يامرحبا ترحيبتن كلها خشش متسكره
أقول لاحد يفق خشته ويضحك علي لا أمحطه محطن ينسى جدة أمه السابعه
بقولكم قصتن مرت علي بيومن من الأيام الخوالي آآآآآآآآآآآآآآآآآآآآآه
كنا رايحين لمكه مع ربعن مانعرفهم وماشاء الله من كثرهم تحسبهم ديرتن كامله
مدري وشلون شالتهم سياراتهم
6سيارات وإذا وقفنا أنكبوا العالم منها تقل أفتح ياسمسم أبوابك نحن العجايز والبزران أفتح وطلع كل الأنواع
وحنا سيارتنا تمشي بينهم واحليلها مؤدبتن بالحيل
وصلنا
أخذنا عمرتنا (الله يقبل منا ومنكم )
وهنا جت المعاناة
حلفت أني ما أجلس مع هالعالم دقيقه وحده خير وشلون بنام وشلون باكل وشلون بتكلم ماتسمع غير للللللللللللللللللللللللل للللللل<<<لجة العالم
ومير ياخذ أخوي لنا شقه بروحنا (أمي وخالتي وأنا وأخوي) <<< رحمت روحنا بالنسبه لهم لو يهجمون علينا أنتسان يجمعونا بيدن وحده
الزبده واللبن والبقل
مره من المرات نزلنا للحرم أنا ومامتي وخالتي وأنا أمشي وكلي شموخ
وأمشي
وأمشي
إلا وأشوف هاك الهواش على الطريق واااااااااو من زمان ماشفت أحد يتهاوش على الطبيعه نسيت رقبتي عندهم وكملت مشي
ورقبتي خلاص لازقه عندهم
مستحيل تغير حركتها
الجسم يمشي طوالي والرقبه لافه على نفس الموقع
وأمشي
وأمشي
وطربق طربق طربق طربق<< صوت دوي هائل وأرتطام
ايه بس صوووح علاكم
هذا هو جسمي طااااااااااااااااااااااح
ياااااااااااااااااااااااا ااااتسبديه على شموووووووخ اللي راح هدررررررررررررر
لا المشكله مو هنيا <<< عادي دايم تطيح وتكمل عذرها مامحد يعرفني بطقاق
المشكله يوم تعدلت الرقبه وناظرت قدام إلا تشوف الأخ الكريم ومعه أثنين من الربع إياهم
يؤ ياتسبديه وين أودي وجهي من الربع
وطننننننننن << لمعت فكرتن جهنميت براسي
وطيران ألف من الجهه الثانيه عشان مايعرفونن وأكمل طريقي
إلا هاللي يلحقن
بقايا
بقايا << وعمك اصمخ
بقااااااااااااااايا
وتحين ساعة الصفر
والتفت بكل هدؤ وأشر له رح << على بالي غلطان الأخ
إلا وأشوف العالم متسدحين من الضحك
أأأخ بس لولا الحياء لأخذت أقرب جلمود وصكيتهم على راسهم
والأخ ينادي تعالي عارفينك عارفينك هاه بشري عسى ماجاك شي
أن بغيت أتكسر مالك دخل أنقع لمهم وصك أخششهم اللي تقل مغاره
أقول رح بس الله يرحم والدينك
وأكمل طريقي وقلبي يتقطع على طيحة الوجه
وأرجع من الحرم ويجيني أخوي شايلن معه أعتذار الشباب
عقب ما كسروا قلبي ياعمري عمري وياتسبدي تسبدي يجون يعتذرون مدري وينهوبه ينصرف من أي بنك هالإعتذار
خلاص فكوا اللطمه وحرروا خششكم من القيد
فمان الله
