-
حراس الفضيلة
السلام عليكم ورحمة الله وبركاته
إخواني أعضاء هذا المنتدى الرائع
يسعدني ويشرفني أن أكتب لكم هذه القصيدة
وكما يقال الكتاب بعرف من عنوانه
فالقصيدة تعرف من عنوانها قصيدة إهداء إلى حراس الفضيلة
واسود هيئة الأمر بالمعروف والنهي عن المنكر رغم كل ما يحاك ضدهم من قصص ومقالات
من أقلام تهدم القيم والأخلاق لا ننكر وجود سلبيات لهم ولكنها سوف تذوب في بحر مزاياهم
وإنجازاتهم لكم القصيدة ولي الشرف بقراءتها
[poem=font=",6,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
ياشعر طاوعتك على كل ما تريد = تامر وأسخر بك بيوتٍ جزيلة
كتبت بك ياما لجل أتلع الجيد = ووصفت بك أم العيون الكحيلة
واليوم طاوعني بمدح الصناديد = أبطالنا اللي يحرسون الفضيلة
قدوتهم الفاروق وش عاد بنزيد = وأعمالهم في مجتمعنا جليلة
كم خلصوا بنتٍ غدت للنذل صيد = عاشت معه قصة عذابٍ طويلة
يلعب عليها ويربط برجلها القيد = ويحلف لها إنك حنونة جميلة
والله ما أعرف غير أنتي من الغيد = إنتي وبس اللي أبيها حليلة
والبنت مسكينة تصدقه وتحيد = وتعيش قصة ألف ليلة وليلة
لولا الأسود الضارية جابت العيد = وجرت عليها مع أهلها الفشيلة
وكم جودوا من ساحرٍ كايد الكيد =لو طارت رقبته تراها قليلة
محدٍ سلم بلواه شايب مع وليد = وكم فرق بسحره خليل وخليله
وكم جودوا داشر وسربوت عربيد = يمشي ويفشي بمجتمعه الرذيلة
دمر وخمر له عيال الأجاويد = إما بحيلٍ منه ولا بحيله
مانستمع فيهم حكي زيد وعبيد = موتي بغلك يالقلوب الغليلة
داري مقر الدين فقة وتوحيد = وجود ذالهيئة هو أكبر دليله
الله يسدد دربهم خير تسديد= يدعون للمعروف بأحسن وسيلة
وحنا معاهم كلنا إيدٍ بإيد = لانا جنودٍ للوطن والفضيلة[/poem]
لكم التحية
عبد الرحمن بن سعد الدوسري
حزين الحرف
-
فعلاً أسود
الله يحفظهم لهذه الأرض الطاهرة
صح لسانك يا عبدالرحمن
لله درّك
وبانتظار جديدك
-
الله الله
صح لسانك ملايين
مبدع ياعبدالرحمن
والله يحفظ حراس الفضيلة
ويعينهم على عمل الخير
والامر بالمعروف والنهي عن المنكر
تحياتي لك
-
عبدالرحمن الدوسري
صح قلبك وكلك
وسلمت اناملك
جزل ومبدع دوما
واشتقنا لقمك بعد هذا الغياب عنا
تحيتي لك
-
جزيت خيرا
ويستاهلون اكثر
هم مثل الصحة ما يعرف قيمتها الا من فقدها
وبعض من يكرههم مثل من يدمرصحته بنفسه كشارب الدخان مثلا او ..
بارك الله فيك و وفقك
-
-
ياسلاااااااااااااام عليك
صح لسااااااااااااااااااااااا اااااانك مليووووووووووووون ولايكفوووووون
وفالكم البيرررررررررررررق
ابدااااااااااااااع فعلا
-
[IMG]http://fhab09.********************************************/تصفيق.gif[/IMG]
صح شعرك وبوحك
-
أخوي الغالي
مفرح
صح بدنك ولاهنت
يسعدني ويشرفني أن تكون أول من يرد علي
لك كل الود والورد
-
أخوي فايز
صح بدنك ولاهنت
بيض الله وجهك على الرد
-
أبو عبد الرحمن
اسعدني ردك وكلامك
أتمنى أن أكون عند حسن الظن دائماً وابداً لك ودي
-
سليمان الذويخ
صح بدنك ولاهنت
لك ودي
-
اخوي ابو سعد
صح لسانك واعتلا شانك
رايعه بروعة حضورك
لك احترامي وتقديري
-
عبدالرحمن الدوسري
هلا بك وغلا
صح لسانك الى رضاك
جعلها الله في موازين اعمالك فأنت تدافع عن رجال بذلوا كل مافي
وسعهم لحماية وحفظ اعراض المسلمين .
مانستمع فيهم حكي زيد وعبيـد=موتي بغلـك يالقلـوب الغليلـة
هذا الكلام
لله درك
تقبل مروري
-
الله الله
صح لسانك ملايين
مبدع ياعبدالرحمن
والله يحفظ حراس الفضيلة
ويعينهم على عمل الخير
ويرد كيد من يعاديهم في نحره
كل الشكر لك ولقلمك الناقي
-
وردة في صحراء
صح بدنك ولاهنتي
لك ودي
-
مها
صح بدنك ولاهنتي
لك كل الود والورد
