السلام عليكم ورحمة الله وبركاته
حياكم الله يا حباني كلياتكن وجامعاتكووون << يا زين ساكت
اليوم أول حلقات يوميات عاطل وراح تكون كل يوم سبت في مثل هالحزه http://www.shdadeen.com/vbq/images/smilies/shiny.gif
شدو أحزمة الأمان وتربطو زين,,,
أنا بندر عمري 18 سنه أكبر أخواني عائلة متوسطة الماده عندي أبوي وأمي
<< لا ياشيخ
أبوي يا حليله دايم منرفز وخشمه في راس نفسه << ياأبو لا تقلب الهرج
من كثر ما يكفخ فيني فاتح شوارع في وجهي وفي ظهري مسوي خريطة الشرق الأوسط
وكل شيء على لسانه لا .
بعض الأحيان أقول أبوي تبي غداء يقول لا بس قحاره فيني ويجي يتغداء .
أما أمي يا حبة عيني ماشاء الله عليها تذكرني بمصارعات mbc أكشن
مقفله النونه وإذا جيت المطبخ اطلع وكل الصحون والقدور تلاحقني لين توصل غرفتي
المشكله معي خواتي ما يقولون لهم شي قلبوا الآيه حطو الولد من اللدح والبنت
التدليع والمدح ,,http://www.shdadeen.com/vbq/images/smilies/tears.gif
وعاد أنا مانيب قليل شر كل يوم بمصيبه من يوم وعيت وعرفت نفسي إني آدمي
<<<< متأكد يا قرد http://www.shdadeen.com/vbq/images/smilies/shiny.gif
وياما جيراننا أشتكو مني وخاصه جارنا أبو فتحيه كل يوم وانا طامر عليهم
أسرق الفلافل لأنهم عائله مصريه ما تشم عندهم ريحة أكل غير فلافل وفول
وأبوي يوم صرت بالثانوي علشان يعقلني خطب لي بنت جارنا بعد في الثانويه
أسمها نوره كنت أنا وياها دايم نلعب كيرم وأونو كنت أحبها http://www.shdadeen.com/vbq/images/smilies/in_love.gif
وهي متقرفه مني
بس يوم كبرت كأن بدأ فيني حلااا شوي <<<<<< أمحق حلا
ووافقت على الخطبه وسوينا الملكه بشرط ما يتم الزواج الا بوظيفه .
في ذات صباح وهويوم توزيع النتائج وبما إني يا حليلي آخر سنه في الثانويه
العامه يعني على باب مستقبل لازم أجيب نتيجه طيبه علشان أفرح ماما وبابا << يا حلوها من فمك جعل لحيك الكسر هههههه
وأرفع راسهم قدام جيراننا وخاصه جارنا أبو (نوره)
يسألون الجيران وأنا صغير وش تبي تطلع أقول طيار أو دكتور أو بنشري
<< بنشري لايقه هههه
الموهيم وأنا مارق مريت عند أبواب البيت بيت كانو سكانه <<<بتغني يا أخي أعقب وكمل القصه
مريت على بيت نوره وقاعد أصفر وأنشد السلام الملكي وأصفق وألوح بشماغي تقول أطير حمام
يمكن تطلع من الدريشه يمكن تطلع ما طلعت أنكسر خاطري ورحت أقرب مجبر وجبرت خاطري وقال بعد شهرين نفك الجبس <<<< يا أبو أنت سكران http://www.alflk.com/vb/images/smilies/x24.gif
الموهيم وصلت المدرسه ولقيت شلتي جربوع المصقوع وأبو ساق وماجد ركبه وأحمد طقش يلعبون بلوت على رصيف المدرسه مواصلين الأخوان ما رقدو من إلبارح يبون النتائج وباب المدرسه باقي مقفل وقعدت أسجل لهم ونصايح وفتحت المدرسه
وقامو ينادون المتفوقين ,,,
مش معاهم طيب الممتازين مش معاهم طيب الجيدجدا أنسى !!
طيب جيد قالو تبطي !!
طيب لا تقولون راسب
قالو لا نجحت بتقدير مقبول يالله خذ شهادتك وتوكل على الله .
أطالع في زملاي وش صار فيهم لقيتهم راسبين كلهم يعني أنا أحسن واحد فيهم <<< يا نذلك
وأرجع للبيت أسحب أذيال الخيبه وين توديني مقبول هاذي إذا جندي يقولون
لازم نسبه 99%
وأبي طيار أو دكتور أنا ووجهي <<< مالت عليك بنشري والله بعد تبطي
دخلت من باب بيتنا أسمع صوت أبوي من المجلس يقول هلا هلا بندر وليدي يالله حيه ..
وأمي تقول يا ما جاب الغراب لأمه هاااااه وش سويت ؟؟؟
سحبت نفسي لغرفتي وسكرتها بالقفل ودقيت على جوال أبوي ..
قلت \\ ألو جوال أبوي
قال\\ بسم الله علي مو توك داخل البيت وينك يومك تدق جوال .
قلت \\يا أبوي في الغرفه وأبيك في سالفه بس عبر الأثير << يقلد خديجه الوعل هههههه
يعني مابي أواجهك .
قال \\ قول يا بندر قول بسرعه خوفتني .
قلت \\ يا أبوي تعرف أغنية خالد صارحيني.؟؟
قال \\ أنت مهبول وش تقول .؟؟
قلت يا أبو بإختصار كلم لي ابو دحيم راعي البقاله يشوفلي عنده وظيفه تراني
نجحت بتقدير مقبول .
طووط طووط ..............
سكر أبوي السماعه بوجهي
أنا خفت قلت بس لا يكون جته سكته قلبيه
وأقعد أصيح مثل المصاريه بابا لاااااااااا بابا ما تسبنيش
وأفك باب الغرفه الا وهو قدام وجهي ومعه ذاك المشعاب الي الله لا يوريكم إياه
ويرفعني فوق راسه فوووق
قلت شفت يا أبوي رفعت راسك وأنت تطالعني فوق ههههههههههه <<< لا يالوسخ
ويصقعني في الأرض ,,,,,,,,,,
طااااااخ طييييخ طووووخ قع قعقوووع طن بون
حتى عضيت الأرض تحتي وأختلطت دموعي مع دمي .
وهو يصايح وش أقول لجيراني وش أقول لنوره وأبوها وين ألقالك وظيفه يالسرمادي
ويدخلني الغرفه ويسكر علي ويروح وأقعد أعيط أعيط <<< يا عزتي عنك
وسحب مني الجوال والأب توب .
وأقعد ذاك اليوم مهموم وطفشان وما اغير أراقب الباب متى يعفو عني .
أو يدخل ويتمردغ في بطني .
والصباح أصحى بدري تقول عندي وظيفه <<< فضاوه والله
وأقعد قدام المرايه أغفص وجهي وألاعب سنوني
وشفت لي سوستين يلعبون غميمه وسوسه ثالثه تراقبهم من ضروسي وتقول
بسرعه تعالو وراكم مدرسه وفي إجتماع للسوس في أباط الآدمي المعفن هذا .
وأخذ لي فرشة أسنان ومعجون وأشتت شملهم وأسمع صافرات الإنذار أشتغلت عندهم
يقولون غاره غاره وفيه سوس أكيد شيخهم يقول لعيون عليا لعيون عليا .
وشوي أسمع طق طق فتح قفل الباب ..
إلا وأبوي داخل علي .....................
إلى اللقاء في الحلقه القادمه
ملاحظه \\ القصه خيال ويمنع لمن هم أقل من 18
هههههههههههههههههههه
