مخـتـنق والبال فيه افكار سود // جديدة للتواصل !!
بسم الله الرحمن الرحيم
أسعد الله أوقاتكم بكل خير
قصيدة جديدة للتواصل مع قلوبكم النقية ،،
أبيات ربما تحمل شيء من الغموض والفلسفة الخاصة ..! أتمنى أن ترتقي لذائقتكم ..
(( مخـتــنـق ))
[poem=font=",6,darkblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مختنق والبال فيه أفكار سود = حتى خشيت ان الشهيق ابلا زفير
وين الـنـَفـَـس وين الأمل وين الورود = ليه أعتقد اني بلا دم وضمير ؟!
دام الفكر بافكاره الغبرا يجود = وش بنتظر من نفس تطمح بالحصير
يغمرني خلق الله بنكران وجحود = ويصير في تصغيري اللي مايصير
الضعف ياكل من لحم تسبدي ببرود = والهم يشرب من عصاراتي عصير
كني نزاع اهل المذاهب دون فود = لو بقتنع لابد اصبر واستشير
دقات قلبي قرع طبل و دنّ عود = فوضى حفل صاخب و سادات وحرير
ضجيج يبحث عن بصيص من الركود = رصيف يأوي شخص مقعد او ضرير
سهم اختناق النفس دايم في صعود = والحشرجه والضيق والريق المرير
والفلسفه عند الثوابت والوعود = تستصغرك لو كنت اكبر من كبير
متى اعز رقبتي وانعم بالسجود = ابليس ملّ وهو يردد دونت كير !!
يانفس توبي يانموذج للجحود = الراحه ماهي بالمخده والسرير
ترى الجسد نهايته حفره و دود = والمؤمن اللي يؤمن بهذا المصير
اما رياضن تنفتح لك باللحود = والا جهنم والعذاب المستطير
يكفي اختناق ارجوك عودي لاجل اعود = على الأقل لعيون دمي والزفير
[/poem]
وسلامتكم ,,,
.
.
.
صالح المرزوق
