تحية مــعطره بالحب والتقدير للمنتدى واهــله ,,,
بالاول اشــكر من قام بدعوتي وتشريفي بالتواجد بينكم والاستفادة منكم ,,,,
واصافــحكم بما اتمنى ان يرتقي لذائقتكم وينال استحسانـــكم ......
للاستماع للقصيدة اضـــــغـــط هــــنــــا
لاصارت اكبر لهفتي من لهفة الطفل الرضيع
,,,,,,,,,,,,,,,,,,,,,يبغى دفى حضن امه اللي من قساها تمنعه
ولاصار حكم الوقت يجبرني فانا مجبور اطيع
,,,,,,,,,,,,,,,,,,,,,واللي بغى فرقاي يرحل مابحاول واقنعه
ماذنبي الا إن المحبه صار معناها وضيع
,,,,,,,,,,,,,,,,,,,,,ماحب غيرك واثرني واحد وغيري اربعه
لاقلت احبك قالت ارفق ماعلى الشوق استطيع
,,,,,,,,,,,,,,,,,,,,,ارجوك قدرني كلامك انحرج يوم اسمعه
ماكنت افكرها تجاملني مثل باقي القطيع
,,,,,,,,,,,,,,,,,,,,,وانا على النيه واثر غيري غلاها يجمعه
ياما رضيت ابصيفها واعطيتها مني ربيع
,,,,,,,,,,,,,,,,,,,,,ياما لراحتها رضيت اعيش مثل الامّعه
ياما ليا ضاق الزمن تلقى لها صدري وسيع
,,,,,,,,,,,,,,,,,,,,,وفيت لو غير تحايل لين حقق مطمعه
ياشينها لاصار معروفك على غيرك يضيع
,,,,,,,,,,,,,,,,,,,,,تسهر على شانه وهو اكبر همومه مضجعه
ماقصدي المنّه ولا باللي حصل مني اذيع
,,,,,,,,,,,,,,,,,,,,,لكن قهرني يومي اجني عكس ماكنت ازرعه
فتحت صفحات الزمن مالك من افعالك شفيع
,,,,,,,,,,,,,,,,,,,,,يشفع لك ويغفر خطاك اللي عليه ماشنعه
شنيع نسيان الوفاء لا ياهوى بالي فضيع
,,,,,,,,,,,,,,,,,,,,,اللي جرى فوق الشناعه صدقيني مافضعه
مجبور اوادع وابتعد وانسى هوى مثلك وابيع
,,,,,,,,,,,,,,,,,,,,,لاتحسبين اللي فقد مثلك يلاقي مصرعه
حتى ولو بعد الخيانه صار بي قلبك وليع
,,,,,,,,,,,,,,,,,,,,,من عاد يامن وجهك اللي جاد لبس الاقنعه
باوادعك وابشرك صدري كما الحصن المنيع
,,,,,,,,,,,,,,,,,,,,,مابوح باسرارك ولو حبل المواصل باقطعه
لاتحسبين إن الندم دمعي من اسبابه يميع
,,,,,,,,,,,,,,,,,,,,,ليه الندم عمر الندم مافاد من عض اصبعه
في ذمتي قلبي لنسيانك ومن مثلك سريع
,,,,,,,,,,,,,,,,,,,,,من طاح من عين البشر وش عاد يرجي يرفعه
وان كان غيري عاجبك ذوقه وبحساسه رفيع
,,,,,,,,,,,,,,,,,,,,,لاتوثقين ابكل من غنى لعينك ماروعه
صكيت باب الوصل دونك والعذر ماله سميع
,,,,,,,,,,,,,,,,,,,,,لاعفت مثلك ماعلى وجهي غلاه استصنعه
