مــن الــعــاقــل ؟ يــامــجــنــونــه
[poem=font=",7,indigo,bold,italic" bkcolor="transparent" bkimage="" border="none,4," type=2 line=0 align=center use=ex num="0,black""]
تـفـرد باالفـرايـد ياخفوقي ماعليك إحراج=لجل عين الهنوف إلي بشعرك دوم مفتونه
ورتبهن الياجنك يـشـادن خطـبـة الحـجـاج=قويات(ن) حسيـنـات(ن) عــن الــزلات مصـيـونـه
يزيدن العجب في نفس قارئهن يفـل حجـاج=حمام الورق يطرب لو سمعهن غير لحونه
ولا ياعين بحريه وحش تستطلع الدراج=بعد حزت عصير فروخها بالعش يرجونه
هنوفن غامضة ووصافها ماتحاكي الدواج=عشاشيقه كثار وحاجزه وأقفلهم دونه
هنوفن عقلها راجح غلاها في خفوقي لاج=دخلت لقلبها بلحظات من بوابة عيونه
هنوفن من ورى جمر الشفايف ثلج لون العاج=جمع في مبسمه متناقضات الكون في كونه
وأنا السباح لكن موج حبه منه ماني ناج=وأنا من عين محبوبي سبيت النوم من نونه
دخلنا باب واضح يالهنوف وغامض المخراج =دخل به قيس ياليلى... من العاقل ؟ يامجنونه[/poem]
