حــلــم غــيــر الاحــلام !!
السلام عليكم ورحمة الله وبركاته
اسعد الله جميع اوقاتكم بكل خيررر
اطرح لكم هذا المتواضعه التي ارجو ان تشفع لي عن الغياب
[poem=font=",6,firebrick,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
حلمت حلم ٍ غير عن كل الاحـلام=اني من آل سعود واسمـي خليفـه
املك ثمان قصور في مصر والشام=وجنيف دايم راحتي فـي مصيفـه
رصيدي الجاري ماتحصيه الارقام=ومخططاتي غـرب وادي حنيفـه
العـام كنـه يـوم ماكنـه بـعـام=آطا علـى مخمـل وزل وقطيفـه
مكرمني المولى ومن نسل الاكـرام=الديـن ساسـي والعقيـده نظيفـه
جدي معـزي عـزه الله بالاسـلام=وحد جزيرتنـا بـرمحـه وسيفـه
يوم القبايل كانوا احـلاف واقسـام=حوّل عليهـم بالجمـوع المخيفـه
يسعى لـنشر الدين ويحث الاقـدام=ربي معه والنصـر دايـم حليفـه
في ساقته يمشون جيـش ٍ وخـدام=على الركايـب والمهـار العسيفـه
للخيل غارات ٍ وللجيـش درهـام=وبأيمانهم حدب السيـوف الرهيفـه
كم وقعة ٍ بـأمر الموحـد والامـام=على ظهـور ملافحـات السفيفـه
طوّع عصاة الدين في بضعة اعوام=وزاح الجهل عنا وظلمـه وزيفـه
يالله يامنـزل تبـارك والانـعـام=عساه فالجنـه مـع ابـو حذيفـه
حاكم وعقب لـه ملـوك ٍ وحكـام=هاماتهـم فـوق الجبـال المنيفـه
مطبقين الشرع في كـل الاحكـام=وديارنا من فضـل ربـي مريفـه
أمن وأمان وخير وأرزاق وأنعـام=في ظل شيـال الحمـول الكليفـه
مليكنا في مدحـه تجـف الاقـلام=نبراسنـا نـور العيـون الكفيفـه
ابو الجميع ابو الارامـل والايتـام=راع اليديـن الطاهـره والشريفـه
بـأرواحنا نفديه ونضد الاخصـام=ورمز العروبـه مانـدور وصيفـه
بثـي كلامـي ياقنـوات الإعـلام=في حلم ليـل البارحـه مستضيفـه
صحيت من نومي مثل باق الايـام=طفران ماحصلت حتـى الوظيفـه
عشت الحقيقه حلم في ثوب الاوهام=مواقـف الاحـلام اثرهـا طريفـه
تضحك مثل بعض الكوميديا والافلام=وتجعل ثقال همـوم بقعـا خفيفـه [/poem]
وسلامتكم
