اتمنى ان تحوز على رضاكم
[poem=font=",6,black,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
مليت من جور الحياة اللي بها هم وعذاب = اللي حدتني للأمور الكايدة وأهل الردا
لكٌن انا نفسي عزيزة لاتذل ولاتهاب = الا من اللي صخر السبٌع وللمسلم هدا
قيدتها طوعتها هليتها مثل السحاب = ماهو كما اللي لاقصد تكفية قطرات الندا
انا ليامن صكة براسي وعديت الصعاب = ارقا لها واتكي لها واعسف بعيدات المدا
عديتها بالعالية فوق الثرى دون السحاب = ثم هاض هاجوسي على بحر الهجيني والحدا
شاعر و بفرض سلطتي و أكتب بعنوان الكتاب = اني رقيت العالية غصبن عن خشوم العدا
راسي ترا كوكب شعر ماهان فالساحة وغاب = لكن ترا في هالزمن خلقت بين مقردا
في هالزمن حتى الحرار تذل من كفخ الغراب = امرن جديدن واقعي واضح ولا فيها جدا
امرن عجيبن لاتعجب فية من نسج العجاب = هل تكتفي بضرب مثل والهرج لايذهب سدا
الذيب لامنة عوى وترد بالنبح الكلاب = هذا دليل اثبت لكم والقصد فية محددا
الله من جور العذاب اللي يمهد في عتاب = من ضيمها من ظلمها اصبح عذابي لي ردا
اخوك يامناحي تدهور بين تلعات الرقاب = اسمع لها صوتن يعانق مسمعي مثل الصدا
مشيت في درب الهوى لين اتضح قدمي سراب = رجعت خايب بالامل والهم في قلبي بدا
خليت انا درب الهوى والقلب من ماضية طاب = وجٌهت للي صخر السبٌع وللمسلم هدا
وانا ليامن صكة براسي وعديت الصعاب = ارقا لها واتكي لها واعسف بعيدات المدا[/poem]
