو من حقنا نفرض عليها تغير طبيعتها لأنه طبيعة الانسان جزء من شخصيته وصعب تتغير
وإن كانت خشنة وجفصة فهذي برضو طبيعتها وإن كانت تخفف من أنوثتها ههههه
أما إنها تتصنع بكل الأحوال فهذي مشكلة وصعب نصحها لأنه ماراح تتقبل وبيكون جرح لها ولمشاعرها وأنوثتها الزايدة عن حدها إللي أقصد إنها متصنعة ..
أكثر هذولا الفئة هن المراااااهقات تحاول تظهر أنوثتها ورقتها بطريقة خاطئة وغير سليمة
/
إلا أقول تعالي هنا تختيم كلامك الشين
ظنتي إنك حضرميــة بحت ههههههه
مشكوووورة عيوني على خفة دمش آند روعة طرحش
لا عدمنا الجديد من حرف الشين و رشك وطرحك هههه
ودي وتقديري
والنعم باليمن جذورنا وكلبينا ياشبه الجزيره العربيه اصولنا من اليمن << يالبييييييييينا منا الى ماله مدى :مزون:
قحطان العود من اليمن
ولكني موش من حضرموت << موش انتقلت لها العدوا
انا ياحبيبة العين من يام العريقه
الياميه بعجميهم بمريهم ونص القحاطين والاحباب يوشوشون غريبه استغربتي وشوشتي :مزون:
نرجع لمحور حديثنا
اللي طبعها دلوعه لاتدلع عندنا تضف وجها عند اهلها تمصع عندهم وتدلع الين تغثي :مزون:
عيب تدلع من ورى شاشه واللي هنيا لايعرفونها ولايعرقون فيها وش دعوه صرنا لبنانين على غفله :مزون:
ماعندنا بنات يتدلعون :مزون:
حياااااااااش فديتش وشاااكره لش مرورش وتعليقاتش الحلووو
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
قسم من البنات تعودوا على رفاهية الحياة و على نعومتها ..
الجري وراء مصطلح الستايل و البرستيج المأخوذه من الغرب ..
و التقليد الأعمى دون الوعي او التفكير ..
والادهى ان البعض يعتبر هذا التصرفات نوع من انواع الثقافة ..
وهو تقليد والتقليد غيرمستحب..
مافي شيء اجمل من الظهور بمظهر حضاري وطبيعي
بعيدا عن التصنع والادعاء
http://www.arb-up.com/files/arb-up-2008-6/C3O06537.gif
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
دلبي = قلبي
سراحه = صراحه << يابلفيت رقيقه ودلوعه وبنوته خخخ امحق قوم
تيب = طيب
تمامو = تمام << لازم تزوي خشتها علشان تنفص الكلمه
ولا كلمة يااااااااي << مادبلها للكبد ذي
حنا وش دمرنا الا هذي وجنسها ههههههههههه
المشكله الحيوانات يعرفن ان قلوبنا مامن قلوب ومع ذلك يجنا بالعلوم هذي اللي تخلي الواحد ياربي ياحبيبي بس ههههههههههههه حنا مامن قلوب بدون دلع ,, الشي بدلع بعد هههههههههه
اقتباس:
او بعض العلاقات بين الاعضاء والمجاهره بالاعجاب طرح مواضيع تخصه ومدحه مدح مهوب على السنه ولبيك وفديتك وعيوني وانا كلي لك
ههههههههههههه حلوه مدحن على السنه هههههههه
اصلا المدح الي على السنه يروعني اكثر مع احترامي للسنه والدين وهذا ماهو باب الاستهزاء ولكن المكاشفه افضل من التوريه
اقتباس:
لاتقولون وش دخل سلعه رخيصه في الموضوع << ترى كلامها مدفون بس مابي اتعمق واجيب العيد دئلت
كلامك مدفون ولا كلامك مندي؟ ها ها ها ها ادري قديمه ههههههههه بس من جد سبحان الله وياماشالله عليك تفهمين الامور زين وعندك بعد نظر :مزون:
موضوعك حلو اخت الصبي ويجنن ويهبل ويووومااا عليه
عن جد روعه وانا باذن الله راح انزل موضوع لاخواني الشباب نفس موضوعك واعطيهم نفس نصايحك بس ماهم انهم مايتدلعون .. لا .. لا . راح انصحهم مايتاثرون بالدلوعات او اللي يسوو ارواحهم دلوعين هههههههه
انا حقيقه دائما اصرح وياكثر ماصرحت سابقا ولاحقا انو وعن قناعه شخصيه وتجربه من شخصية واحدن من الربع هههههههه انو اكثر البنات مافيهم من الانوثه الا اساميهم وبيسوون روحهم دلوعين غصب ويحاولون يغررون بنا ويستغلون جوعنا العاطفي وفقرنا الحناني ههههههه اموت على الفقر الحناني والتعابير اللي مدري كيف جايه ههههههههه
بعدين يا اخت الصبي لاتقسين علينا كذا
خل العالم تتدلع وتنبسط ترى والله حنا ناس ندور رفع المعنويات والاحساس الزين
ليش انتي ماتبينا نعيش احساس حلو؟
ليش حتى بتحرمينا من خيالنا؟
يابنت الحلال خل الدلوعات يتدلعن وخلنا نفتح فمينا على شاشة الكمبيوتر وابتسامة الرضى الداخلي من الاذن للاذن ههههههههههه
اذكر مره واحد يسولف عن وحده في منتدى وللامانه ماهو غرابيل فقاعد يتكلم عنها باحساس حلو وبابتسامة رضى ويتكلم عن دلعها ولطفها ومن الاشياء ذي وكل كلامه وهو مبتسم (تعرفون الابتسامه ذيك اللي تجي كنها حزينه ,, حقة اهل القلوب الرقيقه اذا لقو شي يعجبهم) وبعدين يوم جا يخلص كلامه وهو يدعي دعوه من قلب قال ياحليلها الله يسعدها ويقولها بعد وهو مبتسم ومليان احساس ههههههههههههههههههههههههه ههههه
والله انا ودي اجي كووول عشان اشوف تاثير كوالتي على البنات خصوصا بعد شفت تاثير كواتتهن (كيوت) ودلعنهن علانا بس اخاف اني اجي من كولان الفيوس(باردين الوجيه) هههههههههههههه
ياكثر كلامي الملخبط بس يالله ام سوري على الاطاله وفرصه سعيده وفديتش ياصاحبة الموضوع على هالموضوع اللي مره حلو ههههههههه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة ابتسامة امل
قسم من البنات تعودوا على رفاهية الحياة و على نعومتها ..
الجري وراء مصطلح الستايل و البرستيج المأخوذه من الغرب ..
و التقليد الأعمى دون الوعي او التفكير ..
والادهى ان البعض يعتبر هذا التصرفات نوع من انواع الثقافة ..
وهو تقليد والتقليد غيرمستحب..
مافي شيء اجمل من الظهور بمظهر حضاري وطبيعي
بعيدا عن التصنع والادعاء
http://www.arb-up.com/files/arb-up-2008-6/c3o06537.gif
صادقه مافيه اجمل من ظهور البنت بطبيعتها وشخصيتها
ولكن عمر رفاهية الحياه ماغيرت من شخصية الشخص
بالعكس المرفهه تلقينها واثقه من نفسها ولا تحاول تثبت وجودها بعكس غيرها :مزون:
حياااش فديتش واسعدني تواجدش في متصفحي
منوووره
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشكله الحيوانات يعرفن ان قلوبنا مامن قلوب ومع ذلك يجنا بالعلوم هذي اللي تخلي الواحد ياربي ياحبيبي بس ههههههههههههه حنا مامن قلوب بدون دلع ,, الشي بدلع بعد هههههههههه
هاه وانت قريقعه على طول بتخق ..؟؟ مازين ارضخانك يالـحـاجونه الين تنجفع :مزون:
الى ميعت حكاها ولا صوتها ولا غيره قل لها لعنتن تلعنش << دحدرت دئلت
اقتباس:
بعدين يا اخت الصبي لاتقسين علينا كذا
خل العالم تتدلع وتنبسط ترى والله حنا ناس ندور رفع المعنويات والاحساس الزين
والله ماقسيت عليكم بصرك محد بقابضك خخخ
بس ترى الهواوي واللي قلبه اخضر تجيه الجلطات بسرعه << تراني حذرتك
اقتباس:
يابنت الحلال خل الدلوعات يتدلعن وخلنا نفتح فمينا على شاشة الكمبيوتر وابتسامة الرضى الداخلي من الاذن للاذن ههههههههههه
ماعليه اللي يشوفك يقول اثر فيهم حكاي خخخ
اصلا فيه فئه معينه انا قاصدتهم بذا الموضوع وابشرك محد منهم دخله :مزون:
بس نعنمي فيهم اللي ماتعلن ان ماهبطتهم مناب بنت ابي :مزون:
اقتباس:
يابنت الحلال خل الدلوعات يتدلعن وخلنا نفتح فمينا على شاشة الكمبيوتر وابتسامة الرضى الداخلي من الاذن للاذن ههههههههههه
البلا خاف انها تدلع واتمصع وانت خااق مع وجها تبرى لها والى جا اليوم الموعود ايها شيفتن كنها درام لاتدزها تدحرجت وعيونها صغار وقراب لاتشل خشمها تداعمة عيونها ولها ثنايا لاتحط تحت ثنيتها غرشة كوكا كولا وسحبتها فوق الا هو منفتح ويدها يابسه تنشب فيها الخياش دئلت
اقتباس:
اذكر مره واحد يسولف عن وحده في منتدى وللامانه ماهو غرابيل فقاعد يتكلم عنها باحساس حلو وبابتسامة رضى ويتكلم عن دلعها ولطفها ومن الاشياء ذي وكل كلامه وهو مبتسم (تعرفون الابتسامه ذيك اللي تجي كنها حزينه ,, حقة اهل القلوب الرقيقه اذا لقو شي يعجبهم) وبعدين يوم جا يخلص كلامه وهو يدعي دعوه من قلب قال ياحليلها الله يسعدها ويقولها بعد وهو مبتسم ومليان احساس ههههههههههههههههههههههههه ههههه
هذا مع احترامي قليل رابعه صحيح مااش :مزون:
بعلمك بسالفه
واحد من جماعتنا يحب وحده ويموووت فيها حب من طرف يعني
ومايبغي الاهي ست سنين يحتريها
المهم انه جاه خبر ان البنت بعد تحبه :مزون:
تدري ويش سوى ..؟؟
حلف ماياخذها يقول مستحيل اخذ وحده قد حبتني خخخخخخخخخخخخخ
<< وهي تحبه هجل وش بيسوي لو انها تحب غيره خخخ
وش رايك فيه << ياسلامي عليه
وهذا وهو يعشق ثراها :مزون:
اقتباس:
والله انا ودي اجي كووول عشان اشوف تاثير كوالتي على البنات خصوصا بعد شفت تاثير كواتتهن (كيوت) ودلعنهن علانا بس اخاف اني اجي من كولان الفيوس(باردين الوجيه) هههههههههههههه
خلاص انا معك واي مساعده ابشر بسعدك امنيتي العن ثوى اشباه الرجال الرخوم :مزون:
قدام قدام وانا معك :مزون:
اقتباس:
ياكثر كلامي الملخبط بس يالله ام سوري على الاطاله وفرصه سعيده وفديتش ياصاحبة الموضوع على هالموضوع اللي مره حلو ههههههههه
اما ملخبط اي بالله ملخبط
وكثره كثراه اجعني راسي دئلت
بس ربي قابلك حيااك الله ياكحيلان :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
ادلع ياكايدهم خخخخخخخخخخخخخخخخخخخخ وده وقتك
أخت رجال والي قريت ردودهم مو كانكم مكبرين الموضوع حبيتين
انا
أشوف
شكلها بتتكفخ
خخخخخخخخخخخخخخخخخخخخخخخخ
انه عادي وما انتبهت انها ظاهره ومنتشرة ومستاءه منها أحسه شئ عادي
دمتي بخير خيتوو
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة غلا أبوها
ادلع ياكايدهم خخخخخخخخخخخخخخخخخخخخ وده وقتك
أخت رجال والي قريت ردودهم مو كانكم مكبرين الموضوع حبيتين
انا
أشوف
شكلها بتتكفخ
خخخخخخخخخخخخخخخخخخخخخخخخ
انه عادي وما انتبهت انها ظاهره ومنتشرة ومستاءه منها أحسه شئ عادي
دمتي بخير خيتوو
غلا ابوها
من اي ناحية عادي
اذا انتي تنظرين لها على انها عادي
غيرك ينظر لها انها تجاوزت حدود الادب والدين
الخضوع في الكلام بمعنى انها تكتب كلمات رقيقه وترقق الصاد وتجعلها سين عادي
بدل ما تكتب المهم تضع المووووووووووهم لتتغنج
الحروف تكتب كما هي لكيلا ينظر لها على انها تخضع بالكتابة بدل القول
والمعنى واحد واللي تسجل باسم لاجل لفت الانتباه اعتقد انها سقطت من عينها قبل الناس
اعتقد البنت العاقله تكون كما هي بدل لفت الانتباه لانهم لن يلتفتوا اليها
وان التفتوا فهم في قرارة انفسهم يحمدون الله انها لا تمت لهم بصله
مجرد اضحوكه وسلعه بين الناس
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة بانا سعوديه
غلا ابوها
من اي ناحية عادي
اذا انتي تنظرين لها على انها عادي
غيرك ينظر لها انها تجاوزت حدود الادب والدين
الخضوع في الكلام بمعنى انها تكتب كلمات رقيقه وترقق الصاد وتجعلها سين عادي
بدل ما تكتب المهم تضع المووووووووووهم لتتغنج
الحروف تكتب كما هي لكيلا ينظر لها على انها تخضع بالكتابة بدل القول
والمعنى واحد واللي تسجل باسم لاجل لفت الانتباه اعتقد انها سقطت من عينها قبل الناس
اعتقد البنت العاقله تكون كما هي بدل لفت الانتباه لانهم لن يلتفتوا اليها
وان التفتوا فهم في قرارة انفسهم يحمدون الله انها لا تمت لهم بصله
مجرد اضحوكه وسلعه بين الناس
بانا السعوديه أوضح لك وجهة نظري العاديه لها الموضوع
اشوووف لو كتبت الموهم وأوخص وملتوووش وخيتووو وخيوو وتشكرااااااااات
أشوفه عادي مو قصد تخليها الكلمة رقيقه وقلة أدب ونقص حيا يعني اذا كتبت هالكلمات
خلاص تجاوزت حدود الادب والدين طيب والي تعودت تكتبها وذا أسولبها ولا قصدها ترقق قلوب أحد أشوفه شئ عادي جدا
والي تبي تختار لنفسها اسم دلع لها أشوفه حريه شخصيه وشئ عادي اذا عندها نقص بشخصيتها وتبي تعوضه بالمنتديات شئ راجع لها هي ومايهمني وشئ عادي وأكثر من العادي لان ماعندي وقت أقرى هاذي وش اسمها وأدقق على كلامها وان قصدها كذا أوكذا
وفيه بنات تعجبني ردودوهم ومواضيعهم بالمنتدى وفيها خفة دم على شقاوة ودلع وذوق وأولوان وحركااااااااات
تجذبني أكثر :مزون:
وبانا السعوديه بيني وبينك أي بنت تدخل منتدى تتعرض لمواقف من الشباب سواء كانت
تلفت انتباه أولا بس انتي ماعليك الا تنطيشنهم ولا كأن صار شئ أنا قبل كان اسمي معلمة
جغرافيا وش فيه دلع هالاسم كانت تجيني رسايل خاصه غريبه وتموت ضحك
والله يهدي الجميع
ودمتي بخير
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
8
خلاص مافيش دلع ولا غنج وحتى إن هي بطبيعتها صدج
لكن النعومة والرقة لازم
يا زين قوة الشخصية برقة
ويا شين الخشونة والصوت المرتفع
وإذ عصبت أووووف تنقلب وحش شرس
خخخخخخخخخخخخخ
يا أوخيتي أرخي صوتك العالي
شايفة الحروف تناقز نقز من على السطور
هههههههههههههههههههههه
القصــد يالطيبة
الأنثى التي تكون مغلفة بقوة شخصية واحترام تفرضه
هذا المطلوب
وبخصوص المايعات تراهن نوعين وقسمين
بعضهن مثل الشوك وبعضهن مثل الورد
وإللي مثل الشوك تبان وإللي مثل الورد تبان
وإللي مثل الشوك تكون بمقصد وهدف وغاية وغرض
وإللي مثل الورد تكون بعفوية وطبيعة شخصية وفطرة
أما تكون البنت خشنة فأعترررررض
ترى بتصير ذكر وإن بتتزوج بيكرهها زوجها ويتعقد من الزواج
صدقيني ونصيحة لك وللجميع
البنت لازم تملك صفات لا تناقض فطرتها التي خلقها الله عليها لكن بالطريقة السليمة
وعذراً على الإطالة
احترامي وتقديري
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة غلا أبوها
ادلع ياكايدهم خخخخخخخخخخخخخخخخخخخخ وده وقتك
أخت رجال والي قريت ردودهم مو كانكم مكبرين الموضوع حبيتين
انا
أشوف
شكلها بتتكفخ
خخخخخخخخخخخخخخخخخخخخخخخخ
انه عادي وما انتبهت انها ظاهره ومنتشرة ومستاءه منها أحسه شئ عادي
دمتي بخير خيتوو
عادي عندش بس عندنا مهوب عادي :مزون:
حيااش الله :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة بانا سعوديه
غلا ابوها
من اي ناحية عادي
اذا انتي تنظرين لها على انها عادي
غيرك ينظر لها انها تجاوزت حدود الادب والدين
الخضوع في الكلام بمعنى انها تكتب كلمات رقيقه وترقق الصاد وتجعلها سين عادي
بدل ما تكتب المهم تضع المووووووووووهم لتتغنج
الحروف تكتب كما هي لكيلا ينظر لها على انها تخضع بالكتابة بدل القول
والمعنى واحد واللي تسجل باسم لاجل لفت الانتباه اعتقد انها سقطت من عينها قبل الناس
اعتقد البنت العاقله تكون كما هي بدل لفت الانتباه لانهم لن يلتفتوا اليها
وان التفتوا فهم في قرارة انفسهم يحمدون الله انها لا تمت لهم بصله
مجرد اضحوكه وسلعه بين الناس
فدييييييييييييتش وفديت كلامش الدرر (( دايما كلامش راقي ومسكت ))
كفيتي ووفيتي يالغاليه
ليت العرب كلهم مثلش وعقلهم عقلش كان ماعاد لقينا ذا الاشكال القبيحه منتشره كنها وباء :مزون:
وصح السانش ملاين
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة غلا أبوها
بانا السعوديه أوضح لك وجهة نظري العاديه لها الموضوع
اشوووف لو كتبت الموهم وأوخص وملتوووش وخيتووو وخيوو وتشكرااااااااات
أشوفه عادي مو قصد تخليها الكلمة رقيقه وقلة أدب ونقص حيا يعني اذا كتبت هالكلمات
خلاص تجاوزت حدود الادب والدين طيب والي تعودت تكتبها وذا أسولبها ولا قصدها ترقق قلوب أحد أشوفه شئ عادي جدا
والي تبي تختار لنفسها اسم دلع لها أشوفه حريه شخصيه وشئ عادي اذا عندها نقص بشخصيتها وتبي تعوضه بالمنتديات شئ راجع لها هي ومايهمني وشئ عادي وأكثر من العادي لان ماعندي وقت أقرى هاذي وش اسمها وأدقق على كلامها وان قصدها كذا أوكذا
وفيه بنات تعجبني ردودوهم ومواضيعهم بالمنتدى وفيها خفة دم على شقاوة ودلع وذوق وأولوان وحركااااااااات
تجذبني أكثر :مزون:
وبانا السعوديه بيني وبينك أي بنت تدخل منتدى تتعرض لمواقف من الشباب سواء كانت
تلفت انتباه أولا بس انتي ماعليك الا تنطيشنهم ولا كأن صار شئ أنا قبل كان اسمي معلمة
جغرافيا وش فيه دلع هالاسم كانت تجيني رسايل خاصه غريبه وتموت ضحك
والله يهدي الجميع
ودمتي بخير
طبعا حريه شخصيه وعلى حسب شخصية وعقلية الشخص :مزون:
اذا هو مخفه ومريض بتصير علووووووووووووم يالله سترك بس :مزون:
واذا هو رزين وثقيل ماعليه خووف :مزون:
حيااش يا (( غلا ابوش )) على فكره مافيه أب يكره بنته كلبينا غلا ابونا << تقهر صح :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة دفا المشاعر
8
خلاص مافيش دلع ولا غنج وحتى إن هي بطبيعتها صدج
لكن النعومة والرقة لازم
يا زين قوة الشخصية برقة
ويا شين الخشونة والصوت المرتفع
وإذ عصبت أووووف تنقلب وحش شرس
خخخخخخخخخخخخخ
يا أوخيتي أرخي صوتك العالي
شايفة الحروف تناقز نقز من على السطور
هههههههههههههههههههههه
القصــد يالطيبة
الأنثى التي تكون مغلفة بقوة شخصية واحترام تفرضه
هذا المطلوب
وبخصوص المايعات تراهن نوعين وقسمين
بعضهن مثل الشوك وبعضهن مثل الورد
وإللي مثل الشوك تبان وإللي مثل الورد تبان
وإللي مثل الشوك تكون بمقصد وهدف وغاية وغرض
وإللي مثل الورد تكون بعفوية وطبيعة شخصية وفطرة
أما تكون البنت خشنة فأعترررررض
ترى بتصير ذكر وإن بتتزوج بيكرهها زوجها ويتعقد من الزواج
صدقيني ونصيحة لك وللجميع
البنت لازم تملك صفات لا تناقض فطرتها التي خلقها الله عليها لكن بالطريقة السليمة
وعذراً على الإطالة
احترامي وتقديري
هههههههههه خلاص انتي ناعمه ورقيقه وبنوته لاتعصبين فديتش الموضوع للنقاش فقط لاغير :مزون:
قسم بالله اني اتقهوى الحين وانا ارد عليش والوضع عادي مافيه مجال انه يهز شعره مني :مزون:
وانا ما اقصد انش تسترجلين وتصيرين صبي لا فديتش انا اقصد نعومتش في بيتش عند اهلش وجماعتش مهوب من ورى شاشه تشتطين وتلعبين في روحش السبله علشان تبينين شي هو اصلا مهوب فيش وتصنعينه :مزون:
وعلى فكره الشي العفوي والطبيعي واضح :مزون:
انا اقصد التصنع والمصاخه فيه فرق ياحلوه :مزون:
أذا انتي تأيدين البنت من ورى شاشه تمصع وتدلع وياااي ووواي ومدري ويش هههه هذا شي راجع لش :مزون:
انا ماجيت ومعي سوط واقول الى الامام سر :مزون:
قسم بالله اني اناقش فقط << وش عاد اكبر من انها حلفت :مزون:
حياااش الله مره ثانيه وانا اتوقع دخولش للموضوع مره ثانيه تحاولين توصلين شي وللاسف ماعرفتي توصلينه :مزون:
لاني اشوف الكلام هو هو :مزون:
ومازلت اكرر ان انوثتها ودلعها مهوب من ورى شاشه << وصلت المعلومه
هذا هو قصدي :مزون:
حياااااااااااااااش ومنوره متصفحي المتواضع :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
رائع جدًا ماذُكر من تعليقات من البعض
وأكيد لابد من إختلاف وجهات النظر
ولكن المشكلة الكبيرة
وهي عندما تجد من تقول هذا خطأ وتظهر في بعض المواضيع المشابهه لهذا الموضوع انها ضد هذه الظاهرة
وهي للأسف من يتميع بالردود وتتضاحك مع هذا وذاك
وان دققت أكثر لتجد انها كبيرة بالسن وترى الخطأ وتحرمه غيرها وتحلله لنفسها
بمعنى يأمرون الناس وينسون أنفسهم
عجبًا لهذا الزمن
الذي نجد فيه من يتصنع حتى في الدين
\
\
احترامي وتقديري
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة ][شموخ ومهابة][
رائع جدًا ماذُكر من تعليقات من البعض
وأكيد لابد من إختلاف وجهات النظر
ولكن المشكلة الكبيرة
وهي عندما تجد من تقول هذا خطأ وتظهر في بعض المواضيع المشابهه لهذا الموضوع انها ضد هذه الظاهرة
وهي للأسف من يتميع بالردود وتتضاحك مع هذا وذاك
وان دققت أكثر لتجد انها كبيرة بالسن وترى الخطأ وتحرمه غيرها وتحلله لنفسها
بمعنى يأمرون الناس وينسون أنفسهم
عجبًا لهذا الزمن
الذي نجد فيه من يتصنع حتى في الدين
\
\
احترامي وتقديري
صح السانش فديتش كلامش عين العقل
اسعدني مرورش وتعليقش الرائع
حيااش الله يالغاليه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة اختك ياصبي
طبعا حريه شخصيه وعلى حسب شخصية وعقلية الشخص :مزون:
اذا هو مخفه ومريض بتصير علووووووووووووم يالله سترك بس :مزون:
واذا هو رزين وثقيل ماعليه خووف :مزون:
حيااش يا (( غلا ابوش )) على فكره مافيه أب يكره بنته كلبينا غلا ابونا << تقهر صح :مزون:
والله ياكثر المخفات أو الي يخففون دمهم وهو ثقيل و مو بلايق عليهم أبد
الله يبقيش ويامرحبا فيش ادري كل اب يحب بنته وانها غلاه وروحه وشفت هالحب من أبوي الله يخليه لي ودامه سماني غلا بكون غلاه هوو
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
كلام جميل جداً ..
بس أحب اسألك وش رأيك في البنات اللي يحطون صور رمزية مثل هذي
هل يدخلون ضمن تصنيفك ؟؟؟؟
http://www.g111g.com/vb/image.php?u=...ine=1239330195
أنا أناقش موضوعك وللحديث بقية ..
إذا عندك الجرأة ردي على سؤالي ..
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة غلا أبوها
والله ياكثر المخفات أو الي يخففون دمهم وهو ثقيل و مو بلايق عليهم أبد
الله يبقيش ويامرحبا فيش ادري كل اب يحب بنته وانها غلاه وروحه وشفت هالحب من أبوي الله يخليه لي ودامه سماني غلا بكون غلاه هوو
علشان كذا خلينا يداً بيد للقضاء على هذي الاشكال :مزون:
والله يخلي لش الوالد :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة هدوء***
للحين ماعرفتيني عدل :مزون:
عندي الجرأه ونص :مزون:
الصوره اللي حاطتها مايطلع منها الا عين طبيعيه لا كحيله ولا شخيطه ولا هم يحزنون مجرد عين نظرتها شامخه فقط لاغير :مزون:
ولكن عندي سؤال ..؟؟
الصوره اللي انا حاطتها صورة رجال ولا مره ..؟؟ :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
،،
الأخت المحترمه .. أختك يا صبي
،،
موضوع هادف و يبرز قضيه مهمه في المنتديات لدرجة انه صار قليل
من الفتياة هن من يضعن اسماء محترمه << الكلام لشباب أيضاءً
يعني ما فيها دلع و لا غنج
و لهوب أكيد كما ذكر الاخوان ان من يضع اسم فيه دلع( بنت) بل قد يكون
( ولد ) للأسف و يمتهن هذه العاده لأشيء في نفسه يريدها
اما البنات الي مسجلاة بأسماء مستعاره فيها دلع .. ما اقول الا الله لا يبلاناو يهديهن
و لا فيه نار من دون دخان .. << مفهومه ع ما اعتقد
،،
اسماء الشباب و القابهم المايعه و الرنانه هم المرضى
و يبحثون عن المريضات الواتي يسجلن في اغلب الاحيان بألقاب رنانه
،،
بصراحه انا اعتبر الي يسجل بلقب ما يع او الي تسجل بلقب مايع
انها و انه يبعث رساله با الاذن لمن يريد ان .... << مفهومه ايضاءً
،،
ابي اقول لكل واحد و وحد انت من خلال النك نيم حقك تعطي ثلث الصوره
((( عنك )))
فا المفروض يكون الاعتزاز با النفس و الحشمه له اثر سواء بنت ولا ولد
،،
و الله عندي كلام كثير عن الموضوع لكن الوقت و الضروف ما تسمح ألا بهذا القدر و اتمنى
ان يكون كلامي و اضح و مفهوم .
،،
في النهايه
الف الف الف شكر لك يا بنت الرجال
ع طرح هذه القضيه
،،
احترامي للجميع
،،
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
تيب بسألك اختك ياصبي
وش سر هالجلافة في بعض البنوتات >>>> تبي تقهرها ههههههههههههههه
البنت سر الانوثه والدلع والغنج خليكي كيوت وروحي قسم تغيير الاسماء والالقاب
وغيري اسمك من اختك ياصبي
الى بنوته كيوووووت
مررررره لايق عليكي يابتاعة لندن والسياحة هههههههه
اما سالفة فاقدين وجاين يثبتونه بالمنتدى اقول مدري احس انها تلفيقة بس لانك مقهوررررة <<<< هههههاااااي
اما سالفة الردود انا اشوف ان كل واحد يعبر عن رأيه الشخصي ولا فيها اي رخص او تقليل قدر !!!!!
اختلاف الراي لا يفسد للود قضية وخلي كل واحد ينام على الجنب اللي يريحه
وفديتك لا تشغلين بالك فيني هههههههههههه>>>>> كأن الموضوع مكتوب عشاني
وبس خلاس قلت اللي عندي وثااااانكس على الموضوع الناااايس
ياحبني لي بس
عيوووووون <<<<< مغليهاااااااااااااااااااا ا
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة منصـور
،،
الأخت المحترمه .. أختك يا صبي
،،
موضوع هادف و يبرز قضيه مهمه في المنتديات لدرجة انه صار قليل
من الفتياة هن من يضعن اسماء محترمه << الكلام لشباب أيضاءً
يعني ما فيها دلع و لا غنج
و لهوب أكيد كما ذكر الاخوان ان من يضع اسم فيه دلع( بنت) بل قد يكون
( ولد ) للأسف و يمتهن هذه العاده لأشيء في نفسه يريدها
اما البنات الي مسجلاة بأسماء مستعاره فيها دلع .. ما اقول الا الله لا يبلاناو يهديهن
و لا فيه نار من دون دخان .. << مفهومه ع ما اعتقد
،،
اسماء الشباب و القابهم المايعه و الرنانه هم المرضى
و يبحثون عن المريضات الواتي يسجلن في اغلب الاحيان بألقاب رنانه
،،
بصراحه انا اعتبر الي يسجل بلقب ما يع او الي تسجل بلقب مايع
انها و انه يبعث رساله با الاذن لمن يريد ان .... << مفهومه ايضاءً
،،
ابي اقول لكل واحد و وحد انت من خلال النك نيم حقك تعطي ثلث الصوره
((( عنك )))
فا المفروض يكون الاعتزاز با النفس و الحشمه له اثر سواء بنت ولا ولد
،،
و الله عندي كلام كثير عن الموضوع لكن الوقت و الضروف ما تسمح ألا بهذا القدر و اتمنى
ان يكون كلامي و اضح و مفهوم .
،،
في النهايه
الف الف الف شكر لك يا بنت الرجال
ع طرح هذه القضيه
،،
احترامي للجميع
،،
ارحب يالقرم
صاااااااااادق مافيه نار بدون دخان عزالله جبتها :مزون:
وفعلا النك نيم يعطي انطباع عن ثلث او كل الصوره ولكن قه قه في قلبن مايفقه :مزون:
اقتباس:
فا المفروض يكون الاعتزاز با النفس و الحشمه له اثر سواء بنت ولا ولد
صح السانك
وحياااك الله وشاكره تعليقك الرائع ولاعدمناك
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة عيون مغليها
تيب بسألك اختك ياصبي
وش سر هالجلافة في بعض البنوتات >>>> تبي تقهرها ههههههههههههههه
البنت سر الانوثه والدلع والغنج خليكي كيوت وروحي قسم تغيير الاسماء والالقاب
وغيري اسمك من اختك ياصبي
الى بنوته كيوووووت
مررررره لايق عليكي يابتاعة لندن والسياحة هههههههه
عيون مغليها لاااااااااااااا أختك ياصبي أحلى من بنوته كيووت ماحب هالاسم أحس لا شفته
تحوووووووم سبدي خخخخخخخخخ
أختك ياصبي لاتغيرين اسمك وذا ودك تغيرنه عندي لك اسم ناايس للبنت الشقرديه والسنافيه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة عيون مغليها
تيب بسألك اختك ياصبي
وش سر هالجلافة في بعض البنوتات >>>> تبي تقهرها ههههههههههههههه
البنت سر الانوثه والدلع والغنج خليكي كيوت وروحي قسم تغيير الاسماء والالقاب
وغيري اسمك من اختك ياصبي
الى بنوته كيوووووت
مررررره لايق عليكي يابتاعة لندن والسياحة هههههههه
اما سالفة فاقدين وجاين يثبتونه بالمنتدى اقول مدري احس انها تلفيقة بس لانك مقهوررررة <<<< هههههاااااي
اما سالفة الردود انا اشوف ان كل واحد يعبر عن رأيه الشخصي ولا فيها اي رخص او تقليل قدر !!!!!
اختلاف الراي لا يفسد للود قضية وخلي كل واحد ينام على الجنب اللي يريحه
وفديتك لا تشغلين بالك فيني هههههههههههه>>>>> كأن الموضوع مكتوب عشاني
وبس خلاس قلت اللي عندي وثااااانكس على الموضوع الناااايس
ياحبني لي بس
عيوووووون <<<<< مغليهاااااااااااااااااااا ا
ههههههههههههههههههههههههه هههههههههههه
اقسم بالله اللي خلق سبع وبسط الارض اني ماتذكرتش الا الحين يوم شفت ردش ولا دريت عن هوى دارش :مزون:
لو اني اقصدش بقوله كااش في وجهش ماعلي منش ولا قمنتش :مزون:
اولا : منتي بأغلى الطروش علشان اشغل تفكيري بش :مزون:
ثانيا : منتي بأكبر من شط بي :مزون:
انا وانا اقرا ردش حلفت وقلت والله يالبلا انه بين ضلوعش ردها رد وحده شاكه في نفسها :مزون:
ولكن عقب ماقريت السطر الاخير هذا
اقتباس:
وفديتك لا تشغلين بالك فيني هههههههههههه>>>>> كأن الموضوع مكتوب عشاني
بصمت على العشره ان ضني في محله واللي على راسه بطحا يحسس عليها :مزون:
يابنت اتقي الله في روحش هههههههههههههههههههه
والله وثم الله مابعد شفتش الا مره في قسم الصور وكنتي تعلقين على لندن ذي المره الوحيده اللي شفتش فيها وهذي المره الثانيه :مزون:
يابنت الناس انا لو ابي اقول شي قلته في وجهش ولا علي منش :مزون:
اشهدن الثقه في النفس تلعب دور كبير:مزون:
الحين خليني اعلق على كلامش :مزون:
احم احم
اقتباس:
البنت سر الانوثه والدلع والغنج خليكي كيوت وروحي قسم تغيير الاسماء والالقاب
وغيري اسمك من اختك ياصبي
الى بنوته كيوووووت
معصي مع احترامي خليت المياعه لش مابي اجتمع انا وياش في نفس الصفه :مزون:
اقتباس:
مررررره لايق عليكي يابتاعة لندن والسياحة هههههههه
لندن هذي احسها قاهرتش وضاربتش في الصميم :مزون:
سارحتن فيها مدري ليه احسها موجعتش :مزون:
ثاني مره تطرينها :مزون:
اجل وش بتسوين لو تدرين اني من مواليد كولورادو وتحديدا في العاصمه دنفر :مزون:
ترى عادي مهوب شي غريب احسش تحسين لندن معجزه :مزون:
المهم ماعلينا
اقتباس:
اما سالفة فاقدين وجاين يثبتونه بالمنتدى اقول مدري احس انها تلفيقة بس لانك مقهوررررة <<<< هههههاااااي
وش انقهر منه ..؟؟ رخصها ولا خفتها ولا انقهر لانها جايه مرتزقه ..؟ حددي بالضبط :مزون:
اقتباس:
اما سالفة الردود انا اشوف ان كل واحد يعبر عن رأيه الشخصي ولا فيها اي رخص او تقليل قدر !!!!!
مازلت اكرر حر ونص انا ماجيتش بسوط وقلت يالله خليش ثقيله .. :مزون:
انا اناقش وعلى قولتش الاختلاف بالراي لايفسد للود قضيه :مزون:
ردي باللي يعجبش لو بغيتي تقولين لبيك وسعديك انا بين يديك قوليها بعد شي راجع لش :مزون:
وودش تصيرين مخفه على الريحه هم بعد كيفش وشي راجع لش :مزون:
اقتباس:
اختلاف الراي لا يفسد للود قضية وخلي كل واحد ينام على الجنب اللي يريحه
هنا بالذات حسيتش صدق متناقضه وتناقضين نفسش بنفسش جايه مهاجمه كلامش مشتت وتقولين الاختلاف بالراي ..؟؟
ماخليتي فيها راي انتي جايه مهاجمه مشاءالله :مزون:
حياااش الله :مزون:
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو
اقتباس:
المشاركة الأصلية كتبت بواسطة غلا أبوها
عيون مغليها لاااااااااااااا أختك ياصبي أحلى من بنوته كيووت ماحب هالاسم أحس لا شفته
تحوووووووم سبدي خخخخخخخخخ
أختك ياصبي لاتغيرين اسمك وذا ودك تغيرنه عندي لك اسم ناايس للبنت الشقرديه والسنافيه
اما تحوم كبدش مالش لايم والله يلوم اللي يلومش :مزون:
وخليني على اسمي ابرك لي احسه مسبب رعب في قلوب بعض الاشخاص
وانا اللي بسميش السنافيه
حياااش الله يالسنافيه
-
رد: البنات المايعات اللي يحاولون يلفتون الانتباه بالدلع والتبقط ..؟؟ ارحبوو ابغيكم شو